Populære bibelvers fra Rooma 14

Del

A mehe dakhi Waakh ka wihi khumman golol ichoow wihi ladamo menye, a innohi fiffissane nebey khabno. Jeenteti inno ichoow Rubeyti Munyee wohoo kalday inahuu la hamaad a ꞌhella. Eti tuummane iꞌdaasu Kiriisto ifalo la, Waakh a kahamaada, weeli enenyet laka a jilhaata.

Chiꞌinno jirro, Kamure ijirra. Chiꞌinno tuunne la, Kamure ituunna. Maantaka jirreey ommos tuunneey ka ba, inno a ki Kamur on.

Maantaka taba giꞌde wihi nebey keeno ichoow wihi inno iskamiigoonno hol a kadowno.

Maantaka taba giꞌde uus inno uskeel isigoon. Fiddihi inno fiddiino ka waha goonno, koloo kalday laka etaahki Kiriisto rummeeste daakki tarraantarricho iitaahane, ommos uskeel goya akalugꞌdin.

Wihi chiiran, “Kamur mehe essa ya, ‘An rumanka a jira gone, weeli enenyet tuumman orteey ka jilbo il a kaguꞌdda, ꞌdooꞌd tuumman la saggi an Waakh iahe ꞌdow ka a cheeka.’ ” ꞌDeerka ꞌdee eteemba berri wori jirotiis tuumman Waakh a idowdowa.

Taba, eti kakhuufnaanki us Waakh kakhuufo ꞌdabakhyahe soodowwaacha, toro la mali us khabo wahanyeyyohoor mammarah miinsan, aleeiriirina.

Atihi bowꞌdati etoo addan uuraah ka hukkunto a ayyo? Kamuriissa gon usu uskeel khabo kufe ommos usu uskeel ikhabine toollo goocha. Ulla ꞌdee rumanka a toolla, a mehe Kamur toollin a yabuuꞌde.