Populære bibelvers fra Mattaayo 13

Del

ꞌDooꞌd gaasoo a iꞌdi inti harrati haaggan khabto. Ilmohi harrata kadiho a iꞌdi eti Yeedi Waakh daago toro abti. Ulla gurnaan kol kudoo ommos kol tomon lih ommos kol tomon seyyah geeddi il lakachibe ꞌdirihiissa dela.”

ꞌDooꞌd gaasoo a iꞌdi inti geeyohi rurrucchule kudah khabto. Ilmohi harrata kadiho a iꞌdi eti Yeedi Waakh daago, raaho, iꞌdaasenyi waꞌdwaaꞌdi harrata ichoow ꞌdamaanki kamurroon ba afchaane, gurnaan icho delaan mele.

Chiꞌ etoo wori dakhi Waakh miinsan daago toro la wihiis iaban, Seytaanki uskeel leh a yamiite, woraas icho daageen uurassicho kabahcha. Waha a ilmohi jit lakachibo.

ꞌDooꞌd gaasoo a iꞌdi ilassi ngꞌaajjeenye harrati rucchul khabo. Ilmohi harrata kadihe a iꞌdi eti uus Yeedi Waakh daago hamaadi buure ka khaatti. Iꞌdaasenyi hiiyyay us khabo mele, mujjum ma tolossati. Maanti jeenteti Yeedi Waakh u sinatoo isoobahte ommos sina loomhiche dowwa on soodiha.

“Dakhi goobi Waakh a iꞌdi wohoo weyti gato miigenye gos goya lakadagche. Etoo chuꞌus soosuune ka, toro dagche. Eta hamaad ka irte wihi us khabo tuumman ororiche gosaas gatte.

Gaasoo la inti harrati haaggan khabto kadiheene, gurnaan deleen. Gaasoo kol kudoo deleene, gaasoo kol tomon lih deleene, gaasoo la kol tomon seyyah deleen.

Lammacho ba ꞌdiicha a isleebaheene ichoowka ibeenki gurnaan lagoocho. Anna ibeenkaas ka ꞌdooꞌdi gurnaan goocho wihi icho yeelaan a icheeka. Koloo haraam soobbukkhicha, koobbino ka iskaahhida, ꞌdee a lagubo. ꞌDargaayye la soogoocha koondiheey kichiba.’ ”