Populære bibelvers fra Baroma 4

Del

Ne khufukiilila khweewe sikhwamuwamo ta, namwe s'ekanakana sheesi Wele amulomela ta. Akhali eloosela khutsowa mu khufukiilila khweewe, nga abuyila Wele, nga amanya bulayi busa ari, Wele akhaakhole isho sheesi amulomela.

Nga shisharonebwa ni shiloma shiri, “Naakhukalusile iwe khuuba umukuuka uwe kamanaambo kamakali.” Nashiryo khusuubisa ukhwo khuli khulayi mu moni tsya Wele, isi Iburayimu afukiilisamo. Wele uyo niye ulamusa baafu, naluundi niye ukila bibiindu abe bibikhaliwo ta, byabawo.

Kristo uyo bamwiira khulwe bibyoonako byeefwe, ne lwanyuma Wele wamulamusa khukhwaama mu bafu, ari nio akile khube bakwalaafu isi Wele.

Iburayimu aaba ni khufukiilila naluundi waba ni khukhwiyikina, shaakila wekyela umukuuka uwe kamanaambo kamakali. Nga shisharonebwa ni shiloma shiri, “Babetsukhulu boowo nabo baliba bakali.”

Shino nisho shishikila khusuubisa khweesi Wele akhola khweemikha khu khufukiilila. Nio khusuubisa khweesi Wele akhola isi babetsukhulu ba Iburayimu khube nga khweemikhile khu bweela bweewe, ne akhali isi abo babaloondelela kamakaambila ta. Ne shino seshikholikha isi abo babaloondelela kamakaambila bonyene ta, ne ni isi abo boosi babafukiilila nga Iburayimu n'afukiilila, khulwekhuuba niye ali umukuuka uweefwe fweesi.

“Bali ni tsikhabi abo beesi beyakhila bibyoonako byaabwe, abo beesi Wele arusawo bibyoonako byaabwe. Nga ali ni ikhabi uyo isi Umukasya alibala nga ukhali ni bibyoonako ta.”

Bibyaronebwa bikhosefu biloma biryeena? Sibiloma biri, “Iburayimu aafukiilila mu Wele, nio khulwe khuufukiilila khweewe mu Wele, waabalibwa khuuba umukwalaafu.”