Populære bibelvers fra Baroma 2

Del

Ne iwe waambaasa uri n'ukhalila abo babaakhola bibiindu nga ibyo kumusaango, ate nga nawe wamweene ubikhola, nawe Wele s'alikhukhalila kumusaango ta? Namwe ulekelesa bukali bwe shiisa sha Wele, ni khukhwikhaliilikha khweewe, ni bulayi bweewe? S'umanya uri shitsilililwa sha Wele shili ndi iwe wibiiyise bibyoonako byoowo ta?

Ne iwe n'ukhalila uwashoowo kumusaango, iwe s'uli n'ilomo yoosi iye khuuwotsa ta? Khulwekhuuba n'ukhalila uwashoowo kumusaango, nawe uba wekhaliile wamweene. Shishikila shili ndi iwe ukhala kumusaango nawe wamweene ukhola bibiindu byeene ibyo.

Khulwekhuuba Wele nga akhala kumusaango, s'aromboosa mu baandu ta.

Khulwekhuuba abo babarekeeresa busa likaambila ne baalekha khulitsiilakho nga ni liloma, sibali nibo bakwalaafu mu moni tsya Wele ta. Ne akhali abo babaakhola nga likaambila ni liloma nibo babaabalibwa khuuba bakwalaafu.

Khulwekhuuba Wele aliiwa buli mutweela kumukheemba kweewe, khuulondekhana ni bikholwa byeewe.

Ne abo babaali baatakha nga sibaloondelela bya ŋali ta, ne khurusakho ndi baloondelela bye bubwoonaki, Wele s'alibawaambilakho shiisa nakhari ta.

Ne khulwe bumiinyi ni shikili bye kumwoyo kwoowo, ulikho wibiikhila wamweene shitaambiso khu shifukhu sheesi Wele alyokesanisilakho lirima lyeewe, ni khuukhala kimisaango khweewe khwa ŋali.