Populære bibelvers fra Baroma 12

Del

Mukhebirisaka nga shiibala shino ni shikana ta. Ne ni mulekhe Wele abashuuse kimyoyo kyeenywe kikyele kimishaakha, nio munyalise khukhola bibiindu bilayi, bibyaakha khukholebwa, naluundi bikhosefu, ibyo byeesi Wele akana.

Bebuulebe, khulwe shiisa sha Wele shikali isi ifwe khuli, imbekontselela ndi muwaaneyo kimibili kyeenywe isi Wele, kibe nga isaayilo iya ŋali inyene, naluundi ikhosefu iyakhila khuwaanayo isi Wele luundi imwikhoyesa. Khuno nikhwo khukhwisaaya khwenywe khwe mu mwoyo luundi khwa ŋali.

Lekha khukhwiyikina khweenywe khubareerere kumwikhoyo. Akhaba ni mubira mu bukosi, ni mube ni khukhwikhalilikha, naluundi ni mube nga muloomba busheele.

Ukhafukiilila khukhola bibyoonako khwetsula mu bulamu bwoowo ta, ne akhali n'uwule bibyoonako nga ubirira mu khukhola bulayi.

Ni mukanane mwabeene bulayi nga be buulebe ni bashiile khukanana, nga buli mutweela ali ni kameelu ke khukhwisamo uwashe shiriifwa.

Khuukana khwaakha khuuba khwa ŋali khukhweene. Mukhekoomba khuukhola bibyoonako ta. Naluundi ni muwandalalile khu buli shiindu shishiili shilayi.

Noola shinyalikha, khakakho nga ni munyala, khuumenya mu lukoosi ni babaandu boosi.

Bakanwa baase, mukhakhakakho khukhwilihaasa ta. Ibyo ni mubilekhe mu makhono ka Wele. Khulwekhuuba bibyaronebwa bikhosefu biloma biri, “Umukasya aloma ari, khukhwilihaasa khuli khukhwase. Ise samweene niye ulilihaasa.”

Raamba ni kamaani; mukhabamo butoro ta. Ni mwakaanise Umukasya nga muli basangaafu, khulw'Omwoyo.

Khulwe bubweela bweesi Wele aamba ise, imbaboolela inywe mweesi ndi buli mutweela khus'inywe akheyambaasakho khuuba niye uwe angaaki khufuura babaandi ta. Akhali buli mutweela ni eyambaasekho nga etsililisa, na buli mutweela khulondekhana ni bukali bwe khufukiilila bweesi Wele amuwa, nga ni khuli.

Nga umuundu wakhukholilekho buubi, ukhelihaasa ta, ne lekha buli muundu abone ari ukhola bilayi mu moni tsaabwe.

Ni mumenyatsake mu lukoosi ni babaandu boosi. Mukhabatsaka be shikili ta. Ni mukholakanile atweela ni bataambi. Mukheyambaasa khu mwabeene khuuba bakyesi ta.

Mu shifwo she khukhwilihaasa, noola umusiku woowo intsala imulya, n'umuwe she khulya. Noola ali bulesa, muwe she khuunywa. Khulwekhuuba iwe nga wakholile uryo, kamaŋaanyu kamuwaamba waba busa nga esi batsukhile kamaanda ke kumulilo khu murwe.

Abo babaabakubyeenga inywe, ni mu baloombele ikhabi; ni mubaloombele, ne mukhabatsuba ta. Ni mwikhoyaatsakile atweela ni naabo babekhoya, naluundi mube mumutaambo atweela ni naabo babaali mu mutaambo.

Noola mutweela khu bakhosefu sibali ni shishiindu ta, ni mubawe khu byeesi muli ni nabyo, naluundi ni mube ni kimyoyo kimilayi, nga muli ni bubweela.

Shili busa nga kumubili mutweela ni kulikho bisiintsa bikali, ne buli shisiintsa shikhola kumulimo kukwasho. Ni nafwe khuli busa khuryo. Akhaba nga khuli bakali, ne khuli kumubili mutweela mu Kristo. Buli mutweela ali uwe kumukaso isi uwashe.