Populære bibelvers fra Baroma 11

Del

Bibiindu byoosi bibiiliwo byaama isi Wele; naluundi byoosi biliwo khulweewe, nga bibyeewe. Shiriifwa shibe isi Wele biilo ni biilo. Amiina.

Nga buyiindifu bwa Wele bwe kamaani! Nga Wele ali ni kamakyesi naluundi wamanya bibiindu bikali! Naanu unyala wamanya sheesi Wele atsya khukhalawo? Naanu unyala wamanya isaambo yeesi Wele araambamo kimilimo kyeewe?

Bibyaronebwa bikhosefu biloma biri, “Naanu unyala wamanya khukhwaambaasa khw'Omukasya? Namwe iliwo umuundu yeesi uwawakho Wele kamakyesi?

Shitweela busa, ni aluno ari iliwo babaramile bafwiiti beesi Wele amala khurobola khulwe bubweela bweewe. Ne khurobola khweesi Wele akhola khuli khulwe bubweela bweewe, ne s'ili khulwe bikholwa byeesi bakhola ta. Iba nga bari khurobola khweesi Wele akhola khwimikha khu byeesi babaandu bakhola, khali bubweela bwa Wele buba sibushiili bubweela ta, ne khali buli shishiindu shishindi busa.

Umuundu anyala wafuniaaka tsisakya tsye kusaala kweesi balyakho bibyaamo warusakho, wesakho tsisakya tsye kusaala kwe muusiru busa, nio bari nanywe mukabane khu buyiindifu bwe kusaala kweesi balyakho bibyaamo? Munyala mwebuyila muri inywe mufuura tsisakya tsye kusaala tsye khubweene? Ne abe noola mwibuyila, shebulila muri s'ali inywe nibo mumutikiya shisina ta, ne akhali shisina nisho shishibatikiya inywe.