Populære bibelvers fra Baroma 10

Del

Khulwekhuuba iwe n'ufukiilisa ni kumunwa kwoowo uri Yesu niye Umukasya, naluundi wafukiilila mu mwoyo kwoowo uri Wele amulamusa khukhwaama mu bafu, uliwonesebwa.

N'ufukiilila ni kumwoyo kwoowo, wikyela umukwalaafu; ne n'ubuula ni kumunwa kwoowo, uwonesebwa.

Nashiryo, khufukiilila khwaama mu khurekeeresa buurume, naluundi buurume bwiitsa khukhwaama mu khulaangila khweesi Kristo akhola.

Nga bibyaronebwa bikhosefu ni biloma biri, “Mbaawo umuundu namutweela ufukiilila mu Yesu, uliwaambisibwa kamaŋaanyu ta.” Khulwekhuuba mbaawo khuromboosa akari w'Omuyudaaya n'Umunaambo ta. Umukasya mutweela uyo, niye Umukasya uwa boosi. Naluundi niye ukabila boosi babamwiitsayo buyiindifu bweewe. Nga ni sharonebwa shiri, “Buli muundu yeesi uwisaaya Umukasya, aliwonesebwa.”

Naluundi babaandu banyala baryeena bakhupa kumulaanga kwe buurume, nga imbaawo ubarumanile ta? Ne nga bibyaronebwa bikhosefu ni biloma biri, “Babareera kamakhuuwa kamalayi nga bali ni bikele bilayi!”

Ne babaandu banyala baryeena besaaya Umukasya nga bashiili khumufukiililamo ta? Naluundi banyala baryeena bamufukiililamo, nga bashiili khuwulila buurume bubwaama isi Umukasya ta? Naluundi banyala baryeena baawulila bibiwaamba khu Mukasya, nga imbaawo ubakhupiile kumulaanga ta?

Khulwekhuuba ari Kristo wakila kamakaambila kayakama khuraamba, nio buli muundu yeesi umufukiililamo abe umukwalaafu isi Wele.