Populære bibelvers fra Bl 35

Del

Kră Yang 'Bok Kei-Dei khan dơ̆ng thoi âu: Inh boih Kră Yang 'Bok Kei-Dei mơsêh mơyang, ih athei pơjing kon hơ'lơ̆p mă rai lơ; jing minh adrĕch adrung kơdrâ̆m păng lơ adrĕch adrung gô đơ̆ng ih, kư̆m đơ̆ng adrĕch adrung ih gô đei lu pơtao. Char inh mă đei ăn boih kơ Abraham păng Isăk na Inh gô ăn kơ ih păng lu adrĕch adrung ih.

Klaih kơ noh bơ̆n iung, yak năm tơ Bethel, tơ anih noh inh gô pơm minh pôm chơnang soi kơ Kră Yang 'Bok Kei-Dei, Yang mă đei tơl tơwih kơ inh năr inh đei tơdrong hli krưp păng Yang mă đei tơgŭm inh lăm năr inh oei yak rok trong.

Păng khan thoi âu: Anăn ih Jakôp, dơning dơmônh ưh pă krao anăn Jakôp dơ̆ng boih, mă-lei krao anăn Isơrael. Thoi noh na Kră Yang 'Bok Kei-Dei anăn sư Isơrael.

Jakôp sư roi hloi kơ kon akăn sư hăm lu bơngai năm hơdai sư thoi âu: Hŭt lê̆ bĕ dôm lu rup man pơm yang đơ̆ng lu dêh tơmoi, na hum 'nhao wă kơ bơ̆n rơgoh 'lơ̆ng păng tơplih bĕ hơbĕn ao iĕm.

Kră Yang 'Bok Kei-Dei khan kơ Jakôp thoi âu: Iung bĕ, weh năm tŏk oei tơ Bethel. Păng pơdơ̆ng tơ noh minh pôm chơnang soi ăn kơ Kră Yang 'Bok Kei-Dei, Kră Yang mă đei tơ'bôh boih kơ ih kơplah ih kơdâu ôn kơ Êsâu 'nhŏng ih.

Kơplah Rachel wă kơtĕch jơhngơ̆m, lap săi kơ lai na sư anăn kon sư noh Bên Ônid 'bă sư krao anăn Bênjamin.e