Populære bibelvers fra Semtilbu 35

Del

Chuin Pathen'in ahenga, Keimahi hat chungnung Pathen kahi, chi tamtah lhah inlang, hapunin pungin; nampikhat chule nam chom chom loijong nanga konin hung doh intin, chule lengho jong nanga kona hung pengdoh dingu ahi. Chule Abraham le Isaac henga kanapeh gamchu nangma pengting, chule nangma nungsanga nachilhahte jong hiche gamhi kapeh ding ahi, ati.

Chule eiho kipatnu hitin, Bethel'a chetouvu hite; chua chu kahesoh laija eina donbutna, kachena lam chana eiumpi jinga Pathen dingin maicham khat kasem ding ahi, ati.

Chuin Pathen'in ama henga, Namin hi Jacob ahin: namin hi Jacob kiti kit lou ding, amavang namin Israel kiti joding ahitai, ati. Chuin aman amin chu Israel asahtai.

Chujouvin Jacob'in a-insung mite le aumpiho jouse henga chun, Nalah uva gamdang Pathen umho chu koidoh-un, kisuthengun, chule navonu kikhelun

Chuin Pathen'in Jacob henga, Kipat doh-in, Bethel'a chetou vinlang, chua chun gachengin; chule na-upa Esau'a kona najam mang laija nahenga hung kilah Pathen dingin chua chun maicham khat semin, ati.

Chuin ahitin ahi, alha achedoh to lhonin, (ajehchu amanu thia ahitai) amanun amin Ben-oni asah-in ahi. Ahivangin apan Benjamin asah-in ahi.