Populære bibelvers fra Pemungkal 35

Del

Lalu ku Allah Taala bejaku ngagai iya, “Aku tu Allah Taala ti Pemadu Bekuasa. Beranak betelesak meh nuan. Nuan deka nurunka mayuh bengkah bansa, lalu nuan deka nyadi aki ini ke bala raja. Aku deka meri ngagai nuan menua ti udah diberi Aku ngagai Abraham enggau Isak, lalu Aku deka mega meri menua nya ngagai peturun nuan, ti deka nangkanka nuan.

Kitai deka angkat ari endur tu, lalu mansang ngagai Betel. Din aku deka ngaga siti alta ke Allah Taala, ti udah nyaup aku lebuh aku dituntung penusah, lalu udah enggau aku di semua endur ti udah alai aku bejalai.”

Ku Allah Taala bejaku ngagai iya, “Nama nuan Jakop, tang belabuh ari diatu, nama nuan Israel.” Nya alai iya diberi nama Israel.

Nya alai Jakop lalu bejaku enggau sida sebilik, sereta enggau semua orang ke enggau iya. Ku iya, “Buai semua petara orang bansa bukai ke disimpan kita. Tuchi diri empu, lalu rasukka gari ti beresi.

Ku Allah Taala bejaku ngagai Jakop, “Alai nuan mansang ngagai Betel diatu, lalu diau dia. Gaga siti alta dia ke Allah Taala ti udah pegari di mua nuan lebuh nuan rari ari menyadi nuan, Esau.”

Tang Rachel nyau deka mati, lalu lebuh iya baru deka ngapuska seput, iya meri anak iya nama Benoni, tang Jakop meri anak nya nama Benjamin.