Populære bibelvers fra Römer 14

Del

Fa's Reich-Gottes is nett essa un drinka, avvah gerechtichkeit, fridda un frayt im Heilicha Geisht. Deah vo Christus deend in dee sacha, kfald Gott un is ohksenna bei mensha.

Fa vann miah layva, dann layva miah fa da Hah, un vann miah shtauva, dann shtauva miah fa da Hah. So eb miah layva adda shtauva, miah heahra zumm Hah.

So dann, vella di sacha nohch gay es fridda macha un vo nannah ufbauwa doon.

Vella dann nimmi nannah richta. Avvah vella unsah meind uf macha es miah nee nix in da vayk funn en broodah doon es een shtolbahra macht adda een zrikk haybt.

Fa's shtayt kshrivva, “So voah es ich layb, sawkt da Hah, alli gnee soll sich beeya zu miah, un alli zung soll Gott bekenna.” So yaydah ebbah funn uns muss goot shtay fa sei aykni sacha fannich Gott.

Nemmet selli oh es shvach sinn im glawva, un shtreidet nett mitt eena vann si en anri mayning hayva.

Veah bisht du es du em anra mann sei gnecht richsht? Eah shtayt adda fald unnich sei ayknah meishtah. Un eah zayld shtay, fa Gott kann een shtay macha.