Populære bibelvers fra RUM 4

Del

Bé' iah putui pengelan, bé' iah duah kenin, bang neu' pengelan néh tong Allah, usah néh mesoléé' gahang kepéh pu'un iah mejing Allah, uban iah ngelan mu'un omok Allah maneu' pekua' barei' ha' jajii' Néh inah.

Kenat sin tong ha' lem surat Allah éh benara' Allah ngan Abraham, ka' éh, Pu'un Ku' maneu' ke' tepun kekat arong kelunan, ha' Néh. Jajii' inah pu'un petem ngan Abraham uban pengelan Abraham tong Allah. Allah inah, Allah éh omok purip kekat kelunan éh matai ngan Iah ke' éh Allah éh neu' ha' Néh awah, kekat éh bé' jak pu'un pesuai omok pesuai kepéh.

Pu'un Iah matai naneu' penyala' uleu', Iah pu'un betéé' murip kepéh dokoo' lu' omok jian kepéh ngan Allah.

Uban Abraham petem lem pengelan néh tong éh benara' Allah ngan néh, na' péh éh bé' pu'un ineu' ta'an néh éh tekep ke' néh omok ngelan éh pu'un kenat, uban hun inah to ke' éh bé' jak pu'un anak, bang neu' pengelan néh, Allah maneu' éh omok tepun siget arong pohoo' kelunan. Barei' ha' lem surat Allah éh bara', Kekat pohoo' ko' pepit pinaa' mu'un kepéh, ha' Néh.

Jajii' Allah inah kivu pengelan kelunan tong Allah. Uban kenat jajii' inah pu'un petem neu' pengena' Allah éh nena' Néh awah ngan kekat anak ayam Abraham, irah éh kivu sohoo' lem Surat Musa kenat péh irah ngelan tong Allah barei' Abraham nah seleket tepun kekat kelunan éh ngelan tong Allah.

Murung kenin kekat kelunan éh nega' Tuhan kesa'at. Penyala' néh nebet Tuhan tenéh. Murung kenin kelunan éh bé' nihau Tuhan penyala' la'ah. Kenat ha' Daud

Uban ha' lem surat Allah pu'un bara', Abraham ngelan tong Allah ngan neu' pengelan néh, inah jalan Allah alaa' iah seleket kelunan éh jian kepéh ngan Néh.