Populære bibelvers fra RUM 3

Del

Uban kekat kelunan lepah maneu' penyala' ngan mepai tong pengejian Allah. Bang naneu' penika Allah nah awah, kekat kelunan omok alaa' pengepemung ngan Allah ke' néh omok jian kepéh, neu' Allah mena' Anak Néh, dokoo' naneu' dahaa' Néh éh pega', pu'un jalan ke' Tuhan omok mega' penyala' réh naneu' pengelan réh tong Yésus.

Jalan Allah omok maneu' kelunan pu'un pengepemung ngan Néh ke' Néh omok jian kepéh, inah éh neu' pengelan réh tong Yésus Kristus. Bé' pu'un jalan éh tengéé' jin inah ke' Néh omok jian kepéh.

Pu'un Allah mena' Yésus Kristus pengena' Néh dokoo' neu' pengematai Néh Iah omok mega' penyala' kelunan, hun réh ngelan tong Néh. Allah maneu' kenat dokoo' pepoléng Iah teneng mu'un. Sahau kebit kenin Allah tong penyala' Kelunan, bé' Iah tioo ngukum réh. Bang hun iteu' bé' Iah ngelapah tong penyala' réh kenat la'ah, inah telana' néh Iah pu'un pengeteneng, uban kekat kelunan éh ngelan tong Yésus Iah maneu' réh jian kepéh ngan Allah.

Bé' pu'un séé'-séé' kelunan éh omok pemung ngan Allah ke' néh omok jian kepéh, neu' néh kivu sohoo' lem Surat Musa. Surat Musa nojoo' jalan ngan kelunan ke' réh jam kekat kelunan, kelunan penyala' awah.

Barei' ha' lem Surat Allah bara' éh, Bé' pu'un jah-jah usah kelunan éh teneng kenin. Bé' sapét jah usah éh jam ineu' éh teneng, ngan éh pitah Allah. Kekat réh béé pu'un moléé' murin kepéh ngan bet Allah. Kekat réh béé pu'un sa'at awah. Bé' pu'un séé'-séé' éh maneu' jian, jah-jah usah péh bé' pu'un.

Ka' éh séé' séé' péh omok jian kepéh ngan Allah, uban néh ngelan tong Yésus Kristus, ngan bé' éh uban néh maneu' ineu' éh senohoo' Surat Musa.

Adang Allah bé' ngepaléu kenin Néh Iah pu'un tigéh, na' péh kekat kelunan kenyo awah bé' Iah omok kenyo. Barei' ha' lem Surat Allah bara' tong Iah, ka' éh, Hun Ko' pané, kekat kelunan jam Ké' pu'un pané teneng, bé' pu'un ineu'-ineu' ke' réh omok pesala' Ké adang ko' pu'un menang.