Populære bibelvers fra RUM 2

Del

Bang barék ko' péh kei, pu'un éh pekua' barék kelunan éh pesala' ko' inah. Kineu' ke', pu'un ke' seruh ke' omok pelepu jin ukum Allah? Kineu', leko ke' tong penika néh éh ja'au ngan pengasi néh ngan tong néh kebit kenin ngan ko'? Kineu', nebet ko' awah penika Néh? Bé' ke' jam uban Allah pika ke' inah Iah juk mihin ke' moléé' kenin kepéh?

O kei, kineu' ke', pu'un keh pesala' kelunan éh jah? Séé'-séé' éh pu'un maneu' kenat, bé' éh omok bara' kenin néh pu'un teneng. Uban hun ko' pesala' kelunan éh jah uban barék réh sa'at, boh usah ko' maneu' barék inah kepéh, usah ko' péh éh sala' barei' inah ke' éh kepéh.

Uban Allah bé' éh netah kenin ngan kelunan séé'-séé' péh, adang Néh pekua' kenin ngan kekat kelunan béé.

Bé' kelunan omok jian kepéh ngan Allah hun réh menéng éh awah tong kekat ha' lem Surat Musa. Bang hun réh pu'un kivu kekat sohoo' lem surat inah, boh irah pu'un jian kepéh tong jumen Néh.

Uban pu'un Allah mena' oléé' ngan siget-siget kelunan, kivu pekua' penganeu' kelunan.

Bang kelunan éh kivu kenin réh tengéé', éh bé' keloo' kivu sohoo' Allah, éh bet kekat jalan éh teneng ke' réh kivu kekat éh sala' awah, ngan kelunan éh kenat, adang Allah merek ngan réh ngan ngukum réh.

Adang ko' jam éh bang ka'au' mahéng kenin. Neu' kenin ko' mahéng kenat ngan bé' keloo' moléé' tavin Iah, adang ukum ko' pelapah bahat kepéh tong dau Allah pepoléng kemerek Néh tong kelunan éh maneu' penyala' ngan ngukum réh. Teneng mu'un Iah tong jalan Néh ngukum réh.