Populaire Bijbelverzen uit 1 Aj Tesalónica 5

Delen

Kukxit chi tzalajiꞌy. Mi txi kytzaqpiꞌn tuꞌn kynaꞌn Dios. Kyqꞌonxa chjonte te qMan Dios tojjo bꞌaꞌn ex qa tojjo nya bꞌaꞌn, quꞌn ikytzin taj Diosjo qukꞌa, awo nimilqo tiꞌj tbꞌi Crist, a Jesús.

Axit Dios, a Tajaw tkyaqil nukꞌbꞌil, kubꞌ qꞌon kyeꞌy saqxix, ex tzꞌok kaꞌyin teꞌ kyanmiꞌn, kynabꞌla, ex kyxmilila, tuꞌntzintla ntiꞌx jun tiꞌ atx taj kyeꞌy, aj tul qAjaw Jesucrist. Quꞌn tzꞌaqlexix teꞌ, a ma txkon kyeꞌy, tuꞌn tjapin bꞌaj Tyol, tzeꞌnkuxjo ma tzaj tqꞌmaꞌn kyeꞌy.

Kykaꞌyink kyibꞌa, quꞌn qa at jun xkubꞌ bꞌinchinte jun nya bꞌaꞌn kyiꞌja, mi xelin kyuꞌn ikyxjo, noqpe kyjaꞌ kxela kychjoꞌn tukꞌa jun bꞌaꞌn. Kybꞌinchima ikyjo kyxola ex tukꞌa kykyaqil xjal.

Tuꞌnpetziꞌn, kynimsinx kykꞌuꞌja kyxolilixa, ex kykujsinx kyibꞌa, tzeꞌnkuxjo ntena kyuꞌn.

Ex ikyxjo erman, nqo kubꞌsin qwutza kyeꞌy, tuꞌn kyxi kykawinjiꞌy ayeꞌ kykyꞌeꞌ tuꞌn kyaqꞌnin, ex tuꞌn kynimsin kykꞌuꞌjjo ayeꞌ kyjaꞌ kykubꞌ numj, ex tuꞌn kymojiꞌn kyukꞌa a ntiꞌxixl kyipin. Chebꞌe chi ayoꞌn tajbꞌil qMan Dios kyukꞌa kykyaqil.

Quꞌn nya ma qo tzaj tqꞌoꞌn te Dios tuꞌn tikyꞌx jun kawbꞌil quꞌn, kujxix te jun majx, qalaꞌ noq oꞌkx tuꞌn qklet tuꞌn qAjaw Jesucrist

Quꞌn qkyaqil ma qo ok te spikyꞌin, ex te qꞌijl toj qanmin, quꞌn qojtzqiꞌn qMan Dios, ex nya te qnikyꞌinqo, ex ntiꞌ nqo bꞌet toj qxopin.