Populaire Bijbelverzen uit Munra ta Rom 14

Delen

Ape o marana non God gate gene we gana wa we ima, nava o liŋe taniniga wa o tamata wa o lolomasekeseke alo Vui we Roŋo. Apen i gene we rowrowovag mun i Christ alo iloke we tangemarmaros mun God, wa o tanun ŋaŋ we ilo vaglala ape ineia si we wia.

Ape si nina qe esuesu, nina we esu mun i Lord; wa si nina qe mate, nina we mate mun i Lord. Wa o manigiu ilone si nina qe esuesu, wa si nina qe mate, inina ra anan i Lord gegese.

Wa o manigiu iloke nina tataga ran o gene ŋaŋ we tira ape tamata, wa o gene ŋaŋ ape we vilit o ima mun valval nina.

Wa o manigiu ilone nina nipea varveveveg mulaŋ inina; nava tur veveg vaglala ape iloke raka sage, nansei wa map o sava mun i tasina sin teqa, wa sin tutuag apena.

Ape me rave veta si, Nau we esuesu, amon i Lord we vava, wa val qaui te vatieqau mun nau, Wa val garameai te gaganag weswes lue mun God. Pa we nun gai, val nina te gaganag lue ape inina kel mun God.

Pa i gene qe mageregere alo nomtup tur lav vasgot momiu; panava nipea lavia si a veveg ulul o gene ŋaŋ te varvarleasag apena.

Iniko gai isei we veveg anansei we sea o rowrowovag? Mun i tur tagina ni we tira, si ni we masu. Nava te vatira ran ineia, apen God we mana si a vatira ineia.