Populaire Bijbelverzen uit मत्ती 1

सै ऐक बैटा पौयदा कौरली, औरौ तू तैसकौ नांव यीशु राखैया, जिथु सै आपणै लोगौ कै तिनकै पापौ शै बौचांदा।”

“दैखैया, ऐकी कुंवारी कै होल़किणु हौल़ौ औरौ सै ऐकी बैटै खै जन्म दैलै, औरौ तैसकौ नांव इम्मानुएल राखैया,” जिथका मतलब औसौ पौरमेशवर अमारै साथै औसौ।

जोबै तैणै इनु बातौ खै सोंचै लोई थी तोबै स्‍वर्गदूत तैसकै सुईणै दा दैखिया औरौ बौलदा लागा, “ओए रै यूसुफ! दाऊद राजा कै वंश, तू आपणी हौणौवाल़ी घोरवाल़ी मरियम खै आपणै घोरे लाणौ खै डौरेया नै, जिथु जू तियांरै कोख दा औसौ, सै पवित्र आत्मा कै शौकतै शै औसौ।

यीशु मसीह का जन्म ऐशैखै हौआ, जौल़ौ तैसकै माँ मरियम कै सोगाए यूसुफ कै साथै हौए गौए, तिनकै बियाव हौणौ दै औगौड़ियौ तियांरै पवित्र आत्मा कै शौकतै शै होल़किणु हौं, जोबै कै सै इबी कुंवारी थी। तोबै तियांरा हौणौवाल़ा घोरवाल़ा यूसुफ जू आछा आदमी थिया औरौ तियौंखै बदनाम कौरणै ना चांव थिया, औरौ तैणै तियौंखै चुपी छौड़णौ का विचार कौरा। (तियौंखै बियाव हौणौ दौ औगौड़ियौ होल़किणु हौए गौ थियु, जू मूसा कै कानून कै खिलाफ थियु)