Populaire Bijbelverzen uit မၢတ်ႈထႄႇ 1

Delen

မၼ်း​ၼၼ်ႉ တၵ်း​ၵိူတ်ႇ​လဵင်ႉ​မႃး​လုၵ်ႈ​ၸၢႆး​ဢေႃႈ။ လုၵ်ႈ​ၼၼ်ႉ​ၸိုင် ပိူဝ်ႈ​ဢၼ်​ပဵၼ်​ၵေႃႉ​ဢၼ် တၵ်း​ၵႄႇ​ၶျွတ်ႈ​ဢဝ်​ၵူၼ်း​မဵဝ်း​တူဝ်​ၸဝ်ႈ​ၵဝ်ႇ​တင်း​လၢႆ​ၵႃႈ​ၼႂ်း​ဢပႅတ်ႈ​လႄႈ တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ ယေႇသူႉ ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ပျႃႇ​တိၵ်ႈ​ၸဝ်ႈ​ၼၼ်ႉ​ၸမ်ႉ၊ တူၺ်း​လူး၊ ၵၼ်ႇ​ၺႃႇ​လုၵ်ႈ​ယိင်း​သၢဝ်​တၵ်း​ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​မႃး​လုၵ်ႈ​ၸၢႆး​ဢေႃႈ။ လုၵ်ႈ​ၸၢႆး​ၼၼ်ႉ​ၸိုင် တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ ဢေႇမႃႇၼူၺ်ႇလႃႉ ​ဢေႃႈ၊ ဝႃႈ​ၼႆ မီး​မႃး​ၼင်ႇ​ၼႆ​ဢေႃႈ။ ဢၼ်​ဝႃႈ ဢေႇမႃႇၼူၺ်ႇလႃႉ ​ၸမ်ႉ၊ ၶႂ်ႈ​ဝႃႈ ၽြႃး​ပဵၼ်​ၸဝ်ႈ ဢၼ်​မီး​ယူႇ​လူၺ်ႈ​ၵၼ်​တင်း​ႁဝ်း​ဢေႃႈ။

မိူဝ်ႈ​ဢၼ်​မၼ်း​ၵျၢမ်ႇ​ပွင်​ၸိူဝ်ႉ​ၼင်ႇ​ၼႆ​ယူႇ​ၼၼ်ႉ​ၸိုင်၊ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး ပေႃႇ​မႃး​တီႈ​မၼ်း​ၼႂ်း​တၢင်း​ဢၼ်​ၼွၼ်း​ၽၼ်​လႄႈ​ဝႃႈ၊ ယူဝ်းသႅပ်ႈ ​လုၵ်ႈ​ တႃႇဝိတ်ႈ ​ဢိူၺ်း ယႃႇ​ပေ​ၵူဝ်​လွင်ႈ​ဢၼ် တၵ်း​သိမ်း​ဢဝ်​မေး​မႂ်း​ မႃႇရီႉ ​ၼၼ်ႉ။ ဢၼ်​တႄႇ​ပတိၵ်ႉသၼ်ႇထေႇ​ၼႂ်း​မၼ်း​ၼၼ်ႉ ပဵၼ်​ၵွပ်ႈ​ပိူဝ်ႈ​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢေႃႈ။

လွင်ႈ​တၢင်း​ဢၼ် ၸဝ်ႈ​ ယေႇသူႉ ​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ​ၸမ်ႉ၊ မႄႈ​ၸဝ်ႈ​ မႃႇရီႉ ​ၼၼ်ႉ မၢႆ​ၵၼ်​ဝႆႉ​တင်း​ ယူဝ်းသႅပ်ႈ ​လႄႈ ၸူဝ်ႈ​ဢၼ်​ဢမ်ႇ​ပႆႇ​တိူဝ်ႉ​ပႆႇ​ထုၵ်ႇ​ၼၼ်ႉ ၵွပ်ႈ​ပိူဝ်ႈ​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​လႄႈ ပႃး​ပတိၵ်ႉသၼ်ႇထေႇ​ၼႂ်း​တွင်ႉ​ဢေႃႈ။- ၽူဝ်​မၼ်း ယူဝ်းသႅပ်ႈ ​ၼၼ်ႉ ပဵၼ်​ၵူၼ်း​ဢၼ်​လီ​လႄႈ ပိူဝ်ႈ​ဢၼ်​ဢမ်ႇ​ၶႂ်ႈ​ႁႂ်ႈ​သရေႇ မႃႇရီႉ ​လူႉ​လႄႈ မီး​ၸႂ်​ဢၼ်​ၶႂ်ႈ​တဵတ်ႇ​တဵတ်ႇ​ပႅတ်ႈ​ဝႆႉ​ဢေႃႈ။