भजनसंग्रह 41:5-9

मेरा शत्रुहरूले मेरा बारेमा नराम्रा कुरा भन्‍छन्, तिनीहरू म मरेको र सबैले मलाई भुलेको चाहन्‍छन्। मलाई हेर्न आउनेहरू राम्रा मनले आउँदैनन्; तिनीहरूले मेरो बारेमा दुष्‍ट कुराहरू बटुल्‍छन्, बाहिर गएर जहाँतहीं ती कुराहरू भनिहिँड्छन्। मलाई घृणा गर्नेहरू सबैले मेरो बारेमा आपसमा कानेखुसी गर्छन् र सबैभन्दा नराम्रो कुरा सोच्‍छन्। तिनीहरू भन्‍छन्, “त्‍यसलाई मर्ने रोग लागेको छ, त्‍यसले फेरि ओछ्यान छोड्‍न सक्‍नेछैन।” मैले अत्‍यन्‍तै विश्‍वास गरेको मसँग एकैसाथ खाने, मेरो सबैभन्दा उत्तम साथी पनि मेरो विरुद्धमा उठेको छ।