အရှင်ယေရှုဘုရား၏ ပုံဥပမာများနမူနာ

ဆားနှင့်အလင်းပုံဥပမာ

ဤပုံဥပမာတွင်၊ ကျွန်တော်တို့သည် ဆားနှင့် အလင်း ဖြစ်ကြပြီး သူတစ်ပါ၏ အကျိုးကို ထိရောက်စွာ ရှာရမည်ဖြစ်သည်ဟု အရှင်ယေရှုဘုရား မိန့်တော်မူခဲ့သည်။

ဆားသည် အစားအစာ၏ အရသာကို ထိန်းသိမ်းရန်နှင့် မြှင့်တင်ရန် လိုအပ်ပါသည်။ မိမိအသိုင်းအဝိုင်းတွင် ၎င်းကောင်းသောအကျိုးများကို ပြုစုတတ်ပါသလား။ လူအသီးအသီးတို့အား အဘယ်သို့ ပြန်ပြောရမည်ကို သိနိုင်မည်အကြောင်း၊ မိတ်ဆွေတို့စကားသည် ဆားအားဖြင့် ငန်သောအရသာနှင့် ပြည့်စုံလျက်၊ အစဉ်မပြတ် တင့်တယ်လျောက်ပတ်ပါစေ။ ဧဝံဂေလိတရားကို ဟောပြောစဉ်တွင်၊ ဧဝံဂေလိတရား၏ သမ္မာတရားကို ထိန်းသိမ်းနိုင်ပါသလား။

ယုံကြည်သူတိုင်းသည် ဤလောက၏ အလင်းဖြစ်ကြသည်။ တောင်ထိပ်၌ တည်သောမြို့ကို မကွယ်နိုင်။ မိမိယုံကြည်ခြင်းကို သူတစ်ပါးမမြင်စေခြင်းငှာ မကွယ်ပါစေနှင့်။ ၎င်းအမှုသည် ဘုရားသခင်၏ သမ္မာတရားနှင့် မညီတော့ပေ။ သူတစ်ပါးတို့သည် သင်တို့၏ ကောင်းသောအကျင့်ကို မြင်၍၊ ကောင်းကင်ဘုံ၌ရှိတော်မူသော သင်တို့အဘ၏ ဂုဏ်တော်ကို ချီးမွမ်းစေခြင်းငှာ၊ သူတစ်ပါးရှေ့၌ သင်တို့အလင်းကို လင်းစေပါ။