(၂၁) ရက်တာ အစာရှောင်ခြင်းနမူနာ

အစာရှောင်ခြင်းကို လျှို့ဝှက်စွာလုပ်ရမည်မဟုတ်သလော။ ဤခရီးစဉ်ကို သင်နှင့်အတူအစာရှောင်ကြမည့် အဖွဲ့နှင့်စတင်နိုင်ပါသည်။ ကျမ်းစာထဲတွင်ဖော်ပြထားသည့် အစာရှောင်ခြင်းအတော်များများသည် အာဏာရှိပုဂ္ဂိုလ်တို့က တစ်ဖွဲ့လုံးအတူတကွပါဝင်ကြရန် ဖိတ်ခေါ်သော စုပေါင်းအစာရှောင်ခြင်းဖြစ်သည်။ ဤကျမ်းပိုဒ်တွင် ယေရှုမိန့်တော်မူသောစကား၏ အဓိကအချက်ကို ဆင်ခြင်စဉ်းစားပါ။ အစာရှောင်ခြင်းနှင့်ပတ်သက်၍ သင်ပြောသောစကားတို့၏ နောက်ကွယ်မှ စိတ်သဘောထားများမှာ မည်သို့နည်း။ အခြားသူတို့ကို အားပေးရန်ပြောသလား၊ အားပေးထောက်ခံမှု ရယူရန်ပြောသလား။ သန့်ရှင်းသည်၊ ဝိညာဉ်သဘောရှိသည်ဟူ၍ ထင်မြင်စေလိုသော လျှို့ဝှက်ချက်အချို့ရှိပါသလား။ ထိုမေးခွန်းများ၏အဖြေကို ဘုရားသခင်နှင့်သင် နှစ်ဦးတည်းကသာသိပါသည်။ အစာရှောင်ခြင်းအတွက် သင့်စိတ်သဘောထားတို့ကို ဖွင့်ပြပေးပါရန် ဘုရားသခင်ထံဆုတောင်းပါ။ စိတ်နှလုံးတွင် မာနမိုးတိမ်မဖုံးစေဘဲ လိုအပ်သော အားပေးမှုကိုရယူနိုင်မည့်နည်းလမ်းများအတွက်လည်း တောင်းလျှောက်ပါ။