(၂၁) ရက်တာ အစာရှောင်ခြင်းနမူနာ

သင်လက်ရှိရောက်နေသည့်နေရာသည် မည်မျှပင်နက်နေပါစေ ပို၍နက်ရာသို့ ဆက်လျှောက်ပါ။ ရေစိုမည့်အတွက်တော့ စိုးရိမ်မနေပါနှင့်။ ရေအောက်ကို ခြေနှင့်ထိ၍ရသေးသည့်နေရာ၌ပင် ရပ်မနေပါနှင့်။ လိုက်၍မျောပါသွားပါ။ မည်သည့်အရာကို သင်ဆွဲကိုင်ထားဆဲရှိနေသနည်း။ သန့်ရှင်းသောဝိညာဉ်တော်၏ဦးဆောင်မှုကို ပို၍ခံယူပြီး ယုံကြည်ခြင်းဖြင့်အသက်ရှင်ရန်အတွက် ဝန်လေးတွန့်ဆုတ်နေရသည့်အရာများက မည်သည့်အရာဖြစ်သနည်း။ သင့်ကိုယ်သင် ထိန်းနိုင်သည်ဟုသော အစွဲမှားကို ဖက်တွယ်ထားသေးသလား။ အားလုံးကို လွှတ်လိုက်ပါ။ ဤအစာရှောင်ခြင်းကို ဘုရားသခင်နှင့် နက်ရှိုင်းသောမိတ်သဟာရဖွဲ့ခြင်း၏အစဖြစ်စေရန် ဆုတောင်းပါ။ သင့်ကိုယ်သင် လုံးလုံးအပ်နှံရန် ကိုယ်တော်အချက်ပြပါမည့်ကြောင်းနှင့် သင့်အသက်တာကို ကိုယ်တော်လုံးလုံးထိန်းချုပ်ပါမည့်အကြောင်း ဆုတောင်းပါ။