ရွေး​နုတ်​တော်​မူ​ခြင်း​ကျေး​ဇူး​တော်နမူနာ

အရှင်ယေရှုဘုရားသည် မိမိအသက်တော်ကို မည်သို့စွန့်တော်မူသနည်း

ဘုရားသခင်၏ အလိုတော်အတိုင်း၊ အရှင်ယေရှုဘုရားသည် အပြစ်တစုံတခုမျှ မပြုခဲ့သော်လည်း၊ ယုဒဘာသာရေးခေါင်းဆောင်များက ကိုယ်တော်ကို ရောမလူမျိုးတို့ထံ အတင်းအဓမ္မ အပ်နှံလျက် လက်ဝါးကပ်တိုင်ပေါ်တွင် အသေခံစေခြင်းငှာ စီရင်ခဲ့ပါသည်။

မိတ်ဆွေသည် မပြုခဲ့သောအမှုအတွက် စွပ်စွဲခံရဖူးပါသလား။ ထိုအခါ၌ မိတ်ဆွေသည် အပြစ်ရှိသော ကာယကံရှင်ကို သိသည်ဖြစ်စေ၊ မသိသည်ဖြစ်စေ၊ မိတ်ဆွေကား ထိုအမှုကို လုံးဝမပြုကြောင်း သေချာသိခဲ့သည် မဟုတ်ပါလား။

မပြုခဲ့သောအမှုကိစ္စအတွက် စွပ်စွဲခံရခြင်းသည် စိတ်ပျက်ဖွယ်သောအရာ ဖြစ်ပါသည်။

မိတ်ဆွေ၊ ဤအဓမ္မအမှုသည် အရှင်ယေရှုဘုရား၌ ဖြစ်ပွားခဲ့ကြောင်း သိပါသလား။ ကိုယ်တော်မြတ်သည် အပြစ်ကိလေသာကင်းစင်၍ ပြည့်စုံတော်မူသော ဘုရားသခင်၏ သားတော်အဖြစ် ဤလောကသို့ ကြွလာတော်မူသည်။ အရှင်ယေရှုဘုရားသည် မိမိမဟာမေတ္တာကရုဏာတော်အားဖြင့် အပြစ်ရှိသောသူတို့ကို ကယ်တင်ခြင်းငှာ၊ ဤလောကသို့ ကြွလာတော်မူသည်။ သို့သော်၊ ကိုယ်တော်သည် အပြစ်မရှိသော်လည်း စွပ်စွဲခံရလျက် အပြစ်ဒဏ်ကို ခံခဲ့ပါသည်။ အကယ်၍၊ အရှင်ယေရှုဘုရားသည် ၎င်းအမှုကို ကျွန်တော်တို့အတွက် ပြုတော်မူသည်။

အရှင်ယေရှုဘုရားသည် ဧဝံဂေလိတရားကို ဟောပြောစေဖို့ ယေရုရှလင်မြို့တော်သို့ ကြွရောက်တော်မူစဉ်၊ ယုဒဘာသာရေးခေါင်းဆောင်များသည် ကိုယ်တော်ကို ဖမ်းဆီး၍ ရောမအရာရှိတို့ထံ အပ်နှံခဲ့ပါသည်။ ရောမအရာရှိတို့သည် အရှင်ယေရှုဘုရားအား အပြစ်ကင်းသည်ဟု သိသော်လည်း ရာဇဝတ်သားအဖြစ် လက်ဝါးကပ်တိုင်ပေါ်တွင် သတ်ဖြတ်ရန် အပ်နှံခဲ့ပါသည်။ ဤအမှုသည် လုံးဝဥဿုံ မတရားပါဘူး။ အပြစ်ကင်းစင်သော တစ်ပါးတည်းသော ပုဂ္ဂိုလ်တော်မြတ်သည် ရာဇဝတ်သားအဖြစ် အပြစ်ဒဏ်ကို ခံခဲ့ပါသည်။

ဘုရားသခင်သည် အပြစ်နှင့် ကင်းစင်သောသူကို ကျွန်တော်တို့အတွက်ကြောင့် အပြစ်ရှိသောသူ ဖြစ်စေတော်မူသည်။ ထိုသခင်သည် ကျွန်တော်တို့၏ အပြစ်မက၊ လောကီသားအပေါင်းတို့၏ အပြစ်ဖြေစရာအကြောင်း ဖြစ်တော်မူသည်။

အရှင်ယေရှုဘုရားသည် အပြစ်ကင်းသော်လည်း မိတ်ဆွေအဖို့ ဆင်းရဲဒုက္ခကို ခံတော်မူသည်။

ကျွန်တော်တို့သည် အပြစ်ရှိစဉ်ပင်၊ ခရစ်တော်သည် ကျွန်တော်တို့အတွက်ကြောင့် အသေခံတော်မူသည်ဖြစ်၍၊ ဘုရားသခင်သည် ကျွန်တော်တို့ကို အဘယ်မျှလောက် ချစ်တော်မူသည်ကို ကျွန်တော်တို့အား ထင်ရှားစွာ ပြတော်မူသည်။ ၎င်းအမှုတော်သည် ကြီးမြတ်လှသော ပေးဆပ်မှု ဖြစ်ပါသည်။ အပြစ်ကင်းသောသူသည် အပြစ်မကင်းသောသူများအတွက် အသေခံခဲ့ပါသည်။ ဖြောင့်မတ်သူသည် မဖြောင့်မတ်သူတို့အတွက်၊ သန့်ရှင်းသူသည် အဓမ္မလူများအတွက် မိမိအသက်တော်ကို ပေးလှူပူဇော်တော်မူသည်။

ယနေ့၊ ဘုရားသခင်၏ မဟာစွန့်လွှတ်အနစ်နာခံခြင်းနှင့် မဟာမေတ္တာကရုဏာတော်အတွက် ကျေးဇူးတော်ကို ချီးမွမ်းလိုက်ပါ။ အရှင်ယေရှုဘုရားအဖို့ မိမိချစ်ခြင်းမေတ္တာကို ပိုမိုတိုးပွားစေဖို့ ဘုရားသခင်ထံ ဆုတောင်းလိုက်ပါ။