Mattaios 4
4
4 Ik.
1Nei oro Yesu anak ne nitne kamui orowa no akoramnukara kuni ne Ramat ani nupuri orota atura nisa ruwe ne na. 2Awa, kunne rereko tu hotne rereko, tokap rereko tu hotne rereko uturuta shomo ramnu ki, okaketa Shinuma sambe-tasaske nisa ruwe ne. 3Aige ikoranmukarape Shinuma orota ek wa ene itakhi :— Aokai anak ne Kamui Poho E ne chiki, tan shuma aep ne akara kuni gusu kashpaotte yan, sekoro itak. 4Koroka, Shinuma ese wa :— Ainu anak ne ouse aep an gusu ashiknure shomoki, koroka, Kamui paroho wano san pishno okai itak an gusu shiknu kusu ne, sekorʼan itak anuye wa an ani an itak ari itak nisa ruwe ne. 5Orowa no, nitne kamui anak ne Shinuma tura wa ashkanne machiya orun paye, aige, Kamui kora kenru kitaigeta ashte wa ene itak-hi :— 6Aokai anak ne Kamui Poho E ne yakun, E kon netobake herashi osura: inambe gusu ne yakun, ene chieshinnuye wa an na :—
Aokai gusu shinuma anak ne koro hautumnhe kashpaotte:
E koro kemaha iteki shuma eokte kuni ne,
Koro teke kata e punire kuni kusu ne na; sekoro itak.
7Orota Yesu :— E koro Utarapa ne Kamui iteki koramnukara yan sekorʼan itak ne yakka anuye wa an ruwe ne, ani ye nisa ruwe ne. 8Shui, nitne kamui anak ne Yesu tura wa shi no ri nupuri orota paye wa ingi moshirʼotta okai chitomtep obitta nukare wa ene itak-hi :— 9Aokai en orun kokkae-shirotke wa en ongami yak anak ne tan okaibe obitta e kore ash kusu ne, sekoro itak.
10Orowa shinuma orun Yesu ene itak-hi :— Satan, oyakta oman, E koro Utarapa ne Kanrui otta ongami, ouse Shinuma otta patek yaishieiwangere e ki kusu ne na, sekorʼan itak anuye wa an ruwe ne gusu ne na, sekoro ye nisa ruwe ne. 11Orowa no, nitne kamui Shinuma ekohopi, awa, Kamui hauturunbe araki wa Shinuma otta yaishieiwangere nisa ruwe ne na.
12Orowa, Yoannes anak ne upakashnu chisei otta aahunge wa an orushpe Yesu nu chiki Shinuma Gariraya moshiri orota oman nisa ruwe ne; 13Nazaret kotan ekohopi wa Zeburon kotau newa Naptari kotan okari an atui samta okai Kapernaum kotan orota oman wa an nisa ruwe ne; 14tambe anak ne
Yorodan pet kushta, atui samta okai,
Zeburon kotan hene, Naptari kotan hene,
Oya moshirʼun guru koro Gariraya moshiri,
15Kunne-i oshiketa rok utara
Poro nupeki nukan nisa,
Shui, rai kurihi an ushiketa rok utara otta,
16Nei utara otta pekere hetuku nisa ruwe ne na,
sekoro uweingara guru ne Isaya ye itak auweomare kuni gusu an ambe ne ruwe ne na.
17Tande oro Yesu upaskuma ki kuni heashi wa ene itak-hi :— Echi yaikokatpak yan; kando moshiri ehange no an ruwe ne gusu ne na, ani itak.
18Yesu Gariraya moshiri atui samata apkash wa an ita iriwak ne utara tun nukan nisa ruwe ne, reihei anak ne Simon ani aye Petros newa koro iriwak ne Andreas ne ruwe ne: nei utara anak ne chep koiki utara ne wa gusu, koro ya atui otta turupa wa okai shiriki ruwe ne. Awa, orota Shinuma ene itak-hi :— 19En osh araki yan, ainu perai-kara utara echi ne kuni gusu echi kara ash na, ari itak. 20Orowa nani koro ya osurupa wa nei utara Yesu osh paye nisa ruwe ne. 21Imakaketa nei i wano arupa, aige, shui moshima okai tu iriwak ne utara Zebedee koro poho Yakob newa koro iriwak Yoannes newa nukan nisa: koro michi Zebedee tura no chip otta okai wa ya oske wa okai, awa, shinuma nei utara ne yakka hotuyekara. 22Orowa, nani koro michi newa koro chip kane ande wa Shinuma osh paye nisa ruwe ne na.
23Orowa, Yesu anak ne Gariraya moshirʼebitta apkash wa Kamui kora kenru ta epakashnu hemhem ki, moshiri gusu an pirika shongo ye wa upaskuma hemhem ki: naa samata, ainu tumugeta okai usa tashum newa usa shiyeye iwangere nisa ruwe ne na. 24Orowa, Siria moshirʼebitta Shinuma shiassuru ashte wa an, awa, usa okai tashum koro utara hemhem, usa okai iunin newa shiyeyepa utara hemhem, nitnep shikatkari utara hemhem nochi-iush utara hemhem, tushushke tashum ki utara hemhem, obitta atura wa Shinuma orota araki, aige, aiwangere nisa ruwe ne. 25Orowa no, Gariraya moshiri hemhem, Dekaporis moshiri hemhem, Yudea moshiri hemhem, orowa, Yorodan pet kushta okai utara hemhem, shi no inne no Shinuma osh paye nisa ruwe ne na.
လက်ရှိရွေးချယ်ထားမှု
Mattaios 4: AINU
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© British and Foreign Bible Society 1897, 2018