Mattaios 5
5
5 Ik.
1Orowa, inne utara nukara wa Shinuma nupuri hemesu: aige, a wa an koro, orota koikara utara araki nisa ruwe ne: 2orowa Shinuma paro maka hine utara epakashnu, aige, ene itak-hi:
3Ramat gusu otek-sak utara anak ne anunuke ne; kando moshiri nei utara korope ne gusu ne na.
4Yaituwashkarap utara anak ne anunuke ne; nei utara aomaoma ruwe ne kusu ne gusu ne na.
5Ramu-rotcha utara anak ne anunuke ne; nei utara moshiri eikeshkoro ruwe ne kusu ne gusu ne na.
6Ibe rusui iku rusui korachi oupekap kon rusui utara anak ne anunuke ne; nei utara akironnure ruwe ne kusu ne gusu ne na.
7Erampokiwen wa kore utara anak ne anunuke ne; nei utara aerampokiwen wa akore ruwe ne kusu ne gusu ne na.
8Keutum turu-sak utara anak ne anunuke ne; nei utara Kamui nukan ruwe ne kusu ne gusu ne na.
9Itomo ashte utara anak ne anunuke ne; nei utara Kamui Poho utara ne ani areikore ruwe ne kusu ne gusu ne na. 10Oupeka-ambe gusu aepokba utara anak ne anunuke ne: kando moshiri nei utara korope ne ruwe ne kusu ne gusu ne na. 11Ku ankushkerai gusu moshima guru orowa no echi ohaigeakara an, orowa, aekeshke an, samata, usa shunge itak sange wa echi wen no aye chiki, echi anunuke ne. 12Nupetne yan, shi no yaikopuntek yan; kando oshiketa echi gusu an pummaha anak ne porope ne ruwe ne gusu ne na; orowa, echi etokota okai uweingara utara ne yakka tambe nei no aepokba nisa ruwe ne gusu ne na.
13Echi okai utara anak ne toitoi shippo ne ruwe ne: koroka, shippo anak ne koro mawehe turainu chiki hemanda ani tu shui nei mawehe aomare ruwe he an? nei no an shippo aeiwange ushike ka isam, soita aosura wa ainu orowa no aotereke kuni patek an raka an ruwe ne. 14Echi utara anak ne moshiri pekere echi ne, nupuri kashiketa an machiya anak ne anuina eaikap ruwe ne. 15Naa samata, ratchako uhuika wa chomba choropoketa ande guru ka isam, set kashiketa nei ambe ande, yakun, chisei ta obitta no okai utara otta nupeki at ruwe ne. 16Tambe korachi, echi ki pirika ikip moshima guru nukara wa kando otta an echi koro Michi koiramye kuni gusu, echi koro pekere moshima utara kotchaketa atte yan.
17Tuitak hene uweingarape hene isamka kuni ne Ku ek shiri ani iteki yainu yan, isamka kuni gusu Ku ek shomoki, uweomare kuni gusu Ku ek nisa ruwe ne. 18Inambe gusu ne yakun, son no echi otta Ku ye, kando newa toitoi newa isam pakno nep ne yakka auweomare shomoki chiki, tuitak pon no hene amras pakno hene ne yakka aisamka shomoki kusu ne. 19Tambe gusu, nen ne yakka tap iyotta pon ikashpaotte otereke, orowa, moshima okai utara nei ambe otereke kuni epakashnu gurʼanak ne, kando moshirʼotta iyotta pon guru ani aye kusu ne: koroka, nen ne yakka nei tuitak nei no ki wa nei ambe moshima guru otta epakashnu gurʼanak ne, nei guru kando moshirʼotta pase guru ne ani aye kusu ne na. 20Echi koro oupeka-i anak ne Parisee un utara hene kambi nuye utara hene koro oupeka ambe eakkari shomoki chiki kando moshiri orun oara echi ahup eaikap ruwe ne sekoro echi otta Ku ye ruwe ne gusu ne na.
21Iteki keuk, nen ne yakka keuk gurʼanak ne ayaikikip no akoipishi tusu ne, ari an teeda itak ekashi otta aye hi sekoro echi nu wa okai: 22koroka, Kuani echi otta Ku ye, nen ne yakka koro iriwak gusu irushka gurʼanak ne aeyaikikip no akoipishi kusu ne: orowa, nen ne yakka toi o iriwak Raka ani porose gurʼanak ne ukoramkoro ki utara gusu aeyaikikip no an kusu ne ruwe ne: orowa, nen ne yakka More ani porose gurʼanak ne abe oma Gehenna gusu aeyaikikip no an ruwe ne kusu ne na. 23Tambe gusu, ayange kunip an, aige eani gusu koro iriwak irushka ika an ani eshkarun chiki, koro 24yange kunip yange-set kotchaketa ande hine hoshiki no iriwak otta oman wa irenga usaraye, orowa, okaketa ek wa ayange kunip yange yan. 25Iyepokba guru ru kashi tura no an chiki, tunashi no upakbare yan; ikineipeka nei iyepokba guru koipishi guru otta ekoshi, orowa, ikoipishi guru anak ne tutanu an guru otta e ekoshi wa ipakashnu chisei otta ika e ahunde an kuni gusu ne na. 26Son no e otta Ku ye, amras pakno an ambe ne yakka shomo e sange yak anak ne e soine eaikap kusu ne ruwe ne na.
27Iteki omoinu, sekorʼan itak echi nu nisa; koroka echi otta Ku ye, 28nen ne yakka wen-buri ki kuni rusui gusu shiwentep orun nutara gurʼanak ne keutura ta nei shiwentep tura omoinu koro okere ruwe ne. 29Orowa, e shimon shikihi e epetchiure chiki, oashinge wa osura yan: kon netobake ebitta Gehenna otta aeyapkire kasu no netobake koro shine awehe aisamka ambe anak eani gusu naa pirika ruwe ne kusu ne gusu ne na. 30E shimon tekehe epetchiure chiki, otuye wa osura yan: netobake ebitta Gehenna otta aeyapkire shomoki no koro shine awehe aisamka-i anak, eani gusu pirika ruwe ne kusu ne gusu ne na. 31Nen ne yakka koro machi osurupa chiki, aosurupa ruwe ne ani anuye kambi kore yan, sekorʼan itak ne yakka an nisa, 32koroka, echi otta Ku ye, hoiyo moshima ambe gusu koro machi osurupa gurʼanak ne, nei shiwentep ani omoinu koro guru ne kan ruwe ne; orowa nei aosurupa shiwentep koro guru ne yakka omoinu kon ruwe ne.
33Shui, iteki shunge no ekambakbe ki, koroka, Kamui gusu e ki ekambakbe kara yan, sekoro deeda an itak echi nu; 34koroka, echi otta Ku ye, iteki nep ka ko-ye no ekambakbe ki yan, kando anak ne Kamui araset ne wa gusu, kando ko-ye wa iteki ekambakbe ki yan. 35Shui toitoi anak ne Kamui koro kemaha andep ne wa gusu, toitoi ko-ye wa iteki ekambakbe ki yan: Yerusarem kotan anak ne poro sapane guru koro machiya ne wa gusu, Yerusarem kotan ko-ye wa iteki ekambakbe ki yan. Shui echi 36utara shine otop tu retara hene kunne hene echi kara eaikap ruwe ne gusu, koro sapaha ko-ye we iteki ekambakbe ki. 37Koroka, ruwe un anak ne ruwe un ani ye, shomo anak ne shomo ani ye, tapan itak kama itak ambe anak ne wenbe orowa no an ambe ne.
38Orowa, shiki gusu shikihi, nimaki gusu nimakihi sekorʼan deeda itak echi nu okere, 39koroka, echi otta Ku ye, iteki wenbe eumontashpa yan, koroka, nen ne yakka echi shimon notakam kokik guru an chiki moshima an notakam ne yakka akik kuni ne kohosari yan. 40Orowa, charange wa echi horowashi amip uk rusui guru an chiki, hokannashi mipihi ne yakka kore yan. 41Echi tura wa shine tem arapare guru an chiki, 42tu tem pakno tura no oman yau. Echi orota koramkoro guru an chiki, kore, orowa, echi orowa etun rusui guru an chiki iteki shishipnoye yan.
43A-un guru omap wa, epokba guru etunne yan, sekorʼan itak echi nu okere, 44koroka, echi otta Ku ye, echi epokba utara omap yan, echi keshke utara rengap gusu inonno itak ki yan; 45kando otta an echi koro Michi poho echi ne kuni gusu tambe nei no ki yan; inambe gusu ne yakun, Shinuma anak ne wen guru gusu ne yakka pirika guru gusu ne yakka koro tokap chup hetukure, orowa, keutum oupeka guru otta ne yakka keutum oheuge guru otta ne yakka apto ashte ruwe ne gusu ne na. 46Echi omap utara echi koomap yakun, nep eyaiepirikarep echi koro ya? 47Yaku etaye utara ka nei no ki shomoki ya? Echi koro iriwak utara otta patek echi rangarap yakun, nep moshima guru kasu no aki ya? Oya utara ne yakka nei no ki shomoki ya? 48Tambe gusu, kando otta an echi koro Michi aeramushinne wa an korachi, echi utara ne yakka aeramushinne no okai yan.
လက်ရှိရွေးချယ်ထားမှု
Mattaios 5: AINU
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© British and Foreign Bible Society 1897, 2018