Mattaios 3
3
3 Ik.
1Nei toho ta Baptisma kore Yoannes anak ne Yudea moshirʼun nup otta ek wa upaskuma ki hine ene itak-hi :— 2Echi yaikokatpak yan: kando moshiri ehange no an ruwe ne gusu ne na ani itak. 3Tambe anak :—
Nup otta ainu hawe anu,
Utarapa ruhu etokooiki,
Koro apkash ru kuwanno kara yan,
sekoro uweingara guru Isaya itak hawe epeka gunʼne.
4Yoannes yaikota koro raip anak ne Rakuda numaha ani akara amip ne, kut anak ne tonto kut ekut kon ruwe ne; aep anak omakirush newa kim un soyai ninge ne ruwe ne na. 5Nei ita Yerusarem kotan un utara hemhem, Yudea moshirʼun utara hemhem, Yorodan pet ebitta shikapneka no okai utara hemhem 6Yoannes orota paye, orowa koro wen-buri eyaipushi wa Yorodan pet otta baptisma akore nisa ruwe ne. 7Koroka, Baptisma akore kuni ne Parisee un utara newa Saddokai un utara inne no araki shiri nukara chiki, orota ene hawe okai-hi :— Raskuru tokkoni koro sanike ne echi utara, iyoshi no ek irushka ambe orowa no echi kira kuni, inan guru echi epakashnu ruwe he an? 8Tambe gusu, yaikotatpak kopakeat buri echi ki yan: 9orowa, chikoro michi anak ne Abraham ne sekoro, iteki echi keutum ta ye kuni ambe esanniyo yan; inambe gusu ne yakun, echi otta ku ye, Kamui anak ne tan shuma ani Abraham poho ne gusu hetukure eashkai ruwe ne gusu ne na. 10Tane poka mukara anak ne ni shinrit otta aande ruwe ne: tambe gusu, pirika ibehe shomo hetukure obitta no okai chikuni anak ne aotuiba wa abe oshiketa aosuruba kusu ne. 11Echi yaikokatpakte kuni gusu son no newa kuani wakka ani baptisma echi kore ash na: koroka, en osh ek guru anak ne en akkari kiroroashnu guru ne, Shinuma koro keirehe ku ani poka pakno an guru shomo ku ne ruwe ne: Shinuma anak Ashkanne Ramat newa abe ani baptisma echi kore kusu ne na: 12koro tekehe otta mui koro wa tomte no koro atuituye ushike ashkannere kusu ne: orowa, mungi uwe-karapare wa puhu otta omare; muruhu anak ne aushka eaikap abe ani uhuika kusu ne na. 13Okake an koro, baptisma akore kuni gusu Yesu anak Gariraya moshiri orowa no Yorodan pet samata an Yoannes orota ek. 14Koroka, Yoannes anak ne Yesu etokotuye kuni aramu hine ene itak-hi :— Aokai orowa no kuani baptisma a en kore kunip ne awa, en otta Aokai ek ya? sekoro itak. 15Koroka orota Yesu ese hine ene itak-hi :— Chi utara anak ne tambe nei no obitta no okai oupeka buri ki kuni aesanniyop ne gusu, tane en ukte wa en kore. Orowa no akore nisa ruwe ne. 16Orowa Yesu anak baptisma akore chiki, nani wakka orowa no yan; aige, ingarʼan, Shinuma gusu kando kotoro makke, awa, Kamui kon Ramat kusuwep katuhu nepkoro an wa ran hine Shinuma kashiketa reu shiri anukan ruwe ne; 17orowa, ingarʼan, kando orowa no hawe anu wa ene itak-hi :— Tambe anak, Ku omap, Shi no ku enupetne Poho ne ruwe ne, ari itak nisa ruwe ne na.
လက်ရှိရွေးချယ်ထားမှု
Mattaios 3: AINU
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© British and Foreign Bible Society 1897, 2018