Haheburayi 5
5
1Kehe mupristeri shokuru ne munu yu ha tambura hanu no ha mu paka po, mukukarera po hanu muyinu yoyihe yokuhatera kwaNyambi yira, kuyitapa no kureta muyambo ghomaharwero. 2Aye kukona kukupakerera nawathuta nawapemuki. Yoyishi naye thinda ne mughukashu gha thimbama. 3Payinu yi, gha kona kukuyamba thinda, thika di gha yambera diko maharwero ghawo. 4Mbadiko yu ghokukupa thinda ghupristeri ghushokuru. Shimengwa yu ghapwa kutorora kwaNyambi thinda, yira Aroni. 5Kemo, Kristusi mbadi gha kunukekire thinda eshi gha kare mupristeri Shokuru. Nyambi thinda yo gha mu nunekire apa gha ghambire eshi:
“Yowe Mwanange,
dyarero na kara no Wiho.”
6No pamango ghamweya gha ningire eshi:
“Owe ne ghomupristeri kuroruheya
payikara yaMelgisedeki.”
7Mumoyo wendi ghoghuhe ghopakaye, gha kutupurire kwaNyambi yu gha mu tumunine mwawafu, Aye gha kuhemine kwaNyambi mumandapero no mundupu no kukugherera thikuma nomaruhodhi. No mandapero ghendi ha gha mu yuverire, pamurandu ghokukutapa thinda kwaNyambi. 8Ngambi kenge di gha karire eshi Mwana, gha kuhongire ghutawedhi payinyanda yendi thinda. 9Apa gha yikumithire mo, ho gha karire divetu‐vetu dyoruvigha kwawa ha mu yuvire. 10Naye Nyambi gha mupaka eshi gha kare mupristeri Shokuru thika Melgisedeki.
Makoghawero ghokumapemukero
11Payinu yino, poyidi yingi yokughamba twe yoyikukutu kukumutjwathanitha. Yoshi amwe ne muna vapa kukuyikuhonga. 12Ngambi kenge di muna fumanena mwathinda mukuhonga, mwa kona karo kumuhonga ghumweya mudyo ghoshemwa ghon̂ando dhaNyambi. Munu, gha kona kumukorera nomanhwe, kadi noyidya vene. 13Oyu ghana kupara shime nomanhwe, mbadi gha kona kughamba pofotji kuyinu yoghushemwa, yoyishi shime mwanuke. 14Yidya shemwa ne yawakuru awa ha kara nomaghano, nawa ha yikumonena eshi ngepi di ghokuyakunutha ghuhunga kughuyi.
Terpilih Sekarang Ini:
Haheburayi 5: MHW1986
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
Mbunga dhoBayibili dhaNamibia (Bible Society of Namibia) 1986