ZAKARIA 7
7
Yahova Yakalagira Lihonga Lilia Litaveeye lia Giligali
1Mu muhiga gwa kane lidiku lia kane liu mweli gwa tisa, mweli gwa Kisilevu#7:1 Kisilevu: Henza Nehemia 1:1. lwa Dariasi yaali mwami, Yahova yamoloma ku inzi.
2Avandu va Bezeli vaali ni vatumi Shareza na Regemeleki harara na vandu vaavo kuzia mu Litembeli lia Yahova Wuvunyali kusaala vugasu kutura ku Yahova. 3Vazia kandi koteeva vasaalisi na vaporofeti liteeva yili: “Gakuduukiraa kuzizagiliri kusioma kigira lidivizwa lie Litembeli, mu lihonga lilia mu mweli gwa katano kuli kumali kokora ku mihiga minyingi kalunu?”
4Yaga na makuva ga Yahova Wuvunyali yambolera: 5“Volera vandu vosi vi kivala kandi vasaalisi ndi lwa vahonga lilia kandi vasioma mu mweli gwa katano nu mweli gwa saba ku mihiga 70 yiji, sigali kigira kutia inzi mba. 6Lwa valia kandi ni vanwa, gaali kigira lieyigutiza aveene.”
7Yahova yavoola yaga kuvitira mu vaporofeti vaali ho kale ing'inga lwa Jerusalemi yaali nu vutugi na vandu vanyingi, kandi lwa vandu vavura komenya mu madaala gakumberiza lidaala linene kandi mulosoma lwi Isavaalu, kandi hi vigulu vie madioli vitangira.
Kuzia mu Vuhambe Kigira Kuvula kutia
8Yahova yahaana makuva yaga ku Zakaria. 9“Ndahaana malago yaga ku vandu vange kale ligali: ‘Gamudukira muve ni likalaga lirungi, kandi mumanyie vohoma ni zimbavasi ku mundu nu wache. 10Mutadambizi vakunzakali, vavisandu, vageni vamenyi hagati hinyu, anoho ku woosi oveeye ni lienya vokonyi mba. Mutalohizi zinzira ziokwenya kusaliriza vache mba.’
11“Navuzwa vandu vange vasuura kuhulira. Vahaana matu gaavo kuhulira zing'anagani ziavo vavuli kuhulira 12kandi vaakora mioyo jaavo kuva midinyu kuli lwanda. Ndaali nu vutima ligali kigira sivali vanyara kuhulira miigizu gandatuma kuvitira mu vaporofeti vaali ho kale mba. 13Sindaavativulira lwa vasaala kigira sivahulira lwa ndamoloma mba. 14Ndavasalanyia kuli kiihi nimbahila komenya muvivala vio vogeni. Kivala kilahi yiki chaalekwa chere vugira mundu komenya mucho.”
Terpilih Sekarang Ini:
ZAKARIA 7: LOGOOLI
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
©Bible Society of Kenya, 2019