Ayat Alkitab yang Popular daripada Bruă Mơnuă 1

Kongsi

Samơ̆ tơ Yang Bơngăt Hiam trŭn ƀơi ƀing gih; ƀing gih či tŭ mă tơlơi dưi mơyang laih anŭn jing ƀing mơnuih ngă gơ̆ng jơlan kơ Kâo amăng plei Yêrusalem, amăng abih tring Yuđa laih anŭn tring Samari, truh pơ abih lŏn tơnah.”

Yêsu laĭ kơ gơñu: “Kơ rơnŭk ƀôdah bơyan Ama Kâo hmâo pơkă laih tui hăng tơlơi dưi Ñu pô, tơlơi anŭn ƀing gih ƀu dưi thâo ôh.

Tơdang Ñu dŏ bơjơnum hrŏm hơbĭt hăng ƀing khua ding kơna, Ñu pơtă kơ ƀing gơñu tui anai: “Anăm ƀing gih tơbiă mơ̆ng plei Yêrusalem ôh, samơ̆ dŏ tơguan bĕ kơ tơlơi Ama hmâo ƀuăn laih, jing tơlơi Kâo hmâo laĭ laih kơ ƀing gih. Yua kơ Yôhan hmâo ngă laih ƀatem hăng ia, samơ̆ dŏ ƀiă hrơi dơ̆ng ƀing gih či tŭ ƀatem hăng Yang Bơngăt Hiam.”

Amăng pă pluh hrơi giơ̆ng kơ Ñu djai Ñu hmâo pơƀuh brơi kơ gơñu lu wơ̆t hăng lu gru mơsêh mơyang, Ñu pơsĭt kơ gơñu thâo Ñu ăt dŏ hơdip, gơñu ƀuh Yêsu laih anŭn Yêsu pơtô gơñu kơ dêh čar pơtao Ơi Adai.

Giơ̆ng kơ Ñu pơhiăp khul tơlơi anŭn, Ơi Adai pŭ Ñu đĭ pơ adai tơdang ƀing khua ding kơna Ñu dŏ lăng, laih anŭn hmâo sa ƀŭt hiăng rai gom hĭ Ñu, laih anŭn gơñu ƀu thâo ƀuh Ñu dơ̆ng ôh.

Tơdang gơñu dŏ lăng đĭ ƀu ƀleh mơta ôh hlăk Yêsu đĭ glaĭ pơ adai, plŭt hmâo dua čô đah rơkơi buh ao phyung kŏ dŏ dơ̆ng giăm gơñu, hăng laĭ: “Ơ ƀing mơnuih Galilê, hyư̆m ƀing gih dŏ dơ̆ng lăng đĭ nanao pơ adai lĕ? Yêsu anai, Pô Ơi Adai hmâo pŭ đĭ laih pơ adai mơ̆ng ƀing gih, ăt či trŭn rai dơ̆ng kar hăng ƀing gih hmâo ƀuh laih Ñu đĭ pơ adai.”