Ayat Alkitab yang Popular daripada Апостолдордыҥ керектери 1

Kongsi

Је слерге Агару Тын тӱшкежин, кӱч алынып, Иерусалимде, Иудей ле Самар ичинде, јердиҥ јаказына да јетире Мениҥ керечилерим болорыгар.

– Бойыныҥ јаҥыла Ада тургускан ӧйди ле кӱндерди билери слердиҥ керегеер эмес – деп, Иисус олорго айткан.

Олорды јууп алып, јакыган: – Иерусалимди таштап барбагар, је Менеҥ укканыгарла Аданыҥ береечи болгонын сакыгар. Иоанн суула крестеген, слер дезе удабастаҥ Агару Тынла крестедеригер.

Ол кыйын-шыразыныҥ кийнинде олорго тирӱ Бойы кӧрӱнип, мынызыныҥ чынын кӧп катап керелеген. Кудайдыҥ Каандыгы керегинде бӱдӱмјилӱ керелеп ле айдып јӱргенин апостолдор тӧртӧн кӱнге улай кӧргӧндӧр.

Мынайда айдала, олордыҥ кӧзинче теҥериге кӧдӱрилип, булутка кӧмӱлип, кӧрӱнбей барган.

Ол ӧрӧ чыгып отурган тужында теҥери дӧӧн кӧрӱп тургулаарда, кенетийин олордыҥ алдына апагаш кийимдӱ эки эр кижи тура тӱжӱп, мынайда айткандар: – Галилейдиҥ улузы! Теҥери дӧӧн кӧрӱп алган не тургулараар? Бу Иисус, слердеҥ теҥериге кӧдӱрилген Бойы, Оныҥ теҥери ӧрӧ чыгып отурганын кӧргӧнигер чилеп ок келер.