रोमि 12 मधील लोकप्रिय बायबल वचने

सामायिक करा

या संसारो सारखे बोनहू नाहा, परंतु आपाआ मोनोमेहे नोवो कोयलो जी जीव रुपांतर ओवुहू आपा, ज्याआपोरोत तुमु परमेश्वरोओ उत्तम, अने ग्रहणीय अने सिद्ध इच्छा महामुंदू होमजीत लेत रो.

याकोअता ऐ पाही, आय तुमाहा परमेश्वराआ दया ओर कोआडित विनती कोअहो का आपाआ शरीरो ओ जीवते अने पवित्र अने परमेश्वरोहो पोटे ऐहलो बलिदान कोईत चोडावा, ऐ तुमाआ आत्मिक सेवा होय.

आशा विषयाम आनंदाम रो संकटाम धीर तोआ प्रार्थनामे निरंतर लागित रो.

बुराई सी मा हाराहा, पोन भलाई सी बुराई यीही जिकित लेवा.

बंधु प्रेमाच्या बाबतीम खोरो स्नेहभाव देखाडातुमी हर एक जोओ एकादिहराहा आदरा कोईत आपा पेक्षा वोडू माना.

प्रेमोमेहे ढोंग कायनेते, बुराई सी घृणा कोआ, भलाई कोअता रोवा.

शक्य ताहा आखे मांहाआरी तुमाही रोत उवे तेतोज शांतीई रो.

प्रिय जनहो, ताआ बदलू मा लेही, ताहा देवाच्या क्रोधाला वात आपा काहाके शास्त्रात लेखिलो होय का बदलू घेणे मांही होय आय बदलू लेही ऐहे प्रभू कोत्लू.

आस्थे विषयी मंद असू नाहा, आत्माम उत्सुक एहले प्रभु होय सेवा कोईत रो

काहाके का आय तियाअ कृपादानाच्या कारनोवाही जे माहु जोडयेहे होय तुमा मेहेरोत हर एक जनाला कोत्लू, का आपाआ योग्यते पेक्षा जाखा स्वतःहा मानह नाहा परंतु जेहलो परमेश्वराने प्रत्येकाहा विश्वासाआ परिनामा नुसार वाटीत आप्लु होय तेहलूज सुबुद्धी आरी आपाहा सोमजा.

कायने हाजो बद्दल वाईट एहली कोडाआ फेड कोहू नाहा आखे मांहाहा नोजरेवाही जे सात्विक ते कोईला कोअता लक्ष्य मेका.

आपसामेहे एकचित एहेलू वोडवोडा गोठीपो मन लागाडीलो मुक्या नाहा ताहा गरीब माहुआरी होबती मेका स्वतःहा शहाणे होमज्यू नाहा.

आव उलटो जर ताआ दुश्मन फुक लागीही होय ताहा तियाहा रोटू आप अने तोर्ह्यु होय ताहा पाई आप काहाके एहलो कोलाकोता तू तियाआ मुंडकापो आरो रास कोअही.

तुमामे त्रास आपनारा आशीर्वाद आपा, आशीर्वादच आपा शाप आपुहू नाहा. आनंद कोअनाऱ्या आरी आनंद कोआपणे शोक कोनारारी शोक को.

पवित्र मांहाहा गरजा पुरो को पावनाहा खावाडीलो मदत कोअलाआ लागित रो.

कोईत का जेहलो आमा डीला अनेक अवयव होय अने आखे अवयवाचे एकाच काम नाहा, तेहलूज आमाहा खूप जोओ ओमेत ख्रिस्तामध्ये एक डील अने हर एक जोओ एकमेकाआ अवयव होय.