ရူဝ်းမႃႉ 4 मधील लोकप्रिय बायबल वचने

सामायिक करा

ၵၢင်း​လွတ်ႈ​တင်း​ၸႂ်​ဢၼ်​ဢမ်ႇ​ယုမ်ႇ​လႄႈ ယင်း​ဢမ်ႇ​မီး​တၢင်း​ဢၼ်​ၶႆႈ​ၸႂ်​ဝူၼ်ႉ​ၸႂ်​လူၺ်ႈ​လွင်ႈ​ဢၼ်​ၵတီႉ​ၽြႃး​ပဵၼ်​ၸဝ်ႈ​ၼၼ်ႉ ၸႂ်ႈ​ႁိုဝ် ဢမ်ႇ​ၸႂ်ႈ​ႁိုဝ်​ၼၼ်ႉ​လႄႈ ယွင်ႈ​ယေႃး​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​တၢင်း​ယုမ်ႇ​မၢတ်ႈ​ဢၼ်​ယႂ်ႇ​ၼႃႇ​ယူႇ​သေ​လႄႈ၊- တူၵ်း​ၵၢင်​ၸႂ်​လွင်ႈ​ဢၼ်​ၸဝ်ႈ​ဢၼ်​ဝႆႉ​ၵတီႉ​ၼၼ်ႉ တၢတ်ႈ​ၼိူင်ႇ​ၵႃႈ​ၼင်ႇ​ဢၼ် ၵတီႉ​ၸဝ်ႈ​မီး​ၼၼ်ႉ​လႆႈ​ယူႇ​ၼၼ်ႉ​ဢေႃႈ။

ၵႃႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ ၵဝ်​တၵ်း​ႁႂ်ႈ​မႂ်း​ပဵၼ်​ပေႃႈ​ၵူၼ်း​မဵဝ်း​ၼမ်​ၼႃႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ၊ ဢႃႇပြႃႇႁၢမ်ႇ ​ၼၼ်ႉ​ၸမ်ႉ၊ ပဵၼ်​ပေႃႈ​ႁဝ်း​တင်း​သဵင်ႈ​တင်း​လူင် ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ဢၼ်​မၼ်း​ယုမ်ႇ​မၢတ်ႈ​ဢၼ်​ဝႃႈ ၸဝ်ႈ​ဢၼ်​ႁႂ်ႈ​ၶဝ်​ၸိူဝ်း​ဢၼ်​တၢႆ​ၵႂႃႇ​ယဝ်ႉ​ၼၼ်ႉ​ၶိုၼ်း​လိပ်း၊ ဢၼ်​ဢဝ်​လွင်ႈ​တၢင်း​ဢၼ်​ဢမ်ႇ​ပႆႇ​ပဵၼ်​တင်း​လၢႆ​သင်ႇ​လၢတ်ႈ​ဝႆႉ ၸိူဝ်ႉ​ၼင်ႇ​ဢၼ်​ပဵၼ်​မႃး​ယဝ်ႉ​ၼၼ်ႉ​ဢေႃႈ။

ၸဝ်ႈ​ ယေႇသူႉ ​ၼၼ်ႉ ၶၢမ်ႇ​တၢင်း​ဢၢပ်ႈ​ၵွပ်ႈ​ပိူဝ်ႈ​ဢပႅတ်ႈ​ႁဝ်း​လႄႈ သမ်ႉ​လုၵ်ႉ​ၶိုၼ်း​ႁႂ်ႈ​ႁဝ်း​လႆႈ​ႁွတ်ႈ​ထိုင် တၢင်း​သိုဝ်ႈ​တေႃႇ​ဢေႃႈ။

မၼ်း​ယင်း​ဢမ်ႇ​မီး​တီႈ​တၵ်း​မုင်ႈ​ထႃႈ​မွင်း​ထႃႈ လွင်ႈ​ဢၼ်​တူဝ်​ၸဝ်ႈ​ၵဝ်ႇ​တၵ်း​ပဵၼ်​ပေႃႈ​ၵူၼ်း​မဵဝ်း​ၼမ်​ၼႃႇ​လႄႈ မုင်ႈ​ထႃႈ​မွင်း​ထႃႈ​ယူႇ​သေ​လႄႈ ယုမ်ႇ​မၢတ်ႈ​ၸွမ်း​ၵႃႈ​ၼင်ႇ​ဢၼ်​ပျႃႇ​တိၵ်ႈ​ၸဝ်ႈ​မီး​ဝႆႉ​လႄႈ​ဝႃႈ ၸိူဝ်ႉ​ၶိူဝ်း​မႂ်း​တၵ်း​ပဵၼ်​ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။

ၵွပ်ႈ​ႁွႆး​ၼႆႉ​လႄႈ၊ ၼင်ႇ​ႁိုဝ်​ၵတီႉ​ၸဝ်ႈ တၵ်း​ပျေႉ​ၸုမ်ႇ​တီႈ​ၸိူဝ်ႉ​ၶိူဝ်း​တင်း​သဵင်ႈ​တင်း​လူင်​ဢၼ်​ဝႃႈ ၸိူဝ်ႉ​ၶိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​ပိင်း​ၺၢပ်ႈ​တြႃး​ၵူၺ်း​ဢမ်ႇ​ၵႃး တီႈ​ၸိူဝ်ႉ​ၶိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​တြႃး​တၢင်း​ယုမ်ႇ​မၢတ်ႈ​ ဢႃႇပြႃႇႁၢမ်ႇ ဢၼ်​ပဵၼ်​ပေႃႈ​ႁဝ်း တင်း​သဵင်ႈ​တင်း​လူင်​ၼၼ်ႉ​ၸိုင်၊ ပဵၼ်​ၵွပ်ႈ​ပိူဝ်ႈ​တြႃး​တၢင်း​ယုမ်ႇ​မၢတ်ႈ ႁႂ်ႈ​လႆႈ​ပဵၼ်​ၵွပ်ႈ​ပိူဝ်ႈ​ၵျေး​ၸူး​ၸဝ်ႈ​ဢေႃႈ။

ၶဝ်​ၸိူဝ်း​ဢၼ်​ႁွတ်ႈ​ထိုင် တၢင်း​ဢၼ်​ၵၢင်း​လွတ်ႈ​သေ​ၵႃႈ​ၼႂ်း​ဢပႅတ်ႈ ဢိၵ်ႇ​တင်း​တၢင်း​ဢၼ်​သုမ်ႇ​ႁူမ်ႇ​တူႉ​ၸရိူၵ်ႈ​ဢပႅတ်ႈ​ဝႆႉ​ၼၼ်ႉ​မီး​မင်ႇၵလႃႇ​ဢေႃႈ။- ၵေႃႉ​ဢၼ်​ၵၢင်း​လွတ်ႈ​တင်း တၢင်း​ဢၼ်​ထႃႇဝရႃႉ​ၽြႃး​တၢင်ႇ​ဢပႅတ်ႈ​ၼၼ်ႉ မီး​မင်ႇၵလႃႇ​ဢေႃႈ​၊ ဝႃႈ​ၼင်ႇ​ၼႆ​ဢေႃႈ။

ၼႂ်း​ၵျၢမ်း​လိၵ်ႈ​မႃး​ၸိူဝ်ႉ​ၼင်ႇ​ႁိုဝ်။ ဢႃႇပြႃႇႁၢမ်ႇ ​ၼၼ်ႉ ယုမ်ႇ​မၢတ်ႈ​ၽြႃး​ပဵၼ်​ၸဝ်ႈ​လႄႈ မၼ်း​ၸဝ်ႈ​မၢတ်ႈ​တၢင်း​ယုမ်ႇ​မၢတ်ႈ​မၼ်း​ၼၼ်ႉ ပဵၼ်​ၸိူဝ်ႉ​ၼင်ႇ​တၢင်း​သိုဝ်ႈ​တေႃႇ​ဢေႃႈ။