ရူဝ်းမႃႉ 5 मधील लोकप्रिय बायबल वचने

सामायिक करा

ၵွပ်ႈ​ပိူဝ်ႈ​ဢၼ် ၸဝ်ႈ​ၶရိၸ်ႈ​ၶၢမ်ႇ​တၢင်း​တၢႆ​ပုၼ်ႈ​ႁဝ်း ၼႂ်း​မိူဝ်ႈ​ဢၼ်​ႁဝ်း​ယင်း​တိုၵ်ႉ​မီး​ဢပႅတ်ႈ​ယူႇ​ၼၼ်ႉ​လႄႈ ၽြႃး​ပဵၼ်​ၸဝ်ႈ​ၼႄ​ပျႃး​လွင်ႈ​ဢၼ်​မၼ်း​ၸဝ်ႈ​ႁၵ်ႉ​ႁဝ်း​ထၢၼ်ႇ​လႂ်​ၼၼ်ႉ​ထၢင်ႇ​ထၢင်ႇ​သႃး​သႃး​တီႈ​ႁဝ်း​ဢေႃႈ။

တၢင်း​ဢၼ်​မုင်ႈ​ထႃႈ​မွင်း​ထႃႈ​ၼၼ်ႉ ၵၢင်း​လွတ်ႈ​တင်း​တၢင်း​ဢၼ်​လီ​ဢၢႆ​ဢေႃႈ။ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢၼ်​မၼ်း​ၸဝ်ႈ​ပၼ်​တီႈ​ႁဝ်း​ၼၼ်ႉ ဢဝ်​တင်း​တၢင်း​ႁၵ်ႉ​မႅတ်ႈ​တႃႇ​ၽြႃး​ပဵၼ်​ၸဝ်ႈ​လႄႈ သွၼ်း​လေႃႇ​ၼႂ်း​ႁူဝ်​ၸႂ်​ႁဝ်း​ဢေႃႈ။

လိူဝ်​သေ​ၼၼ်ႉ​ဢမ်ႇ​ၵႃး၊ ႁဝ်း​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​လႄႈ ဢုပ်ႇ​ဝၢဝ်း​သိူဝ်း​ပျေႃႇ​ဢေႃႈ။ လွင်ႈ​မၼ်း​ၸမ်ႉ တုၵ်ႉ​ၶႃႉ​တၢင်း​ၽၢၼ်​ၼၼ်ႉ​ၸၢင်ႈ​ပွင်​ၸၢင်ႈ​ႁဵတ်း​တၢင်း​ဢၼ်​ယိူၼ်ႉ​ၶၢမ်ႇ​ဢေႃႈ။- တၢင်း​ဢၼ်​ယိူၼ်ႉ​ၶၢမ်ႇ​ၵေႃႈ ၸၢင်ႈ​ပွင်​ၸၢင်ႈ​ႁဵတ်း​တၢင်း​ဢၼ်​သၢၵ်ႈ​သေႇ​ထၢင်ႇ​သႃး​ဢေႃႈ။ တၢင်း​ဢၼ်​သၢၵ်ႈ​သေႇ​ထၢင်ႇ​သႃး​ၵေႃႈ ၸၢင်ႈ​ပွင်​ၸၢင်ႈ​ႁဵတ်း တၢင်း​ဢၼ်​မုင်ႈ​ထႃႈ​မွင်း​ထႃႈ​ဢေႃႈ။

ပိူဝ်ႈ​ၼႆ​လႄႈ ႁဝ်း​မီး​တၢင်း​ယုမ်ႇ​မၢတ်ႈ​လႄႈ ႁွတ်ႈ​ထိုင်​တၢင်း​သိုဝ်ႈ​တေႃႇ​သေ​ယဝ်ႉ၊ ၸၢမ်ႇ​ၸႃး​တၢင်း​ၼိမ်​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​ၸဝ်ႈ​ႁဝ်း ယေႇသူႉ​ၶရိၸ်ႈ ​ဢေႃႈ။- ၵွပ်ႈ​ပိူဝ်ႈ​ၸဝ်ႈ​ၼၼ်ႉ​ၵူၺ်း​လႄႈ ႁဝ်း​မီး​တၢင်း​ယုမ်ႇ​မၢတ်ႈ​ယူႇ​သေ​လႄႈ လႆႈ​ဢၶႂၢင်ႉ​ဢၼ်​ၸၢမ်ႇ​ၸႃး​ၵျေး​ၸူး​ၸဝ်ႈ တီႈ​ဢၼ်​ႁဝ်း​တႄႇ​ယူႇ​ၼၼ်ႉ​ဢေႃႈ။ ၵွပ်ႈ​ႁွႆး​ၼႆႉ ႁဝ်း​မုင်ႈ​ထႃႈ​မွင်း​ထႃႈ​မုၼ်​ၽြႃး​ပဵၼ်​ၸဝ်ႈ​လႄႈ ဢုပ်ႇ​ဝၢဝ်း​သိူဝ်း​ပျေႃႇ​ဢေႃႈ။

ၼႂ်း​မိူဝ်ႈ​ဢၼ်​ႁဝ်း​ယင်း​တိုၵ်ႉ​ဢမ်ႇ​မီး​ႁႅင်း​ယူႇ​ၼၼ်ႉ​ၸိုင် ၶိင်ႇ​မၼ်း​ထုၵ်ႇ​ယဝ်ႉ​ၸင်ႇ၊ ၸဝ်ႈ​ၶရိၸ်ႈ​ၶၢမ်ႇ​တၢင်း​တၢႆ ပုၼ်ႈ​ၶဝ်​ၸိူဝ်း​ဢၼ်​ဢမ်ႇ​တြႃး​ဢေႃႈ။

ပိူဝ်ႈ​ၼႆ​လႄႈ တေႃႈ​လဵဝ်​ၼႆႉ ႁဝ်း​ႁွတ်ႈ​ထိုင်​တၢင်း​သိုဝ်ႈ​တေႃႇ ၵွပ်ႈ​ပိူဝ်ႈ​လိူတ်ႈ​ၸဝ်ႈ​ယဝ်ႉ​ၸင်ႇ​တၵ်း​ႁွတ်ႈ​ထိုင် တၢင်း​ဢၼ်​ၵႄႇ​ၶျွတ်ႈ​ဢဝ်​သေ​ၵႃႈ​ၼႂ်း တေႃး​သႃႉ​တၢင်း​ဢၼ်​မၼ်း​ၸဝ်ႈ​ၸႂ်​မႆႈ​ၼၼ်ႉ ၵွပ်ႈ​ပိူဝ်ႈ​ၸဝ်ႈ​ၼၼ်ႉ​ဝႃႈ​ၼႆ ယဵင်ႈ​ၶႅၼ်း​မီး​တီႈ​မုင်ႈ​ထႃႈ​မွင်း​ထႃႈ​ဢေႃႈ။

လွင်ႈ​မၼ်း​ၸမ်ႉ ၸိူဝ်ႉ​ၼင်ႇ​ဢၼ်​ၵူၼ်း​ၼမ်​ၼႃႇ​ႁွတ်ႈ​ထိုင်​ဢပႅတ်ႈ ၵွပ်ႈ​ပိူဝ်ႈ​တၢင်း​ဢၼ်​ၵေႃႉ​ၼိုင်ႈ​ဢမ်ႇ​ထွမ်ႇ​ၼၼ်ႉ၊ ၵူၼ်း​ၼမ်​ၼႃႇ​တၵ်း​လႆႈ​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ဢၼ်​ၵူၼ်း​ၵေႃႉ​ၼိုင်ႈ​ထွမ်ႇ​ဢေႃႈ။

လိူဝ်​သေ​ၼၼ်ႉ​ဢမ်ႇ​ၵႃး၊ တေႃႈ​လဵဝ်​ၼႆႉ ႁဝ်း​ၶၢမ်ႇ​မိၵ်ႉသႃႇႁႃယႃႉ​တၢင်း​ဢၼ်​ထုၵ်ႇ​ၵၼ်​ၵွပ်ႈ​ပိူဝ်ႈ​ၸဝ်ႈ​ႁဝ်း ယေႇသူႉ​ၶရိၸ်ႈ ​ၼၼ်ႉ​ယဝ်ႉ​ၸင်ႇ မီး​တၢင်း​ဢၼ်​ဢုပ်ႇ​ဝၢဝ်း​သိူဝ်း​ပျေႃႇ​ၼႂ်း​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​ၸဝ်ႈ​ၼၼ်ႉ​ဢေႃႈ။