ISIKELI 27
27
A kena vutuniyau ko Taia, 1-25. A kena rusa vakaidina sara, 26-36.
1A sa yaco vei au na vosa i Jiova, ka vaka, 2Ia ko iko, na luve ni tamata, mo taurivaka na lele e na vuku i Taia; 3ka kaya ki Taia, Ko iko ka toka mai na toba, ka nodra koro dauveivoli na tamata mai na veiyanuyanu e vuqa, sa kaya vakaoqo na Turaga ko Jiova; Ko iko Taia, ko sa kaya, Au sa koro lagilagi duadua. 4Sa tu mai na loma ni wasawasa na nomu i yalayala, ko ira na kemu matai era sa tarai iko mo koro lagilagi duadua. 5Era sa cakava kece na papa ni nomu waqa e na damanu ni Siniri: era sa taura na sitari ni Lepanoni me caka kina na nomu i vana. 6Na oki ni Pasani era sa taya kina na nomu i voce; a nomu i tikotiko era sa cakava e na dakua e vono tabua, ka kau mai na veiyanuyanu ko Kitimi. 7A lineni matailalai ni Ijipita ka veivolavolai sai koya ko sa vakarewataka me nomu laca; ai sulu pelu ka lokaloka e kau mai na veiyanuyanu i Ilaisa sa nomu i vakaruru.
8O ira na kai Saitoni kei na kai Arivati sa ra nomu lewe ni waqa: ko ira na nomu vuku, era tiko vei iko Taia, sa ra nomu turaga ni waqa. 9O ira na qase ni Kipali kei ira na kena tamata vuku sa ra tiko vei iko me ra nomu dausaubulu: na waqa kecega ni wasawasa kei ira na lewe ni waqa sa ra tiko vei iko me ra oga e na nomu i yau ni ra dauveivoli kei iko.
10O ira na kai Perisia kei na kai Luti kei na kai Futi era sa tiko me ra nomu bati, ka me ra nomu tamata i valu: nai sasabai kei nai vakaruru-ni-ulu era sa rubeca e tikimu, era sa vakaraitaka na kemui ukuuku. 11O ira na kai Arivati kei na nomu bai era sa tu e dela ni nomu bai e na veiyasana, kei ira na tamata qaqa era sa tiko e na nomu veivale cecere: na nodra i sasabai era rubeca e na kena lalaga e na veitikina; era sa cakava na nomu lagilagi me sa uetaki sara.
12O Tasisi, sa dauveivoli kei iko e na vuku ni kena levu ni yau kecega; na siliva, na aironi, na tini, kei na uma, era sa veivolitaka e na nomu rara ni veivoli.
13O Javana, kei Tupali, kei Meseki, era dauveivoli kei iko: na tamata kei nai yaya parasa era sa veivolitaka e na nomu rara ni vovoli. 14O ira na mataqali ni Tokama era sa veivolitaka na ose, kei na ose ni valu, kei na meule, e na nomu rara ni veivoli. 15O ira na kai Titana, era dauveivoli kei iko; na lewe ni yanuyanu e vuqa, era dauvolia na ka ko sa rawata: nai leu tabua kei na eponi era kauta vei iko me kenai voli. 16Ko Siria, sa dauveivoli kei iko ni sa ka levu nai yaya ko sa cakava: na emeralita, kei nai sulu lokaloka, kei nai sulu veivolavolai, kei na lineni matailalai, kei na lase damudamu kei na rupi, era veivolitaka e na nomu rara ni vovoli.
17Ko Juta, kei na vanua ko Isireli, era dauveivoli kei iko: na witi ni Minici, kei Panake, kei na oni, kei na waiwai, kei na drega, era sa volitaka e na nomu rara ni vovoli. 18Ko Tamasiko, sa dauveivoli kei iko e nai yaya levu ko sa cakava, e na vuku ni levu ni yau kecega; e na waini ni Eliponi, kei na vutika ni sipi sa vulavula. 19Ko Tani talega kei Javana, era dauveivoli e na nomu rara ni vovoli: na aironi makamakalivata, kei na kasia, kei na kalamo, sa tu e na nomu rara ni vovoli. 20Ka Titana, sa dauveivoli kei iko e nai sulu me tevuki e na qiqi-vakaturaga. 21Ko Arepea, kei na turaga kecega ni Kitari, era sa dauveivolitaka kei iko na lami, kei na sipi tagane, kei na me: ena ka oqo era dauveivoli kei iko. 22Ko ira na dauveivoli mai Sipa kei Reama, era sa dauveivoli kei iko: na vua ni kau kecega e boi vinaka sara, kei na vatu talei kecega, kei na koula, era sa volitaka e na nomu rara ni vovoli. 23Ko Karana, kei Kane, kei Iteni, kei ira na dauveivoli mai Sipa, kei Asuri, kei Kilimati, era dauveivoli kei iko: 24o ira oqo era sa dauveivoli kei iko e nai yaya kecega, e nai tutuvi pelu, kei nai sulu veivolavolai, kei na kato i sulu talei, sa vau e na dali, ka caka e na sitari, kei na ka eso ko sa dauveivolitaka. 25A waqa ni Tasisi, sa dauusai yau ki na nomu rara ni vovoli: ia ko sa vakavutuniyautaki, ka sa rogo sara e loma ni wasawasa.
26Era sa kauti iko ki na dua na wasa levu ko ira na nomu dauvoce; ko sa kasere e na tokalau e loma ni wasawasa. 27A nomu i yau, kei na nomu rara ni vovoli, na nomu ka ni veivoli, na nomu lewe ni waqa, kei na nomu turaga ni waqa, na nomu dausaubulu, kei ira era oga e na nomu i yau e dauveivolitaki, kei ira kecega na nomu tamata i valu, ka tiko vata kei iko, kei ira kecega na nomu era tiko e na kemu maliwa, era na lutu dromu e loma ni wasawasa e na siga ko sa rusa kina. 28Ena yavala na biau ni sa rogo na nodra tagi na nomu turaga ni waqa. 29Ka ra na sobu mai na nodra waqa ko ira kece era dauvoce, kei ira na lewe ni waqa, kei ira kece era turaga ni waqa, ka ra na tu e vanua; 30ka ra na tabalaka na domodra e na vukumu, ka tagi vakalevu, ka kabua ki na uludra na kuvu-ni-soso, era na qiqi voli tiko e na dravusa: 31ka ra na tasia sara na uludra e na vukumu, ka vauci ira e nai sulu taga, ka ra na tagicaki iko, ni sa rarawa na lomadra, ka ra na qoqolou e na rarawa. 32Ka, ni ra ia na tagi yaso, era na leleivaki iko e na dua na lele, ka kaya, Na koro cava me rau vakatauvatani kei Taia, sa vagalui vakaoqo mai na loma ni wasawasa? 33Ni sa yau ki vanua na nomu kamunaga mai na veiwasawasa, ko a vakasaututaki ira kina na veimataqali e vuqa; ko a vakavutuniyautaki ira na tui kei vuravura e na kena levu ni nomu i yau kei na nomu ka e dauveivolitaki. 34E na siga ko a kasere kina e na ua e na wai titobu, sa qai rusa vata na nomu i yau e dauveivolitaki kei ira na nomu e na kemu maliwa. 35O ira kece na lewe ni veiyanuyanu era sa kidacalataki iko, o ira talega na nodra tui era sa rere vakalevu sara, era sa vakaveveku mata. 36O ira na dauveivoli e na veimataqali era na vakasiusiutaki iko; ia ko sa yaco mo ka rerevaki, ia ko na qai yali sara.
Одоогоор Сонгогдсон:
ISIKELI 27: FOV
Тодруулга
Хувилах
Харьцуулах
Хуваалцах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Vakavakadewa Makawa (Fijian Old Version) © Bible Society of the South Pacific
ISIKELI 27
27
A kena vutuniyau ko Taia, 1-25. A kena rusa vakaidina sara, 26-36.
1A sa yaco vei au na vosa i Jiova, ka vaka, 2Ia ko iko, na luve ni tamata, mo taurivaka na lele e na vuku i Taia; 3ka kaya ki Taia, Ko iko ka toka mai na toba, ka nodra koro dauveivoli na tamata mai na veiyanuyanu e vuqa, sa kaya vakaoqo na Turaga ko Jiova; Ko iko Taia, ko sa kaya, Au sa koro lagilagi duadua. 4Sa tu mai na loma ni wasawasa na nomu i yalayala, ko ira na kemu matai era sa tarai iko mo koro lagilagi duadua. 5Era sa cakava kece na papa ni nomu waqa e na damanu ni Siniri: era sa taura na sitari ni Lepanoni me caka kina na nomu i vana. 6Na oki ni Pasani era sa taya kina na nomu i voce; a nomu i tikotiko era sa cakava e na dakua e vono tabua, ka kau mai na veiyanuyanu ko Kitimi. 7A lineni matailalai ni Ijipita ka veivolavolai sai koya ko sa vakarewataka me nomu laca; ai sulu pelu ka lokaloka e kau mai na veiyanuyanu i Ilaisa sa nomu i vakaruru.
8O ira na kai Saitoni kei na kai Arivati sa ra nomu lewe ni waqa: ko ira na nomu vuku, era tiko vei iko Taia, sa ra nomu turaga ni waqa. 9O ira na qase ni Kipali kei ira na kena tamata vuku sa ra tiko vei iko me ra nomu dausaubulu: na waqa kecega ni wasawasa kei ira na lewe ni waqa sa ra tiko vei iko me ra oga e na nomu i yau ni ra dauveivoli kei iko.
10O ira na kai Perisia kei na kai Luti kei na kai Futi era sa tiko me ra nomu bati, ka me ra nomu tamata i valu: nai sasabai kei nai vakaruru-ni-ulu era sa rubeca e tikimu, era sa vakaraitaka na kemui ukuuku. 11O ira na kai Arivati kei na nomu bai era sa tu e dela ni nomu bai e na veiyasana, kei ira na tamata qaqa era sa tiko e na nomu veivale cecere: na nodra i sasabai era rubeca e na kena lalaga e na veitikina; era sa cakava na nomu lagilagi me sa uetaki sara.
12O Tasisi, sa dauveivoli kei iko e na vuku ni kena levu ni yau kecega; na siliva, na aironi, na tini, kei na uma, era sa veivolitaka e na nomu rara ni veivoli.
13O Javana, kei Tupali, kei Meseki, era dauveivoli kei iko: na tamata kei nai yaya parasa era sa veivolitaka e na nomu rara ni vovoli. 14O ira na mataqali ni Tokama era sa veivolitaka na ose, kei na ose ni valu, kei na meule, e na nomu rara ni veivoli. 15O ira na kai Titana, era dauveivoli kei iko; na lewe ni yanuyanu e vuqa, era dauvolia na ka ko sa rawata: nai leu tabua kei na eponi era kauta vei iko me kenai voli. 16Ko Siria, sa dauveivoli kei iko ni sa ka levu nai yaya ko sa cakava: na emeralita, kei nai sulu lokaloka, kei nai sulu veivolavolai, kei na lineni matailalai, kei na lase damudamu kei na rupi, era veivolitaka e na nomu rara ni vovoli.
17Ko Juta, kei na vanua ko Isireli, era dauveivoli kei iko: na witi ni Minici, kei Panake, kei na oni, kei na waiwai, kei na drega, era sa volitaka e na nomu rara ni vovoli. 18Ko Tamasiko, sa dauveivoli kei iko e nai yaya levu ko sa cakava, e na vuku ni levu ni yau kecega; e na waini ni Eliponi, kei na vutika ni sipi sa vulavula. 19Ko Tani talega kei Javana, era dauveivoli e na nomu rara ni vovoli: na aironi makamakalivata, kei na kasia, kei na kalamo, sa tu e na nomu rara ni vovoli. 20Ka Titana, sa dauveivoli kei iko e nai sulu me tevuki e na qiqi-vakaturaga. 21Ko Arepea, kei na turaga kecega ni Kitari, era sa dauveivolitaka kei iko na lami, kei na sipi tagane, kei na me: ena ka oqo era dauveivoli kei iko. 22Ko ira na dauveivoli mai Sipa kei Reama, era sa dauveivoli kei iko: na vua ni kau kecega e boi vinaka sara, kei na vatu talei kecega, kei na koula, era sa volitaka e na nomu rara ni vovoli. 23Ko Karana, kei Kane, kei Iteni, kei ira na dauveivoli mai Sipa, kei Asuri, kei Kilimati, era dauveivoli kei iko: 24o ira oqo era sa dauveivoli kei iko e nai yaya kecega, e nai tutuvi pelu, kei nai sulu veivolavolai, kei na kato i sulu talei, sa vau e na dali, ka caka e na sitari, kei na ka eso ko sa dauveivolitaka. 25A waqa ni Tasisi, sa dauusai yau ki na nomu rara ni vovoli: ia ko sa vakavutuniyautaki, ka sa rogo sara e loma ni wasawasa.
26Era sa kauti iko ki na dua na wasa levu ko ira na nomu dauvoce; ko sa kasere e na tokalau e loma ni wasawasa. 27A nomu i yau, kei na nomu rara ni vovoli, na nomu ka ni veivoli, na nomu lewe ni waqa, kei na nomu turaga ni waqa, na nomu dausaubulu, kei ira era oga e na nomu i yau e dauveivolitaki, kei ira kecega na nomu tamata i valu, ka tiko vata kei iko, kei ira kecega na nomu era tiko e na kemu maliwa, era na lutu dromu e loma ni wasawasa e na siga ko sa rusa kina. 28Ena yavala na biau ni sa rogo na nodra tagi na nomu turaga ni waqa. 29Ka ra na sobu mai na nodra waqa ko ira kece era dauvoce, kei ira na lewe ni waqa, kei ira kece era turaga ni waqa, ka ra na tu e vanua; 30ka ra na tabalaka na domodra e na vukumu, ka tagi vakalevu, ka kabua ki na uludra na kuvu-ni-soso, era na qiqi voli tiko e na dravusa: 31ka ra na tasia sara na uludra e na vukumu, ka vauci ira e nai sulu taga, ka ra na tagicaki iko, ni sa rarawa na lomadra, ka ra na qoqolou e na rarawa. 32Ka, ni ra ia na tagi yaso, era na leleivaki iko e na dua na lele, ka kaya, Na koro cava me rau vakatauvatani kei Taia, sa vagalui vakaoqo mai na loma ni wasawasa? 33Ni sa yau ki vanua na nomu kamunaga mai na veiwasawasa, ko a vakasaututaki ira kina na veimataqali e vuqa; ko a vakavutuniyautaki ira na tui kei vuravura e na kena levu ni nomu i yau kei na nomu ka e dauveivolitaki. 34E na siga ko a kasere kina e na ua e na wai titobu, sa qai rusa vata na nomu i yau e dauveivolitaki kei ira na nomu e na kemu maliwa. 35O ira kece na lewe ni veiyanuyanu era sa kidacalataki iko, o ira talega na nodra tui era sa rere vakalevu sara, era sa vakaveveku mata. 36O ira na dauveivoli e na veimataqali era na vakasiusiutaki iko; ia ko sa yaco mo ka rerevaki, ia ko na qai yali sara.
Одоогоор Сонгогдсон:
:
Тодруулга
Хувилах
Харьцуулах
Хуваалцах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Vakavakadewa Makawa (Fijian Old Version) © Bible Society of the South Pacific