2 Ti 2
2
Qom jetaque yataqata am nejoĝonec joñe'me Jesucristo
1Am yalecolac, 'noota qom auaconeguet da'me at'añaĝac jo'ne Dios am yanem queda'me ademe'teguet joñe'me Cristo Jesús. 2Nataq'aen jenjo' joote jayem auomachitapega ca'li japaĝague'tape gaa'me jiyaĝadipi, qama'le nayi jetaque nach'ena jenjo' auapaĝagueneque gaa'me qadaqaya' jo'ne yataqata auep'etapegalo, qaedi naajo' naqaenaua qomle yapaĝague'n gaa'me laqaya'.
3Qama'le da'me am jo'ne yataqata am nejoĝonec ñe'me Cristo Jesús, 'noota qom anapogaĝadenegueta jo' qomle gaa'me qoye'n adachoĝodeco. 4Auayaten queda'me nale t'onataĝan ga'me coico le'ec qama'le ga'me 'lonataĝanaĝac ja en 'te yaleeguet ga'me ua'ña jena'me aleua, qa'a yataqata yauo'oe gaa'me lamaĝajoĝonaĝaco ga'me lejaliaĝanec. 5Nataq'aen ga'me qomitaĝaic ja yaqanatet ta'le yaconeguet ga'me lomataĝanaĝac qom ja ya'uo ga'me qoyen lajoĝoc ga'me qomitaĝac. 6Nataq'aen ga'me 'yetetac ga'me lanaĝanaqa', cha'li 'uaeñe da'me netela ga'me 'lonatac qaedi qomle yem, male deque'e nale daqataĝan. 7Auenate'talo naa'me naajo' 'yaqataqa jo'ne am janema, qa'a qomle ñe'me Qadejaliaĝanec male naqaeñe en yataqata auayaten ga'me yelo'tegueta.
8Anetouetac nale ñe'me Jesucristo jo'ne nach'eñe ca'li 'niyelaĝajeguem, chiyaqa'ña di'me napa'lpi 'lachaqa', nataq'aen da'me chiyoĝoguet jodi'me jaliaĝanec David. Naq'aeta da'me onaĝaic 'naqataĝanaĝac jo'ne qoyen ja'aĝatetac nale. 9Nach'ena jena'me jenjo' 'naqataĝanaĝac jayem qoyajouaĝatec, qama'le jayem qoyecoñedetac, qoyene'tem ta'le jayem etaĝaloĝoic. Qalaĝaja gaa'me 'laqataqa ñe'me Dios ja qoyaqanatet ta'le qoyecoñe't, 10qama'le jalcote qoye'n yachoĝodeco, qaedi gaa'me dalaĝayaqa Dios lec'oqo'tepi male nec'alaĝatedegue nataq'aen yacoteguet ga'me 'noyaĝac jo'ne ja 'naidena'a, nach'ena jenjo' yanegue joñe'me Cristo Jesús.
11Da'me dojo' 'naqatac yataqata eja:
Qom joote yeleu na'me qanejiyaĝauayaĝac toijec
yajouaĝat da'me qademe'teguet joñe'me Jesús,
qama'le nach'e ena'am qadec'ale'tajop jo' qomle.
12Qom ñapogaĝadenaq nayi
qama'le nataq'aen qo'mi lejaliaĝa'u qomle.
Qom qanemanec joñe'me nayi,
qama'le ñe'me nach'e ena'am qo'mi nemaneque qomle.
13Mate mane'e ja qo'mi 'te yataqatelo'te nayi,
qalaĝaja joñe'me nach'e eta't yataqatelegue,
qa'a yataqata ja yaqanatet ta'le nadalaĝat da'me mach'e 'loyaĝac.
Da'me onataĝanaĝaic jo'ne qo'yamaqaten
14Nach'e eta't anetouenaĝanaĝaneque jogaa'me adaqaya' jena'me jenjo'; nataq'aen queda'me yataqata am yec'atetac ñe'me Qadet'a, a'uelopeque jogaa'me jiyaĝadipi qaedi qaya'te napetaĝac, qa'a da'me dojo' yataqata qaya'te yelo'teguet, mac joda'me 'naĝa't nale gaa'me maqachaĝa te'me naquiaĝatedapega da'me dojo' 'naqatac. 15Nach'e eta't a'nañaĝat da'me a'uonataĝaneuo'o joñe'me Qadet'a, qaedi joñe'me yataqata am 'yamaqaten, da'me am onataĝanaĝaic jo'ne qaya'te adepocoĝoc, jo'ne yataqata auapaĝaguenataĝanec da'me lajoĝoc da'me eja. 16Ena'te aualequete'n jogaa'me jo'ne ja 'noe'n gaa'me 'laqataqa nataq'aen ochichiguilo, qa'a naa'me naajo' 'naqataqa qaya'te chiyaqayi, mac joda'me tadoue ga'me ja no'en 'lonataĝanaĝa'j, 17nataq'aen da'me lapaĝaguenataĝanaĝa'j ena'am jaga'me 'nautaqate jo'ne yaliquetac na'me qadapat. Qama'le nach'ena jo'ne uetaue joñe'me Himeneo nataq'aen ñe'me Fileto, 18qama'le joote nepate'n da'me yataqata eja, qama'le nenaĝatetedapegue da'me joote yem da'me 'niyelaĝadijeguem gaa'me jiyaĝa'u, male nach'ena jenjo' 'yaĝatetedac jo'ne joote 'uo da'me en ca'e da'me qadepe'e ladic. 19Qalaĝaja Dios joote ya'uo joga'me 'uaechiñe nataq'aen eja jo'ne qoyediñe ca'li: “Joñe'me Jaliaĝanec yateto'n jogaa'me mach'e lec'oqo'te”, nataq'aen enaac: “Yema jogaa'me 'nonaĝachidegue joñe'me Jaliaĝanec, 'noota qom queda'e da'me ja no'en.”
20Ga'me emec let'adaic, uo'oe jogaa'me lete' choqogaa'me ouelae jo'ne oro nataq'aen jaga'me plata, jo'ne 'uo ga'me lajo'viyaĝa'j. Qalaĝaja nataq'aen uoja'ae gaa'me laqaya' jo'ne ep'a nataq'aen ga'me aleua, jo'ne qaya'te lajo'viyaĝa'j. 21Chane'eja qom 'uo joga'me jiyaĝaua niyamaĝatela't, t'oiya'agueta daa'me daajo' 'nonataqa laqaya' jo'ne ja 'noe'n, qama'le nach'ega ena'am ta'le le'ec jo'ne 'uo ga'me lajo'viyaĝac, jo'ne nemenot joñe'me Jaliaĝanec nataq'aen yataqata youen, qama'le male tayet joga'me en 'lonatac jo'ne onaĝaic.
22Chane'eja oca'e da'me lamai'j jenaa'me joĝodipi, nataq'aen auelaque da'me chimaqachiñe, ena'te aĝañi da'me adepe'e, adoqopitalo gaa'me adaqaya', chayovida'a da'me auaconeguet jena'me 'nemaĝac; oquetapegue'to jogaa'me uetedaue da'me yoqovichiguilo naa'me lai'li jo'ne yiyaĝatot nale joñe'me Jaliaĝanec. 23Ena'te anaquiaĝanalo jogaa'me napetaĝaco jo'ne ja 'noe'n nataq'aen paĝachiguilo, qa'a auayaten nach'enaua chiyaqayilo da'me neloiquiaĝac. 24Qa'a joga'me Dios lalemaĝajet ja 'noota ta'le uetaue ga'me neloiquiaĝac, mac da'me 'noota ta'le yaloĝon loqopich'i jo'ne yanema yema ga'me layi. 'Uo da'me layatenaĝanaĝac da'me dapaĝaguenataĝan, nataq'aen pogaĝadenaĝaic joga'me. 25'Uo da'me lapaĝaguenataĝanaĝac jo'ne ja 'yoĝodenaĝaic yanema jogaa'me jo'ne te'me nautetapegalo, qa'a uotaĝa yaloĝolo'te ñe'me Dios qaedi 'ñemaĝadiñe, 'niyelaĝadetot joñe'me nataq'aen male yataqachiñe qoye'n yateto'n da'me eja, 26qaedi nelodegue nataq'aen male queda'e da'me payac 'lonataĝanaĝac jo'ne yecoñede'tape nale nataq'aen da'me ch'e ye'ue'tape da'me gamachaqaega ga'me yamaĝalo'te.
Одоогоор Сонгогдсон:
2 Ti 2: TSN
Тодруулга
Хувилах
Харьцуулах
Хуваалцах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Nuevo Testament Toba del Oeste © 2010 Sociedad Bíblica Argentina
2 Ti 2
2
Qom jetaque yataqata am nejoĝonec joñe'me Jesucristo
1Am yalecolac, 'noota qom auaconeguet da'me at'añaĝac jo'ne Dios am yanem queda'me ademe'teguet joñe'me Cristo Jesús. 2Nataq'aen jenjo' joote jayem auomachitapega ca'li japaĝague'tape gaa'me jiyaĝadipi, qama'le nayi jetaque nach'ena jenjo' auapaĝagueneque gaa'me qadaqaya' jo'ne yataqata auep'etapegalo, qaedi naajo' naqaenaua qomle yapaĝague'n gaa'me laqaya'.
3Qama'le da'me am jo'ne yataqata am nejoĝonec ñe'me Cristo Jesús, 'noota qom anapogaĝadenegueta jo' qomle gaa'me qoye'n adachoĝodeco. 4Auayaten queda'me nale t'onataĝan ga'me coico le'ec qama'le ga'me 'lonataĝanaĝac ja en 'te yaleeguet ga'me ua'ña jena'me aleua, qa'a yataqata yauo'oe gaa'me lamaĝajoĝonaĝaco ga'me lejaliaĝanec. 5Nataq'aen ga'me qomitaĝaic ja yaqanatet ta'le yaconeguet ga'me lomataĝanaĝac qom ja ya'uo ga'me qoyen lajoĝoc ga'me qomitaĝac. 6Nataq'aen ga'me 'yetetac ga'me lanaĝanaqa', cha'li 'uaeñe da'me netela ga'me 'lonatac qaedi qomle yem, male deque'e nale daqataĝan. 7Auenate'talo naa'me naajo' 'yaqataqa jo'ne am janema, qa'a qomle ñe'me Qadejaliaĝanec male naqaeñe en yataqata auayaten ga'me yelo'tegueta.
8Anetouetac nale ñe'me Jesucristo jo'ne nach'eñe ca'li 'niyelaĝajeguem, chiyaqa'ña di'me napa'lpi 'lachaqa', nataq'aen da'me chiyoĝoguet jodi'me jaliaĝanec David. Naq'aeta da'me onaĝaic 'naqataĝanaĝac jo'ne qoyen ja'aĝatetac nale. 9Nach'ena jena'me jenjo' 'naqataĝanaĝac jayem qoyajouaĝatec, qama'le jayem qoyecoñedetac, qoyene'tem ta'le jayem etaĝaloĝoic. Qalaĝaja gaa'me 'laqataqa ñe'me Dios ja qoyaqanatet ta'le qoyecoñe't, 10qama'le jalcote qoye'n yachoĝodeco, qaedi gaa'me dalaĝayaqa Dios lec'oqo'tepi male nec'alaĝatedegue nataq'aen yacoteguet ga'me 'noyaĝac jo'ne ja 'naidena'a, nach'ena jenjo' yanegue joñe'me Cristo Jesús.
11Da'me dojo' 'naqatac yataqata eja:
Qom joote yeleu na'me qanejiyaĝauayaĝac toijec
yajouaĝat da'me qademe'teguet joñe'me Jesús,
qama'le nach'e ena'am qadec'ale'tajop jo' qomle.
12Qom ñapogaĝadenaq nayi
qama'le nataq'aen qo'mi lejaliaĝa'u qomle.
Qom qanemanec joñe'me nayi,
qama'le ñe'me nach'e ena'am qo'mi nemaneque qomle.
13Mate mane'e ja qo'mi 'te yataqatelo'te nayi,
qalaĝaja joñe'me nach'e eta't yataqatelegue,
qa'a yataqata ja yaqanatet ta'le nadalaĝat da'me mach'e 'loyaĝac.
Da'me onataĝanaĝaic jo'ne qo'yamaqaten
14Nach'e eta't anetouenaĝanaĝaneque jogaa'me adaqaya' jena'me jenjo'; nataq'aen queda'me yataqata am yec'atetac ñe'me Qadet'a, a'uelopeque jogaa'me jiyaĝadipi qaedi qaya'te napetaĝac, qa'a da'me dojo' yataqata qaya'te yelo'teguet, mac joda'me 'naĝa't nale gaa'me maqachaĝa te'me naquiaĝatedapega da'me dojo' 'naqatac. 15Nach'e eta't a'nañaĝat da'me a'uonataĝaneuo'o joñe'me Qadet'a, qaedi joñe'me yataqata am 'yamaqaten, da'me am onataĝanaĝaic jo'ne qaya'te adepocoĝoc, jo'ne yataqata auapaĝaguenataĝanec da'me lajoĝoc da'me eja. 16Ena'te aualequete'n jogaa'me jo'ne ja 'noe'n gaa'me 'laqataqa nataq'aen ochichiguilo, qa'a naa'me naajo' 'naqataqa qaya'te chiyaqayi, mac joda'me tadoue ga'me ja no'en 'lonataĝanaĝa'j, 17nataq'aen da'me lapaĝaguenataĝanaĝa'j ena'am jaga'me 'nautaqate jo'ne yaliquetac na'me qadapat. Qama'le nach'ena jo'ne uetaue joñe'me Himeneo nataq'aen ñe'me Fileto, 18qama'le joote nepate'n da'me yataqata eja, qama'le nenaĝatetedapegue da'me joote yem da'me 'niyelaĝadijeguem gaa'me jiyaĝa'u, male nach'ena jenjo' 'yaĝatetedac jo'ne joote 'uo da'me en ca'e da'me qadepe'e ladic. 19Qalaĝaja Dios joote ya'uo joga'me 'uaechiñe nataq'aen eja jo'ne qoyediñe ca'li: “Joñe'me Jaliaĝanec yateto'n jogaa'me mach'e lec'oqo'te”, nataq'aen enaac: “Yema jogaa'me 'nonaĝachidegue joñe'me Jaliaĝanec, 'noota qom queda'e da'me ja no'en.”
20Ga'me emec let'adaic, uo'oe jogaa'me lete' choqogaa'me ouelae jo'ne oro nataq'aen jaga'me plata, jo'ne 'uo ga'me lajo'viyaĝa'j. Qalaĝaja nataq'aen uoja'ae gaa'me laqaya' jo'ne ep'a nataq'aen ga'me aleua, jo'ne qaya'te lajo'viyaĝa'j. 21Chane'eja qom 'uo joga'me jiyaĝaua niyamaĝatela't, t'oiya'agueta daa'me daajo' 'nonataqa laqaya' jo'ne ja 'noe'n, qama'le nach'ega ena'am ta'le le'ec jo'ne 'uo ga'me lajo'viyaĝac, jo'ne nemenot joñe'me Jaliaĝanec nataq'aen yataqata youen, qama'le male tayet joga'me en 'lonatac jo'ne onaĝaic.
22Chane'eja oca'e da'me lamai'j jenaa'me joĝodipi, nataq'aen auelaque da'me chimaqachiñe, ena'te aĝañi da'me adepe'e, adoqopitalo gaa'me adaqaya', chayovida'a da'me auaconeguet jena'me 'nemaĝac; oquetapegue'to jogaa'me uetedaue da'me yoqovichiguilo naa'me lai'li jo'ne yiyaĝatot nale joñe'me Jaliaĝanec. 23Ena'te anaquiaĝanalo jogaa'me napetaĝaco jo'ne ja 'noe'n nataq'aen paĝachiguilo, qa'a auayaten nach'enaua chiyaqayilo da'me neloiquiaĝac. 24Qa'a joga'me Dios lalemaĝajet ja 'noota ta'le uetaue ga'me neloiquiaĝac, mac da'me 'noota ta'le yaloĝon loqopich'i jo'ne yanema yema ga'me layi. 'Uo da'me layatenaĝanaĝac da'me dapaĝaguenataĝan, nataq'aen pogaĝadenaĝaic joga'me. 25'Uo da'me lapaĝaguenataĝanaĝac jo'ne ja 'yoĝodenaĝaic yanema jogaa'me jo'ne te'me nautetapegalo, qa'a uotaĝa yaloĝolo'te ñe'me Dios qaedi 'ñemaĝadiñe, 'niyelaĝadetot joñe'me nataq'aen male yataqachiñe qoye'n yateto'n da'me eja, 26qaedi nelodegue nataq'aen male queda'e da'me payac 'lonataĝanaĝac jo'ne yecoñede'tape nale nataq'aen da'me ch'e ye'ue'tape da'me gamachaqaega ga'me yamaĝalo'te.
Одоогоор Сонгогдсон:
:
Тодруулга
Хувилах
Харьцуулах
Хуваалцах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Nuevo Testament Toba del Oeste © 2010 Sociedad Bíblica Argentina