သုၵ်ႉတၢမ်ႇ 7
7
1လုၵ်ႈၸၢႆးၵဝ်ဢိူၺ်း၊ ထွမ်ႇဢဝ်ၵႂၢမ်းၵဝ်လႄႈ ဢဝ်ပိင်းၺၢပ်ႈၵဝ်တင်းလၢႆ သိမ်းဝႆႉတီႈမႂ်းတႃႉ။- 2ပႂ်ႉၸွမ်းပိင်းၺၢပ်ႈၵဝ်တင်းလၢႆလႄႈ ဢသၢၵ်ႈလိပ်းယူႇတႃႉ။ ပႂ်ႉတြႃးၵဝ်ၼၼ်ႉဝႆႉ မိူၼ်ၸိူဝ်ႉၼင်ႇလုၵ်ႈဝၢၵ်ႇမၢၵ်ႇတႃမႂ်းၼၼ်ႉတႃႉ။- 3ဢဝ်မတ်ႉၸပ်းဝႆႉ ၵႃႈတီႈၼိဝ်ႉမိုဝ်းမႂ်းတင်းလၢႆသေလႄႈ တႅမ်ႈမၢႆသႂ်ႇဝႆႉ ၵႃႈတီႈဢၢင်းၸရၢင်းႁူဝ်ၸႂ်မႂ်းတႃႉ။- 4လၢတ်ႈတီႈပိင်ႇၺႃႇလႄႈဝႃႈ၊ မႂ်းပဵၼ်ၼွင်ႉယိင်းၵဝ်ဢေႃႈ၊ ဝႃႈၼင်ႇၼႆလႄႈ ႁွင်ႉႁဵၵ်ႈၺၢၼ်ႇၵေႃႉသေႈမႂ်းတႃႉ။- 5ပေႃးႁဵတ်းၸိူဝ်ႉၼင်ႇၼၼ်ၸိုင်၊ ၶဝ်တၵ်းၵႄႇသႄႇဢဝ်မႂ်း လွတ်ႈသေၵႃႈၼႂ်းမိုဝ်းမႄႈယိင်းလေႃ မႄႈမွၵ်ႇယႃႈ ဢၼ်ၸၢင်ႈဢဝ်သူပ်းဢဝ်ၵႂၢမ်း ၶျေႃးဝွၼ်းၼၼ်ႉဢေႃႈ။
မႄႈယိင်းဢၼ်ဢၵျၢင်ႉဢမ်ႇလီ
6လွင်ႈတၢင်းဢၼ်ၵဝ်ယူႇၼႂ်းႁိူၼ်း လူတူၺ်းဢွၵ်ႇၵႃႈတီႈ ၵႄႈမႂ်ႁူးလၢင်းတဵၼ်ႁိူၼ်းၵဝ်ၼၼ်ႉလႄႈ ႁၼ်ၸမ်ႉ၊- 7ၵဝ်ႁၼ်ၼႂ်းၶဝ်ၸိူဝ်းဢၼ်ငိူဝ်ႈဢၼ်ငဝ်လႄႈ ထူပ်းၼႂ်းၵူၼ်းၼုမ်ႇၵူၼ်းၵမ်ၸိူဝ်းၼၼ်ႉ ၽူႈမၢဝ်ႇဢၼ်ဢမ်ႇမီးၺၢၼ်ႇၵေႃႉၼိုင်ႈ၊- 8တႆႇတၢင်းပႆတၢင်းၵႂႃႇ ၵႃႈတီႈႁိမ်းၸဵင်ႇတၢင်းႁူဝ်တၢင်းမၼ်းလႄႈ ၸွမ်းတၢင်းၵႂႃႇၸူး ၵႃႈတီႈႁိူၼ်းမၼ်းၼၼ်ႉ၊- 9ၶိင်ႇႁူဝ်ၶမ်ႈ၊ ၶိင်ႇၵၢင်ၶမ်ႈ၊ ၶိင်ႇၵၢင်ၶိုၼ်းဢၼ်လိုၵ်းလႄႈ လပ်းသိင်ႇၼႃႇလူင်လၢင်ၼၼ်ႉဢေႃႈ။- 10မႄႈယိင်းဢၼ်ၼုင်ႈၶူဝ်းမႄႈမွၵ်ႇယႃႈလႄႈ လၵ်းလႅမ်ၼၼ်ႉ ႁူပ်ႉထူပ်းမၼ်းဢေႃႈ။- 11မၼ်းၼၼ်ႉ မီးသဵင်ဢၼ်ယႂ်ႇဢၼ်လူင် ဢိၵ်ႇတင်းၸႂ်သၽေႃးဢၼ်ၵႅၼ်ႇၶႅင်ဢေႃႈ။ တိၼ်မၼ်းၵေႃႈ ဢမ်ႇၸၢင်ႈယူႇၵႃႈၼႂ်းႁိူၼ်းမၼ်း ၼိမ်ၼိမ်လီလီ။- 12မၼ်းၸၢင်ႈမီးၵႃႈၼွၵ်ႈႁိူၼ်းၵမ်းဢွၼ်ႇၼိုင်ႈ ၵႃႈၼႂ်းသဵၼ်ႈတၢင်းဢၼ်ယႂ်ႇဢၼ်ၵႂၢင်ႈ ၵမ်းဢွၼ်ႇၼိုင်ႈလႄႈ လွမ်တူၺ်းၵႃႈတီႈၸဵင်ႇတၢင်းႁူဝ်တၢင်း ၵူႈသဵၼ်ႈၵူႈဢၼ်ဢေႃႈ။- 13မၼ်းၼၼ်ႉ တီႉၵွတ်ႇဢဝ်မၼ်းလႄႈ ၸုပ်ႇၼူမ်မၼ်းသေလႄႈ မီးတင်းၼႃႈဢၼ်ႁတ်းႁၢၼ်သေလႄႈ လၢတ်ႈတီႈမၼ်းလႄႈဝႃႈ၊- 14ယိတ်ႈမိၵ်ႉသႃႇႁႃယႃႉ မီးတီႈၵဝ်ၶႃႈဢေႃႈ။ ဝၼ်းမိူဝ်ႈၼႆႉ ၵဝ်ၶႃႈၽေႇဝၢတ်ႈၵတီႉသဵတ်ႈၸႃႇယဝ်ႉၶႃႈယဝ်ႉ။- 15ပိူဝ်ႈၼႆလႄႈ ၵဝ်ၶႃႈဢွၵ်ႇမႃးႁႂ်ႈလႆႈႁူပ်ႉထူပ်းၸဝ်ႈၶႃႈယဝ်ႉ။ ၵဝ်ၶႃႈၵျူဝ်းၸႃးႁႃၼႃႈၸဝ်ႈလႄႈ ထူပ်းၶႃႈယဝ်ႉ။- 16ၵဝ်ၶႃႈဢဝ်ၽႃႈသိူဝ်ႇ ဢၼ်တမ်ႇၵၢမ်းၵၼ်တေႃးႁဵတ်း ဢိၵ်ႇတင်းပိၵ်ႈၶျေႃးမိူင်းဢေႇၵိပ်ႉတူႉၸိူဝ်းၼၼ်ႉ မႄးသိူဝ်ႇၵူႇတီႈၼွၼ်းၵဝ်ၶႃႈဝႆႉယဝ်ႉၶႃႈယဝ်ႉ။- 17ၵဝ်ၶႃႈဢဝ်တင်းမူႉရၢၼ်ႇ၊ ဢၵျေႃႇ၊ တင်းၵႅင်းႁွမ်မိုတ်းၽႃႈၵွပ်းၵဝ်ၶႃႈဝႆႉ ယဝ်ႉၶႃႈယဝ်ႉ။- 18မႃးသေၵမ်း၊ ၽႄႇၸႂ်ၵႃႇမႃႉရႃႇၵႃႉ ႁႂ်ႈတေႃႇထိုင်ႁွတ်ႈမိူင်းလႅင်းၼၼ်ႉတႃႉႁဝ်း။ ႁဵတ်းမေႇထုင်ႇလူၺ်ႈၵၼ်လႄႈ မူၼ်ႈပျေႃႇတႃႉႁဝ်း။- 19ၸဝ်ႈၵဝ်ၶႃႈၼၼ်ႉ ဢမ်ႇမီးႁိူၼ်း။ မၼ်းပႃးဢဝ်ထူင်ငိုၼ်းသေလႄႈ ၵႂႃႇၵႃႈတီႈဢၼ်ၵႆပုၼ်ႉၶႃႈယဝ်ႉ။- 20လိူၼ်မူၼ်း မၼ်းၸင်ႇတၵ်းၶိုၼ်းမႃးၵႃႈတီႈႁိူၼ်းၶႃႈဢေႃႈ၊ ဝႃႈၼင်ႇၼႆလႄႈ၊- 21ဢဝ်တင်းၵႂၢမ်းၼမ်ၼႃႇ ၸူဝ်းဢဝ်မၼ်းလႄႈ ဢဝ်တင်းသူပ်းဢၼ်ၸၢင်ႈၶျေႃးၸၢင်ႈဝွၼ်းၼၼ်ႉ ပႄႉၼႅင်ႇမၼ်းဢေႃႈ။- 22ၼင်ႇၼၼ်လႄႈ မၼ်းၸၢင်ႈၸွမ်းလင်မၼ်းၼၼ်ႉၵႂႃႇၵမ်းလဵဝ် မိူၼ်ၸိူဝ်ႉၼင်ႇဢၼ်ဝူဝ်းၸွမ်းၵႂႃႇၵႃႈတီႈ ဢၼ်ၶၢမ်ႇတၢႆၼၼ်ႉ၊ ၸိူဝ်ႉၼင်ႇဢၼ်ဝႅၼ်လဵၵ်းပဵၼ်ပုၼ်ႈဢၼ် တၵ်းသင်ႇသွၼ်သုင်းမႃႉပၼ် ၵေႃႉဢၼ်မိူၵ်ႈၼၼ်ႉ တေႃႇထိုင်ႁွတ်ႈပိုၼ်ၵၢင်ႇၸူၵ်ႉသဵပ်ႇသႂ်ႇတပ်းမၼ်းၼၼ်ႉ၊- 23ၸိူဝ်ႉၼင်ႇဢၼ် ၼူၵ်ႉၸဵဝ်းၶဝ်ႈၵႃႈၼႂ်းတူင်ႇႁႅဝ်ႉ ၶၼ်ၶၼ်ၽႂ်းၽႂ်းလႄႈ ဢမ်ႇႁူႉလွင်ႈဢၼ်ၵၢင်ဝႆႉ ႁႂ်ႈဢသၢၵ်ႈမၼ်းလႆႈသုမ်းၼၼ်ႉ။
24ပိူဝ်ႈၼႆလႄႈ လုၵ်ႈၸၢႆးၵဝ်တင်းလၢႆၶဝ်ဢိူၺ်း၊ ထွမ်ႇဢဝ်ၵႂၢမ်းၵဝ်လႄႈ မၢတ်ႈတွင်းဢဝ်ၵႂၢမ်းဢၼ် ဢွၵ်ႇသူပ်းၵဝ်ၼၼ်ႉတႃႉ။- 25ယႃႇပေၼူပ်ႈၸူးၵိူင်းၸူးသဵၼ်ႈတၢင်းမၼ်းၸိူဝ်းၼၼ်ႉ။ ယႃႇပေဝႄႉၶဝ်ႈၸူးၵႃႈၼႂ်းသဵၼ်ႈတၢင်း ဢၼ်မၼ်းၵႂႃႇမႃးယူႇၸိူဝ်းၼၼ်ႉလႄႈၸွမ်းၵႂႃႇ။- 26လွင်ႈမၼ်းၸမ်ႉ မၼ်းဢဝ်ၵူၼ်းၼမ်ၼႃႇလူမ်ႉတၢႆယဝ်ႉ။ ၶဝ်ၸိူဝ်းဢၼ်ႁႅင်းယႂ်ႇၼႃႇၵေႃႈ မၼ်းဢဝ်တၢႆယဝ်ႉ။- 27ႁိူၼ်းမၼ်းၼၼ်ႉ ပဵၼ်သဵၼ်ႈတၢင်းဢၼ်ႁွတ်ႈထိုင် ၵႃႈတီႈမိူင်းမရၼႃႉလႄႈ လူင်းၵႂႃႇၸူး ၵႃႈတီႈၽုင်ႇပိၵ်ႈမၢၼ်ႇၶုၼ်တၢႆယူႇဢေႃႈ။
Copyright © 2021 by OMF International, Shan Baptist Churches Fellowship