1 Indu ya katema 29
29
Yakupeleka kwaligongo lya kutaŵila Nyuumba ja Akunnungu
1Pelepo mwenye che Daudi ŵausalile mpingo wose kuti, “Mwanangu che Selemani jwasagulikwe ni Akunnungu, ali jwanchanda jwannondi, ni jwangasyoŵelela nkati kutaŵa nyuumba, ni masengo ga gali gamakulungwa. Nyuumba jitajitaŵe nganijiŵa ja mundu, nambo jili ja Ambuje Akunnungu. 2Nipele limbene indite kukombola kujiŵichila Nyuumba ja Akunnungu ŵangu mbiiko ja sahabu jakolochesya indu ya sahabu, ni feza jakolochesya indu ya feza, ni shaba jakolochesya indu ya shaba, ni chisyano chakolochesya indu ya chisyano, ni itela yakolochesya indu ya itela. Iyoyo peyo misile maganga ga ndalama gagakuŵilanjikwa shohamu kwaligongo lya kugumbalichi mu ikodobwa, ni alumasi ni maganga ga langi jakupisyangana, ni maganga ga ndalama ga uŵele wakupisyangana ni malumalu, yanayose yi yejinji kwannope. 3Sooni, konjechesya pa indu yosepe inapeleche ku Nyuumba ja Ambuje Akunnungu, ngwete sooni chipanje chele chachili changuchangupe cha sahabu ni feza, ni pakuŵapo ngujinonyela Nyuumba ja Akunnungu ŵangu, nguchityosya kwaligongo lya Nyuumba ja Akunnungu ŵangu. 4Tani elufu tatu sya sahabu kutyochela ku Ofili, tani mia mbili alobaini sya feza jesalele jakuunichila likumba lya nyuumba, 5ni kwaligongo lya kolochesya yoombo yakupisyangana ichikolosekwe ni mafundi ni makono. Ng'osile sahabu kwaligongo lya yoombo ya sahabu ni feza kwaligongo lya yoombo ya feza. Ana ŵani ŵachampelechele Ambuje Akunnungu kwakusaka kwakwe kuti alityosye lelo jino kwa Ambuje Akunnungu?”
6Pelepo achakulu ŵa mitundu, ilongola ŵa ngosyo sya ku Isilaeli, ilongola ŵa mipingo ja ŵangondo elufu moja ni mipingo ja ŵangondo mia moja, nombe ŵakamusi ŵakwimilila masengo ga mwenye ŵatyosisye kwakusaka kwawo achinsyene, 7kwaligongo lya masengo ga nyuumba ja Akunnungu. Indu iyatyosile yaliji, tani mia moja na sabini sya sahabu ni tani mia tatu na alobaini sya feza ni tani mia sita na ishilini sya shaba ni tani elufu tatu na mia nne sya chisyano. 8Aŵala ŵaŵakwete maganga ga ndalama ŵagatyosisye gaŵichikwe mu mbiko ja Nyuumba ja Akunnungu, kwa kwimililwa ni che Yehieli, jwauŵelesi wa che Gelishoni. 9Pelepo ŵandu wo ŵasangalele ligongo atyosisye kwakusaka kwawo achinsyene, pakuŵapo kwa ntima wao wose ŵatyosisye kwa Ambuje Akunnungu usache wao achisnyene, nombe mwenye che Daudi ŵasangalele kwannope.
Che Daudi akwalapa Akunnungu
10Pelepo che Daudi ŵaakusisye Ambuje Akunnungu paujo pa nsongangano wose, achitiji, “Nlapikwe moŵa gose pangali mbesi ni moŵa gose pangali mbesi, Alakwe Ambuje Akunnungu, Akunnungu ŵa atati ŵetu Isilaeli. 11Alakwe Ambuje Akunnungu mmwe nli ŵakulu, ni nkwete machili, nli ŵalumbili, nli ŵakupunda ni nli mwenye, pakuŵa yose yaili kwinani ni pachilambo ili yenu. Alakwe Ambuje Akunnungu, umwenye uli wenu, nomwe nkuchimbichikwa, nli ŵakulu pa indu yosepe. 12Kusichila ni luchimbichimbi ikutyochela kukwenu, nomwe nkutawala pa indu yose, mmakono mwenu nkwete ukombole ni machili, nomwe nkwakusya unkwanonyela, ni kwalimbisya ŵanawose. 13Sambano Alakwe Ambuje Akunnungu ŵetu, tukuntogolela ni kulilapa liina lyenu lyekulu.”
14“Nambo uneji nduni, ni ŵandu ŵangu ali ŵani, namose tukombole kumpa chindu? Pakuŵapo indu yosepe ikutyochela kukwenu, tumpele yaili yenu mmwe mwasyene. 15Uweji tuli achalendo paujo penu, ni ŵakwendajenda mpela iŵaliji achambuje ŵetu wose. Moŵa getu pachilambo gali mpela mbwilili waukupita, ni ngatukombola kuchitila chiwa. 16Alakwe Ambuje Akunnungu, Akunnungu ŵetu, tusongangenye ipanje yose yi kuti tuntaŵile nyuumba kwa kulichimbichisya liina lyenu lyeswela, nambo yose yi ityosile kukwenu, nombe yose yo ili yenu. 17Ngwimanyilila, Akunnungu ŵangu, kuti mmwejo nkuulinga ntima, nomwe nkunonyelwa ni ntima wakulungamika. Indu yose yi ndyosisye kwa kusaka kwangu ni kwa ntima wagoloka. Ni uneji naiweni kwa kusangalala, ŵandu ŵenu ŵaali apano yatiteje kuntyochesya kwa kusaka kwawo achinsyene. 18Alakwe Ambuje Akunnungu, Akunnungu ŵa che Ibulahimu, ni che Isaka ni che Yakobo, achambuje ŵetu, mmiche lungwanu lu mmitima mwa ŵandu ŵenu moŵa gose ni njitende mitima jao jiŵeje ni chikulupilichiko kukwenu. 19Mwatende che Selemani mwanangu akombole kugajitichisya makanyo ni malajisyo ni mashalaiti genu ni kutenda kila chindu kuti ataŵe Nyuumba jenu jele jinajiŵichile mbiko.”
20Nipele, mwenye che Daudi ŵasalile ŵandu wose ŵaŵasongangene kuti, “Mwalape Ambuje Akunnungu, Akunnungu ŵenu.” Ni ŵanawose ŵaŵasongangene ŵaakusisye Ambuje Akunnungu, Akunnungu ŵa achambuje ŵao, ŵatindiŵele ni kukotama mpaka paasi ni kupele luchimbichimbi kwa Ambuje Akunnungu ni kwa mwenye nombe najo.
21Pa lyuŵa lyaaŵili ŵampelechele Ambuje Akunnungu mbopesi jakutinisya, ng'ombe elufu moja ni ngondolo elufu moja pamo ni sadaka sya yakung'wa ni mbopesi syejinji kwaligongo lya Ŵaisilaeli wosepe. 22Nipele, pa lyuŵa lyo ŵalile ni kung'wa kwa sangalala jekulungwa paujo pa Ambuje Akunnungu.
Ŵankamwile umwenye che selemani mwanache jwa che Daudi, kaaŵili. Ŵanjitilile mauta aŵe mtawala kwa liina lya Ambuje Akunnungu ni che Sadoki aŵe jwambopesi. 23Pelepo che Selemani ŵatemi pa chitengu cha umwenye cha Ambuje Akunnungu, pamalo pa che Daudi atatigwe. Nombejo indu yaajendele yambone, ni ŵandu wose ŵa chilambo cha ku Isilaeli ŵanjitichisye. 24Ilongola wose, ni ŵangondo ŵangajogopa ngondo, ni ŵanache ŵa che Daudi ŵaliŵisile paasi pa mwenye che Selemani. 25Ambuje Akunnungu ŵampele che Selemani lumbili lwambone paujo pa Ŵaisilaeli wose, ŵantesile aŵe jwakupikanika kupunda mwenye julijose juŵatawele Isilaeli che Selemani akanaŵe kutawala.
Kumbesi kwa utawala wa che Daudi
26Nipele che Daudi mwanache jwa che Yese, ŵaliji mwenye pa Isilaeli josepe. 27Ŵatawele Isilaeli kwa yaka alobaini, yaka saba ŵatawele kwele ku Hebuloni ko, ni yaka selasini na tatu ŵatawele kwele ku Yelusalemu ko. 28Ŵawile ali achekulwipe kwannope, ali ni yaka yejinji, ni jwakusichila ni jwakuchimbichikwa. Nipele che Selemani mwanagwe ŵaliji mwenye pamalo pa atatigwe. 29Ngani sya mwenye che Daudi kutandilila kuundanda mpaka kuumbesi, silembekwe mu itabu ya ŵakulondola ŵatatu ŵa, che Samweli ni che Natani ni che Gadi. 30Itabu yo ikusala nkati indu yose ya utawala wakwe ni ukombole wakwe ni indu iyaasimene che Daudi wo, ni Ŵaisilaeli ni mwenye syosepe mu chilambo.
Одоогоор Сонгогдсон:
1 Indu ya katema 29: YBV
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Yao New Testament © The Word for the World Southern Africa and Pioneer Bible Translators, 2018.
1 Indu ya katema 29
29
Yakupeleka kwaligongo lya kutaŵila Nyuumba ja Akunnungu
1Pelepo mwenye che Daudi ŵausalile mpingo wose kuti, “Mwanangu che Selemani jwasagulikwe ni Akunnungu, ali jwanchanda jwannondi, ni jwangasyoŵelela nkati kutaŵa nyuumba, ni masengo ga gali gamakulungwa. Nyuumba jitajitaŵe nganijiŵa ja mundu, nambo jili ja Ambuje Akunnungu. 2Nipele limbene indite kukombola kujiŵichila Nyuumba ja Akunnungu ŵangu mbiiko ja sahabu jakolochesya indu ya sahabu, ni feza jakolochesya indu ya feza, ni shaba jakolochesya indu ya shaba, ni chisyano chakolochesya indu ya chisyano, ni itela yakolochesya indu ya itela. Iyoyo peyo misile maganga ga ndalama gagakuŵilanjikwa shohamu kwaligongo lya kugumbalichi mu ikodobwa, ni alumasi ni maganga ga langi jakupisyangana, ni maganga ga ndalama ga uŵele wakupisyangana ni malumalu, yanayose yi yejinji kwannope. 3Sooni, konjechesya pa indu yosepe inapeleche ku Nyuumba ja Ambuje Akunnungu, ngwete sooni chipanje chele chachili changuchangupe cha sahabu ni feza, ni pakuŵapo ngujinonyela Nyuumba ja Akunnungu ŵangu, nguchityosya kwaligongo lya Nyuumba ja Akunnungu ŵangu. 4Tani elufu tatu sya sahabu kutyochela ku Ofili, tani mia mbili alobaini sya feza jesalele jakuunichila likumba lya nyuumba, 5ni kwaligongo lya kolochesya yoombo yakupisyangana ichikolosekwe ni mafundi ni makono. Ng'osile sahabu kwaligongo lya yoombo ya sahabu ni feza kwaligongo lya yoombo ya feza. Ana ŵani ŵachampelechele Ambuje Akunnungu kwakusaka kwakwe kuti alityosye lelo jino kwa Ambuje Akunnungu?”
6Pelepo achakulu ŵa mitundu, ilongola ŵa ngosyo sya ku Isilaeli, ilongola ŵa mipingo ja ŵangondo elufu moja ni mipingo ja ŵangondo mia moja, nombe ŵakamusi ŵakwimilila masengo ga mwenye ŵatyosisye kwakusaka kwawo achinsyene, 7kwaligongo lya masengo ga nyuumba ja Akunnungu. Indu iyatyosile yaliji, tani mia moja na sabini sya sahabu ni tani mia tatu na alobaini sya feza ni tani mia sita na ishilini sya shaba ni tani elufu tatu na mia nne sya chisyano. 8Aŵala ŵaŵakwete maganga ga ndalama ŵagatyosisye gaŵichikwe mu mbiko ja Nyuumba ja Akunnungu, kwa kwimililwa ni che Yehieli, jwauŵelesi wa che Gelishoni. 9Pelepo ŵandu wo ŵasangalele ligongo atyosisye kwakusaka kwawo achinsyene, pakuŵapo kwa ntima wao wose ŵatyosisye kwa Ambuje Akunnungu usache wao achisnyene, nombe mwenye che Daudi ŵasangalele kwannope.
Che Daudi akwalapa Akunnungu
10Pelepo che Daudi ŵaakusisye Ambuje Akunnungu paujo pa nsongangano wose, achitiji, “Nlapikwe moŵa gose pangali mbesi ni moŵa gose pangali mbesi, Alakwe Ambuje Akunnungu, Akunnungu ŵa atati ŵetu Isilaeli. 11Alakwe Ambuje Akunnungu mmwe nli ŵakulu, ni nkwete machili, nli ŵalumbili, nli ŵakupunda ni nli mwenye, pakuŵa yose yaili kwinani ni pachilambo ili yenu. Alakwe Ambuje Akunnungu, umwenye uli wenu, nomwe nkuchimbichikwa, nli ŵakulu pa indu yosepe. 12Kusichila ni luchimbichimbi ikutyochela kukwenu, nomwe nkutawala pa indu yose, mmakono mwenu nkwete ukombole ni machili, nomwe nkwakusya unkwanonyela, ni kwalimbisya ŵanawose. 13Sambano Alakwe Ambuje Akunnungu ŵetu, tukuntogolela ni kulilapa liina lyenu lyekulu.”
14“Nambo uneji nduni, ni ŵandu ŵangu ali ŵani, namose tukombole kumpa chindu? Pakuŵapo indu yosepe ikutyochela kukwenu, tumpele yaili yenu mmwe mwasyene. 15Uweji tuli achalendo paujo penu, ni ŵakwendajenda mpela iŵaliji achambuje ŵetu wose. Moŵa getu pachilambo gali mpela mbwilili waukupita, ni ngatukombola kuchitila chiwa. 16Alakwe Ambuje Akunnungu, Akunnungu ŵetu, tusongangenye ipanje yose yi kuti tuntaŵile nyuumba kwa kulichimbichisya liina lyenu lyeswela, nambo yose yi ityosile kukwenu, nombe yose yo ili yenu. 17Ngwimanyilila, Akunnungu ŵangu, kuti mmwejo nkuulinga ntima, nomwe nkunonyelwa ni ntima wakulungamika. Indu yose yi ndyosisye kwa kusaka kwangu ni kwa ntima wagoloka. Ni uneji naiweni kwa kusangalala, ŵandu ŵenu ŵaali apano yatiteje kuntyochesya kwa kusaka kwawo achinsyene. 18Alakwe Ambuje Akunnungu, Akunnungu ŵa che Ibulahimu, ni che Isaka ni che Yakobo, achambuje ŵetu, mmiche lungwanu lu mmitima mwa ŵandu ŵenu moŵa gose ni njitende mitima jao jiŵeje ni chikulupilichiko kukwenu. 19Mwatende che Selemani mwanangu akombole kugajitichisya makanyo ni malajisyo ni mashalaiti genu ni kutenda kila chindu kuti ataŵe Nyuumba jenu jele jinajiŵichile mbiko.”
20Nipele, mwenye che Daudi ŵasalile ŵandu wose ŵaŵasongangene kuti, “Mwalape Ambuje Akunnungu, Akunnungu ŵenu.” Ni ŵanawose ŵaŵasongangene ŵaakusisye Ambuje Akunnungu, Akunnungu ŵa achambuje ŵao, ŵatindiŵele ni kukotama mpaka paasi ni kupele luchimbichimbi kwa Ambuje Akunnungu ni kwa mwenye nombe najo.
21Pa lyuŵa lyaaŵili ŵampelechele Ambuje Akunnungu mbopesi jakutinisya, ng'ombe elufu moja ni ngondolo elufu moja pamo ni sadaka sya yakung'wa ni mbopesi syejinji kwaligongo lya Ŵaisilaeli wosepe. 22Nipele, pa lyuŵa lyo ŵalile ni kung'wa kwa sangalala jekulungwa paujo pa Ambuje Akunnungu.
Ŵankamwile umwenye che selemani mwanache jwa che Daudi, kaaŵili. Ŵanjitilile mauta aŵe mtawala kwa liina lya Ambuje Akunnungu ni che Sadoki aŵe jwambopesi. 23Pelepo che Selemani ŵatemi pa chitengu cha umwenye cha Ambuje Akunnungu, pamalo pa che Daudi atatigwe. Nombejo indu yaajendele yambone, ni ŵandu wose ŵa chilambo cha ku Isilaeli ŵanjitichisye. 24Ilongola wose, ni ŵangondo ŵangajogopa ngondo, ni ŵanache ŵa che Daudi ŵaliŵisile paasi pa mwenye che Selemani. 25Ambuje Akunnungu ŵampele che Selemani lumbili lwambone paujo pa Ŵaisilaeli wose, ŵantesile aŵe jwakupikanika kupunda mwenye julijose juŵatawele Isilaeli che Selemani akanaŵe kutawala.
Kumbesi kwa utawala wa che Daudi
26Nipele che Daudi mwanache jwa che Yese, ŵaliji mwenye pa Isilaeli josepe. 27Ŵatawele Isilaeli kwa yaka alobaini, yaka saba ŵatawele kwele ku Hebuloni ko, ni yaka selasini na tatu ŵatawele kwele ku Yelusalemu ko. 28Ŵawile ali achekulwipe kwannope, ali ni yaka yejinji, ni jwakusichila ni jwakuchimbichikwa. Nipele che Selemani mwanagwe ŵaliji mwenye pamalo pa atatigwe. 29Ngani sya mwenye che Daudi kutandilila kuundanda mpaka kuumbesi, silembekwe mu itabu ya ŵakulondola ŵatatu ŵa, che Samweli ni che Natani ni che Gadi. 30Itabu yo ikusala nkati indu yose ya utawala wakwe ni ukombole wakwe ni indu iyaasimene che Daudi wo, ni Ŵaisilaeli ni mwenye syosepe mu chilambo.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Yao New Testament © The Word for the World Southern Africa and Pioneer Bible Translators, 2018.