Make 3
3
Niwakwakan na ni Yeso o meykazakazain so lima tao
(Matay 12:9-14; Locya 6:6-11)
1Somdep do peyneynozyan si Yeso am amyan dang so asa ka tao a meykazakazain so lima. 2Tatasa ka tao o amnakenakem so kapeykala da so karatan ni Yeso a iraherahet da sya. Am ori o niyan da do katangked na tomita so vazay na do kaskad da ji Yeso a mangiwakwak so tao do ipeywalam no tao. 3Maniring si Yeso do meykazakazain so lima tao am, “Sijya do tangain ko.” 4Makarahan am pacicin na sira o tomangay sya tao. Maniring am, “Ikongo o yata ahahapan sya do ipeywalam no tao. Manngwa, apyapya o kapanidong so tao an? No apyapya o kaji mamyayan so tao. Avyain sira an? No wakwaken sira.” Mamizing da no aro a tao am abo meyzezyak. 5Marahet o matamata na ni Yeso a tomita so aro a tao. Am ikeyngen na sira no onowned. Ta akman sira so veysen so onowned so kacigcigzang. Maniring rana si Yeso do meykazakazain so lima tao am, “Zanet pala o lima mo.” Zaneten na am todapya rana. 6Makowbot sira o tao a macyagom do Vadisay do peyneynozyan am meysirisiring rana sira kano Helotyan a tao do civtan da ji Yeso.
Aro a tao a komala si Yeso
7Karwan na rana do dang ni Yeso a kano macinanao jya a mangay do rako a meybebneng a ranom a meyngaran so Cyadidi. Macita da sira no aro a tao am macihza sira. Sira rana am apo sira do Cyadidi a kado Yotay, 8a kado Yelosaleng a kado Itomiya kado katovangan no ayo a meyngaran so Yotan a kano meyvahay do Tayar a kado Siton a ili. O yai da no aro a tao a omrapong si Yeso am mamizing da abo so jya peyvazay. 9Ikongo do tey yaro sira o tao, am ori o nipancyan na no macinanao jya meykala so vazangay, ta ihawa na o aro a tao somlin sya. 10Ikongo do tey yaro o tao a niwakwakan na, am ori o ikatey yaro no meyngen a tao a mai do tangain na a mangay minan jya. 11Macita da si Yeso no kovotan no kalamsoyan ni Satan a tao am meylilitod sira do tangain na kalololos da manci no, “Imo rana am Anak na imo no Tao do to.” 12Am ioya na sira ni Yeso a mapatwaw so kanoyong na Anak ni Ama ta do to.
Mamnek si Yeso so rarwa so ikakarwan (12) a amlivolivon no ciriciring na
(Matay 10:1-4; Locya 6:12-16)
13Mangay do asa ka tokon si Yeso am lovoten na sira o nipamnekan na tao do tangain na. So nikamimin da amrapong sya. 14Pamnekan na sira o rarwa so ikakarwan na (12) am abneken na sira amlivolivon no ciriciring na. Maniring jira si Yeso am, “Ko inyo nipamnekan a macikaop jyaken. So ko tovoyan jinyo a meylimwang no ciriciring ko. 15So iyan na rana no oyowyat nyo a mamozwaw so kalamsoyan na ni Satan.” 16Sira rana nipamnekan ni Yeso am si Simong. O nitoro na ni Yeso a ngaran na am si Pite, 17a kano anak ni Sipitay a meyngaran so Yake a kani wari na meyngaran si Yowani. O ingaran na jira ni Yeso am Panici. O peypeypangayan na am akman so adey, 18a kani Antele a kani Veydipo a kani Patolomaw a kani Matay a kani Tomase a kani Yake a anak ni Alevey a kani Tatay a kani Simong a macikagom do macioya do Loma a tao, 19a kano tao do Isecyadi a meyngaran so Yota a nimanazang ni Yeso.
Yeso a kani Peysepo
(Matay 12:22-32; Locya 11:14-23; 12:10)
20Makaranes do vahay da si Yeso am mangay pa malovot o aro a tao do tangain na. Am ori o ji da rana makakakani ni Yeso a kano macinanao jya do kasanga da nira. 21Mamizing da o akman sang a vazay no inyapwan na kada wari na am naknakmen da o kangay da nya do vahay da. Ta mamizing da o ciring no tao a manci nya zomyak.
22Maniring sira o apo do Yelosaleng a mangnanao no iwawalam ni Ama ta do to a tao am, “Beken a yana kovotan ya ni Satan a meyngaran so Peysepo? Am ori o yana to makavozwawi so kalamsoyan na ni Satan?” 23Makarahan am lovoten na sira ni Yeso o aro a tao do tangain na kapanci na nya jira so asa ka pehngehngayan na so ciring na a inanao na sira. Maniring jira am, “Jyabo kapamozwaw ni Satan so kalamsoyan na. 24No maciraherahet sira so panyokodan o asa ka mahataw am jyabo kapya da. 25No maciraherahet sira o asa ka vahay so nakem am mangay kapeyvwak da asa ka vahay. 26No si manoyong si Satan a masiraherahet so panyokodan am mangay kasakeb da. 27Abo tao a tondep a mangay tomakaw so apzapzatan na no makapya meykalokal a tao. No si myan saon so makavaod so meykalokal a tao am ori saon o ipakatakaw na so apzapzatan na am.
28“To ko na macitangayan jinyo am o makakaday a raraten a kano marahet a ciriciring no tao am todamimin pa ori a mavonas. 29Am o omraherahet so Seyzi na ni Ama ta do to am to rana meyyonong a akman sang a jyavonas. Ta o akman rana sang a raraten no tao am to rana meyyonong o akman sang.” 30O pancyan na no akman sang a ciring ni Yeso am amyan so tao a manci no kakovot da jya no kalamsoyan ni Satan.
Ina na ni Yeso a kada wari na
(Matay 12:46-50; Locya 8:19-21)
31Makarahan am mai sira o ina na kada wari na a meytatanek do pantaw. Am ori o nipanara da so tao a manci nya ji Yeso so kanimai da a komala sya. 32Maniring sira ji Yeso o macitangked jya tao am, “Sira amyan do pantaw sira ina mo a kada wari mo a yakomala jimo.” 33Maniring si Yeso am, “Sino o ina ko a kada wari ko.” 34Maniring a tomita so amlisna do siri na tao am, “Citahey kamo, ta sira rana ito am ina ko a kano kakakteh ko. 35Ta o mahap so vazay ni Ama ta do to a tao am abneken ko a kakteh ko a ina ko.”
Одоогоор Сонгогдсон:
Make 3: snt
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
The Bible Society in Taiwan
Make 3
3
Niwakwakan na ni Yeso o meykazakazain so lima tao
(Matay 12:9-14; Locya 6:6-11)
1Somdep do peyneynozyan si Yeso am amyan dang so asa ka tao a meykazakazain so lima. 2Tatasa ka tao o amnakenakem so kapeykala da so karatan ni Yeso a iraherahet da sya. Am ori o niyan da do katangked na tomita so vazay na do kaskad da ji Yeso a mangiwakwak so tao do ipeywalam no tao. 3Maniring si Yeso do meykazakazain so lima tao am, “Sijya do tangain ko.” 4Makarahan am pacicin na sira o tomangay sya tao. Maniring am, “Ikongo o yata ahahapan sya do ipeywalam no tao. Manngwa, apyapya o kapanidong so tao an? No apyapya o kaji mamyayan so tao. Avyain sira an? No wakwaken sira.” Mamizing da no aro a tao am abo meyzezyak. 5Marahet o matamata na ni Yeso a tomita so aro a tao. Am ikeyngen na sira no onowned. Ta akman sira so veysen so onowned so kacigcigzang. Maniring rana si Yeso do meykazakazain so lima tao am, “Zanet pala o lima mo.” Zaneten na am todapya rana. 6Makowbot sira o tao a macyagom do Vadisay do peyneynozyan am meysirisiring rana sira kano Helotyan a tao do civtan da ji Yeso.
Aro a tao a komala si Yeso
7Karwan na rana do dang ni Yeso a kano macinanao jya a mangay do rako a meybebneng a ranom a meyngaran so Cyadidi. Macita da sira no aro a tao am macihza sira. Sira rana am apo sira do Cyadidi a kado Yotay, 8a kado Yelosaleng a kado Itomiya kado katovangan no ayo a meyngaran so Yotan a kano meyvahay do Tayar a kado Siton a ili. O yai da no aro a tao a omrapong si Yeso am mamizing da abo so jya peyvazay. 9Ikongo do tey yaro sira o tao, am ori o nipancyan na no macinanao jya meykala so vazangay, ta ihawa na o aro a tao somlin sya. 10Ikongo do tey yaro o tao a niwakwakan na, am ori o ikatey yaro no meyngen a tao a mai do tangain na a mangay minan jya. 11Macita da si Yeso no kovotan no kalamsoyan ni Satan a tao am meylilitod sira do tangain na kalololos da manci no, “Imo rana am Anak na imo no Tao do to.” 12Am ioya na sira ni Yeso a mapatwaw so kanoyong na Anak ni Ama ta do to.
Mamnek si Yeso so rarwa so ikakarwan (12) a amlivolivon no ciriciring na
(Matay 10:1-4; Locya 6:12-16)
13Mangay do asa ka tokon si Yeso am lovoten na sira o nipamnekan na tao do tangain na. So nikamimin da amrapong sya. 14Pamnekan na sira o rarwa so ikakarwan na (12) am abneken na sira amlivolivon no ciriciring na. Maniring jira si Yeso am, “Ko inyo nipamnekan a macikaop jyaken. So ko tovoyan jinyo a meylimwang no ciriciring ko. 15So iyan na rana no oyowyat nyo a mamozwaw so kalamsoyan na ni Satan.” 16Sira rana nipamnekan ni Yeso am si Simong. O nitoro na ni Yeso a ngaran na am si Pite, 17a kano anak ni Sipitay a meyngaran so Yake a kani wari na meyngaran si Yowani. O ingaran na jira ni Yeso am Panici. O peypeypangayan na am akman so adey, 18a kani Antele a kani Veydipo a kani Patolomaw a kani Matay a kani Tomase a kani Yake a anak ni Alevey a kani Tatay a kani Simong a macikagom do macioya do Loma a tao, 19a kano tao do Isecyadi a meyngaran so Yota a nimanazang ni Yeso.
Yeso a kani Peysepo
(Matay 12:22-32; Locya 11:14-23; 12:10)
20Makaranes do vahay da si Yeso am mangay pa malovot o aro a tao do tangain na. Am ori o ji da rana makakakani ni Yeso a kano macinanao jya do kasanga da nira. 21Mamizing da o akman sang a vazay no inyapwan na kada wari na am naknakmen da o kangay da nya do vahay da. Ta mamizing da o ciring no tao a manci nya zomyak.
22Maniring sira o apo do Yelosaleng a mangnanao no iwawalam ni Ama ta do to a tao am, “Beken a yana kovotan ya ni Satan a meyngaran so Peysepo? Am ori o yana to makavozwawi so kalamsoyan na ni Satan?” 23Makarahan am lovoten na sira ni Yeso o aro a tao do tangain na kapanci na nya jira so asa ka pehngehngayan na so ciring na a inanao na sira. Maniring jira am, “Jyabo kapamozwaw ni Satan so kalamsoyan na. 24No maciraherahet sira so panyokodan o asa ka mahataw am jyabo kapya da. 25No maciraherahet sira o asa ka vahay so nakem am mangay kapeyvwak da asa ka vahay. 26No si manoyong si Satan a masiraherahet so panyokodan am mangay kasakeb da. 27Abo tao a tondep a mangay tomakaw so apzapzatan na no makapya meykalokal a tao. No si myan saon so makavaod so meykalokal a tao am ori saon o ipakatakaw na so apzapzatan na am.
28“To ko na macitangayan jinyo am o makakaday a raraten a kano marahet a ciriciring no tao am todamimin pa ori a mavonas. 29Am o omraherahet so Seyzi na ni Ama ta do to am to rana meyyonong a akman sang a jyavonas. Ta o akman rana sang a raraten no tao am to rana meyyonong o akman sang.” 30O pancyan na no akman sang a ciring ni Yeso am amyan so tao a manci no kakovot da jya no kalamsoyan ni Satan.
Ina na ni Yeso a kada wari na
(Matay 12:46-50; Locya 8:19-21)
31Makarahan am mai sira o ina na kada wari na a meytatanek do pantaw. Am ori o nipanara da so tao a manci nya ji Yeso so kanimai da a komala sya. 32Maniring sira ji Yeso o macitangked jya tao am, “Sira amyan do pantaw sira ina mo a kada wari mo a yakomala jimo.” 33Maniring si Yeso am, “Sino o ina ko a kada wari ko.” 34Maniring a tomita so amlisna do siri na tao am, “Citahey kamo, ta sira rana ito am ina ko a kano kakakteh ko. 35Ta o mahap so vazay ni Ama ta do to a tao am abneken ko a kakteh ko a ina ko.”
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
The Bible Society in Taiwan