मर्कूस 16
16
येशू सीइदेबे सोम्बो क्यूत्दे लङ्रब
मत्ती २८:१-८; लूका २४:१-१२; यूहन्ना २०:१-१०
1आराम चेब दिन जङ्ग-ङ्येदे मरियम मग्दलिनी, याकूबजे म मरियम मेस्ये सलोमीदे येशूजे ङ्वने छेल्मेने बस् रब मूर्गू कीन्दे। 2सतजे पात्ता खूम्ब दिनजे नप्दे मीया प्ल्यारब थमयू येशूजे तूर्सने प्रने योङ्गीदे। 3होर्दे लम्ने प्रेनूब थमयूदे त्यादेत्याने यदे, “तूर्सजे ल चेयेब लूङ् ङीनने सूदे ल्वामे स्व?”
4होर्दे तो तूर्स तेले थमयूदे लेप्प हम्ब लूङ् केन् तरने ल्वायेब तङ्दे। 5थमयू तूर्स नङ्ने गीलीदेबे लेप्प हैयाने कोला कर् ह्वेत्देबे स्योर्ब त्या तूर्स नङ्ने स्येत्तेयोर्दे टूनब तङ्दे, हम्ब तङ्देबे थमयू सोरो हार्मन्दीदे।
6तर हम्ब स्योर्बदे थमयूने यदे, “हार्मन्दे अम्पर्दी, नमयू क्रूसने खील् ठोक्दीदेबे सेक्कब नासरतजे येशूने मेल्नऔ। ङू यैयाने त्वो, ङू सोम्बो क्यूत्देबे लङ्ये ख्यङ्। ले, ङू हीदेब ने अने ख्यङ्। 7#मत्ती 26:32; मर्कूस 14:28प्र, ङूजे स्यूस्स्यायू मेस्ये पत्रुसनेये यब, येशू नमयूजे खूम्खूम् गालीलने गीले ख्यङ्। ङूदे नमयूने य प्रने नमयूदे ङूने हैयाने तङ्क्य।”
8थमयू तूर्सदे योङ्देबे छ्योङ्गीदे, चेनेयलो फदे मेस्ये हार्मन्दीदेबे थमयू फ्रीक्न ख्य। होर्दे थमयूदे सूनेये चैत्याये अन्-य, चेनेयलो थमयू फ ख्य।
प्रभु येशूदे स्यूस्स्यायूने दर्शन पीनब
मत्ती २८:९-२०; लूका २४:१३-५३; यूहन्ना २०:११-२३; मूल स्यूस्स्यायूजे कामजे किताब १:४-११
9[येशू सतजे पात्ता खूम् दिनजे नप्देने ङू सोम्बो क्यूत्देबे लङ्र ङ्येदे, पात्ता खूम् मरियम मग्दलिनी ट्याने तङ्रदे, खूम् मरियम मग्दलिनीजे ङ्वदे छेत् ङ्यी येशूदे फीने योम्बे ख्य। 10मरियम गीलीदेबे येशूजे स्यूस्स्यायूने ङू सोम्बो क्यूत्देबे लङ्रब पो स्योत्दे। हन्छ्वाब थमयू अन्सूग्देबे ङून ख्य। 11तर कन्छ्वाब येशू सोम्बो क्यूत्दे मेस्ये मरियम ट्याने तङ्रदे यब पो स्यूस्स्यायूदे तदे, हन्छ्वाब थमयूदे अम्पत्ती।
12होर्देङ्येदे ङूजे स्यूस्स्यायू ङ्ही त तेले प्रेनूब थमयू ट्याने येशू सूजो रूप्ने तङ्रदे। 13होर्दे थमयू ल्वायीदेबे सूजो स्यूस्स्यायूने स्योत्दे। तर स्यूस्स्यायूदे थमयूजे पोनेये विश्वास अन्ची।
14होर्देङ्येदे येशू एघार जना स्यूस्स्यायू चसे चेनूब तङ्रदे। होर्दे थमयूजे सेम् विश्वास अन्चेब, सोरो सेम् कोङ तङ्देबे येशूदे थमयूने फ्राचीदे। चेनेयलो ङू सीइदे फेरि सोम्बो क्यूत्देबे लङ्र ङ्येदे ङूने तङब मीयूजे पो थमयूदे विश्वास अन्ची।
15 #
मूल स्यूस्स्यायूजे कामजे किताब 1:8
होर्दे ङूदे थमयूने यदे, “नमयू का-मुलुक संसारने प्रदेबे मीयू क्वानेने सूगब खबर स्य्वे। 16येशूने विश्वास चीत्देबे बप्तिस्मा कीनब मीदे मुक्ति प्रेक्क्य। तर सूदे ङूने विश्वास अन्ची ङू दोषी क्यूक्क्य। 17विश्वास चेब मीयूप्रे येर च्यूनूयू क्यूक्क्य: थमयूदे ङैजे मीन्ने छेत्यू मीजे ङ्वदे योन्क्य। थमयूदे नोङ्ल्या केयूने क्यम्क्य। 18थमयूदे र्वेयू चूङ्गली होर्दे तूक् थूङ्कली थमयूने अम्पेर्ती। थमयूदे नवयू फ्याने ला येक्क्य मेस्ये तम् क्यूप्पीय।”
19 #
मूल स्यूस्स्यायूजे कामजे किताब 1:9-11
प्रभु येशू स्यूस्स्यायूप्रे बात्से जेनङ्येदे ङू स्वर्गने कूदीदे मेस्ये परमेश्वरजे स्येत्तेयोर्दे टून ख्यङ्। 20होर्दे येशूजे स्यूस्स्यायूदे का-मुलुकने गीलीदेबे सूगब खबर स्योत्दे। प्रभु थमयूप्रे क्यूत्देबे काम चीत्दे, होर्दे सोरो हार्मन्देब कामयू चीत्देबे ङूजे वचन तम्दम्ने ख्यङ् यब पोजे गवाहीयू पीन्दे।]#16:20: मीयूङ्जे कोइ कोइ पाण्डूलिपीयूने अम्ब पदयू अन्लीख्दीये ख्यङ्।
Одоогоор Сонгогдсон:
मर्कूस 16: सर् कबुल
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ghale New Testament © Nepal Bible Society, 2011.
मर्कूस 16
16
येशू सीइदेबे सोम्बो क्यूत्दे लङ्रब
मत्ती २८:१-८; लूका २४:१-१२; यूहन्ना २०:१-१०
1आराम चेब दिन जङ्ग-ङ्येदे मरियम मग्दलिनी, याकूबजे म मरियम मेस्ये सलोमीदे येशूजे ङ्वने छेल्मेने बस् रब मूर्गू कीन्दे। 2सतजे पात्ता खूम्ब दिनजे नप्दे मीया प्ल्यारब थमयू येशूजे तूर्सने प्रने योङ्गीदे। 3होर्दे लम्ने प्रेनूब थमयूदे त्यादेत्याने यदे, “तूर्सजे ल चेयेब लूङ् ङीनने सूदे ल्वामे स्व?”
4होर्दे तो तूर्स तेले थमयूदे लेप्प हम्ब लूङ् केन् तरने ल्वायेब तङ्दे। 5थमयू तूर्स नङ्ने गीलीदेबे लेप्प हैयाने कोला कर् ह्वेत्देबे स्योर्ब त्या तूर्स नङ्ने स्येत्तेयोर्दे टूनब तङ्दे, हम्ब तङ्देबे थमयू सोरो हार्मन्दीदे।
6तर हम्ब स्योर्बदे थमयूने यदे, “हार्मन्दे अम्पर्दी, नमयू क्रूसने खील् ठोक्दीदेबे सेक्कब नासरतजे येशूने मेल्नऔ। ङू यैयाने त्वो, ङू सोम्बो क्यूत्देबे लङ्ये ख्यङ्। ले, ङू हीदेब ने अने ख्यङ्। 7#मत्ती 26:32; मर्कूस 14:28प्र, ङूजे स्यूस्स्यायू मेस्ये पत्रुसनेये यब, येशू नमयूजे खूम्खूम् गालीलने गीले ख्यङ्। ङूदे नमयूने य प्रने नमयूदे ङूने हैयाने तङ्क्य।”
8थमयू तूर्सदे योङ्देबे छ्योङ्गीदे, चेनेयलो फदे मेस्ये हार्मन्दीदेबे थमयू फ्रीक्न ख्य। होर्दे थमयूदे सूनेये चैत्याये अन्-य, चेनेयलो थमयू फ ख्य।
प्रभु येशूदे स्यूस्स्यायूने दर्शन पीनब
मत्ती २८:९-२०; लूका २४:१३-५३; यूहन्ना २०:११-२३; मूल स्यूस्स्यायूजे कामजे किताब १:४-११
9[येशू सतजे पात्ता खूम् दिनजे नप्देने ङू सोम्बो क्यूत्देबे लङ्र ङ्येदे, पात्ता खूम् मरियम मग्दलिनी ट्याने तङ्रदे, खूम् मरियम मग्दलिनीजे ङ्वदे छेत् ङ्यी येशूदे फीने योम्बे ख्य। 10मरियम गीलीदेबे येशूजे स्यूस्स्यायूने ङू सोम्बो क्यूत्देबे लङ्रब पो स्योत्दे। हन्छ्वाब थमयू अन्सूग्देबे ङून ख्य। 11तर कन्छ्वाब येशू सोम्बो क्यूत्दे मेस्ये मरियम ट्याने तङ्रदे यब पो स्यूस्स्यायूदे तदे, हन्छ्वाब थमयूदे अम्पत्ती।
12होर्देङ्येदे ङूजे स्यूस्स्यायू ङ्ही त तेले प्रेनूब थमयू ट्याने येशू सूजो रूप्ने तङ्रदे। 13होर्दे थमयू ल्वायीदेबे सूजो स्यूस्स्यायूने स्योत्दे। तर स्यूस्स्यायूदे थमयूजे पोनेये विश्वास अन्ची।
14होर्देङ्येदे येशू एघार जना स्यूस्स्यायू चसे चेनूब तङ्रदे। होर्दे थमयूजे सेम् विश्वास अन्चेब, सोरो सेम् कोङ तङ्देबे येशूदे थमयूने फ्राचीदे। चेनेयलो ङू सीइदे फेरि सोम्बो क्यूत्देबे लङ्र ङ्येदे ङूने तङब मीयूजे पो थमयूदे विश्वास अन्ची।
15 #
मूल स्यूस्स्यायूजे कामजे किताब 1:8
होर्दे ङूदे थमयूने यदे, “नमयू का-मुलुक संसारने प्रदेबे मीयू क्वानेने सूगब खबर स्य्वे। 16येशूने विश्वास चीत्देबे बप्तिस्मा कीनब मीदे मुक्ति प्रेक्क्य। तर सूदे ङूने विश्वास अन्ची ङू दोषी क्यूक्क्य। 17विश्वास चेब मीयूप्रे येर च्यूनूयू क्यूक्क्य: थमयूदे ङैजे मीन्ने छेत्यू मीजे ङ्वदे योन्क्य। थमयूदे नोङ्ल्या केयूने क्यम्क्य। 18थमयूदे र्वेयू चूङ्गली होर्दे तूक् थूङ्कली थमयूने अम्पेर्ती। थमयूदे नवयू फ्याने ला येक्क्य मेस्ये तम् क्यूप्पीय।”
19 #
मूल स्यूस्स्यायूजे कामजे किताब 1:9-11
प्रभु येशू स्यूस्स्यायूप्रे बात्से जेनङ्येदे ङू स्वर्गने कूदीदे मेस्ये परमेश्वरजे स्येत्तेयोर्दे टून ख्यङ्। 20होर्दे येशूजे स्यूस्स्यायूदे का-मुलुकने गीलीदेबे सूगब खबर स्योत्दे। प्रभु थमयूप्रे क्यूत्देबे काम चीत्दे, होर्दे सोरो हार्मन्देब कामयू चीत्देबे ङूजे वचन तम्दम्ने ख्यङ् यब पोजे गवाहीयू पीन्दे।]#16:20: मीयूङ्जे कोइ कोइ पाण्डूलिपीयूने अम्ब पदयू अन्लीख्दीये ख्यङ्।
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ghale New Testament © Nepal Bible Society, 2011.