Иов 7
7
Иов: Зовлон минь дуусашгүй
1Газар дэлхий дээр хүн
хүнд үүрэгт хүчлэгдэж,
Өдрүүд нь ч хөлсний хүний өдрүүд шиг бус уу?
2Сүүдрийг хүсэмжлэх боол мэт
Хөлсөө хүлээдэг хөлсний хүн мэт
3Тиймээс хуурмаг хоосон сарууд надад ногдож
Зовлонт шөнүүд надад ногджээ.
4“Хэзээ сэрж босох бол?” гэж
Хэвтэхдээ би бодовч
Урт шөнийн туршид
Үүр цайтал би эргэж хөрвөнө.
5Бие махбод минь өт ба тоосоор хучигдаад
Арьс минь эвэршиж хагарнам.
6Миний өдрүүд нэхмэлчний зүүнээс ч хурдан өнгөрч,
Найдваргүйгээр төгсгөлдөө ойртоно.
7Амьдрал минь нэгэн амьсгал гэдгийг санаач.
Нүд минь дахин сайныг үзэхгүй.
8Намайг харсан нүдэнд би өртөхгүй.
Над дээр Та хараагаа тогтооход
Би нэгэнт одно.
9Замхран оддог үүл адил
Үхэгсдийн орон уруу явагсад тэндээсээ гардаггүй.
10Тэд гэр орондоо дахин эргэж ирэхгүй бөгөөд
Тэдний оромж нь ч тэднийг мэдэхгүй болно.
11Иймээс би амаа хамхихгүй.
Сүнснийхээ шаналалд би ярьж,
Сэтгэлийнхээ уй гашуу дотор би гомдоллох болно.
12Танаар мануулдаг тэнгис
эсвэл тэнгисийн луу#7:12 тэнгисийн луу: Ийм амьтдыг хохирол учруулуузай хэмээн манаж байдаг гэж эртний нэгэн хүүрнэлд гардаг. юм уу, би?
13Хэрэв би
“Ор минь намайг тайвшруулна,
Хэвтэр минь миний гомдлолыг тайлах болно” гэсэн ч
14Та зүүдүүдээр намайг мохоож,
Үзэгдлүүдээр намайг сүрдүүлдэг.
15Иймд энэ биеэс илүүгээр
Боомилогдол, үхлийг илүүд үздэг.
16Би өнгөрөн одож байна.
Би мөнх амьдрахгүй.
Миний өдрүүд амьсгал учир
Ганцааранг минь орхиоч.
17Хүн гэгч нь юу болоод
Та тэдэнд ихийг хийж
Та тэдэнд санаа тавина вэ?#Дуу 8:4, 144:3
18Та өглөө бүр юунд түүнийг шалгаж,
Агшин бүрд түүнийг сорино вэ?
19Хоромхон зуур надаас Та
Харцаа салгахгүй юм уу?
Шүлсээ залгих төдийхөнд
Ганцааранг минь орхихгүй юм уу?
20Хэрэв би нүгэл үйлдсэн бол
Юуг Танд би үйлдээ вэ?
хүмүүний Харгалзагч аа!
Юунд Та намайг Өөрийнхөө бай болгоо вэ?
Яагаад би Танд дарамт болоо вэ?
21Юунд гэмт үйлдлийг минь эс өршөөж,
Хилэнцийг минь эс зайлуулна вэ?
Одоо би шороонд хэвтэх болно.
Та намайг хайвч би байхгүй байна гэв.
Одоогоор Сонгогдсон:
Иов 7: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.