Иов 14
14
1Эмэгтэйгээс төрдөг хүн гэгчийн
Өдрүүд цөөн, үймээн бэрхшээлээр дүүрэн
2Соёолоод хатаж хорчийдог цэцэг мэт
Үлдэж хоцордоггүй сүүдэр мэт.
3Та ийм нэгэн дээр мэлмийгээ тогтоох уу?
Та намайг шүүлт уруу хамт авч явах уу?
4Хэн бузраас цэврийг бий болгож чадах вэ?
Хэн ч үгүй.
5Түүний өдрүүд тодорхой,
Саруудынх нь тоог ч Та мэддэг,
Та түүнд давж үл чадах
хязгааруудыг тогтоосон.
6Та түүнийг амраахаар
Харцаа түүнээс эргүүлээч.#14:6 Нэг еврей гар бичмэлд тэднийг орхиоч
Хөлсний хүн мэт өдрүүдээ тэр гүйцээг.#14:6 эсвэл хэрэв тэд чадвал, хүнд амьдралдаа хөгжин цэнгэхийг нь тэдэнд зөвшөөрөөч
7Огтлоход дахин соёолж,
Нахианууд нь устахгүй байх найдвар модонд бий.
8Хэдийгээр түүний үндсүүд газар доор хөгширч,
Хожуул нь хуурай хөрсөнд үхдэг ч,
9Чийг мэдрэгдэх төдийд л тэрээр сайн ургаж,
Ургамал мэт мөчирлөдөг.
10Харин хүн гэгч нь үхэж, унаад өгнө.
Тэрээр дуусна,
Тэгээд хаана байдаг вэ?
11Нуураас ус татарч
Гол мөрөн хатаж ширгэдэг шиг
12Нуран унаад хүн гэгч дахин эс босно.
Тэнгэрс үгүй болох хүртэл тэрээр босохгүй,
Нойрноосоо ч сэрэхгүй.
13Өө, Та намайг
Үхэгсдийн оронд нуудаг ч болоосой,
Уур хилэнгээ өнгөртөл
Та намайг хадгалаад,
Та надад цаг товлон өгөөд,
Намайг санаасай!
14Хэрэв хүн үхвэл дахин тэрээр амилах уу?
Зүтгэлийнхээ бүх өдөрт
Халаа минь ирэх хүртэл би хүлээнэ.
15Та дуудах бөгөөд
Танд би хариулна.
Та мутрынхаа бүтээл уруу тэмүүлэх болно.
16Одоо Та алхам бүрийг минь эс тоолж
Та нүглийг минь үл харна.
17Гэмт үйлдлүүд минь
шуудай дотор лацдуулж,
Хилэнцийг минь Та халхлаасай.
18Гэвч уул ч хүртэл нурж эвдэрдэг.
Хад чулуу ч байрнаасаа ховхордог.
19Чулуунуудыг ус элээж,
Урсгалууд нь газрын шороог угаадаг.
Ийнхүү Та хүний найдварыг тасалдаг.
20Та түүнийг үргэлж дийлж
тэр ч халин оддог.
Дүр төрхийг нь Та өөрчилж,
түүнийг хол илгээдэг билээ.
21Хөвгүүд нь нэр хүндтэй болсон ч
тэр үл мэднэ,
Тэд нь өчүүхэн дорд болсон ч
тэр эс анзаарна.
22Зөвхөн биеийнхээ хөндүүрлэлийг л тэр мэдэрч
Зөвхөн өөрийнхөө л төлөө тэр гашууддаг гэв.
Одоогоор Сонгогдсон:
Иов 14: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.