Ma‸htehˍ li‸ 9-ын алдартай Библийн эшлэлүүд

Хуваалцах

Oˇ htaˇ, yawˇ ve awˬ la‸ gʼawˇ hui hta‸ yawˇ kʼoˆ piˇ ve, Caˬ gʼeu‸ tuˬ cawˬ maˇ jaˇ ve ka‸, gʼeu‸ shehˍ hpaˇ hui a ciˉ ceh tiˉ cawˬ ve yoˬ. Hkʼe te leh, yawˇ ve caˬ gʼeu‸ kuiˬ lo caˬ gʼeu‸ shehˍ hpaˇ hui hta‸ peu laˇ tuˬ, Awˬ shehˍ hpaˇ hta‸ bon lawˬ-o‸ teh‸ kʼoˆ ve yoˬ.

Ngaˬ lehˬ tanˇ tuˬ teˇ ceuˬ hta‸ heuˆ gaˇ ve maˇ heˆ, ha kʼaˉ ve teˇ ceuˬ hta‸ heuˆ gaˇ ve yoˬ teh‸ kʼoˆ ve tawˇ hkawˇ hta‸ nawˬ hui shiˍ tuˬ ca henˇ-oˆ. Awˬ lawn kʼo, hteˇ ve cawˇ ve chaw hui hta‸ kuˬ yuˬ tuˬ ngaˬ laˬ ve maˇ heˆ. Venˇbaˆ yaˇ hui hta‸ kuˬ yuˬ tuˬ ngaˬ laˬ ve yoˬ teh‸ kʼoˆ piˇ ve yoˬ.

Chaw awˬ moˍ lonˉ teˇ hpaˍ hta‸ gʼa mawˬ htaˇ, yawˇ yawˇ hui hta‸ ha kʼaˉ ve yoˬ. Awˬ lawn kʼo, yawˇ hui lehˬ yawˬ hawˉ paˍ maˇ cawˬ ve yawˬ hkʼe nyi ma sho‸ sha‸ jaˇ leh awˬ gʼaˇ nuˇ jaˇ chehˇ ve yoˬ.

Tawˇ oˇ ve hta‸ Yeˍsuˆ gʼa kaˇ htaˇ yawˇ kʼaw‸ kʼoˆ piˇ ve, Chehˇ sha ve chaw hui naˆ tsuhˇ shehˍ hpaˇ hta‸ maˇ loˍ. Naˬ ve chaw hui ceh tiˉ loˍ ve yoˬ.

Oˇ htaˇ, venˇ hkʼaˆ teˇ kaˬ le le lo Yeˍsuˆ kʼai leh, yawˇ hui ve bon yehˬ teˇ hpaˍ awˬ hkʼaw lo maˍ piˇ leh Gʼuiˬsha ve mvuhˇmiˬ hta‸ caˉ da‸ ve ha lehˬ ve bon hkawˇ maˍ piˇ ve yoˬ. A naˍ teˇ ceuˬ le le leh naˬ ve gawˬ ve teˇ ceuˬ le le hta‸ htawˇ yawˇ gu na-e piˇ ve yoˬ.