Ma‸htehˍ li‸ 27-ын алдартай Библийн эшлэлүүд

Хуваалцах

Mvuhˇ hpeu‸ hpawˇ shehˆ naˍ riˍ hkʼe gaˬ htaˇ, Yeˍsuˆ awˬ hkawˇ bvuhˬ chaweh te leh, Eˇliˆ, Eˇliˆ, laˍmaˍ saˍbaˆtaˍniˍ teh‸ kuˬ ve yoˬ. Tcuhˉ kuiˬ lehˬ, Ngaˬ ve Gʼuiˬsha-oˬ, ngaˬ ve Gʼuiˬsha-oˬ, aˬ hto‸ ma te nawˬ ngaˬ hta‸ baˬ taˉ laˇ ve le teh‸ kʼoˆ ve yoˬ.

Oˇ htaˇ bon yehˬ lonˉ ve hpaˬ kaˍ lehˬ, awˬ na te leh awˬ hawˉ lo hkʼa gaˬ nyiˇ hkoˇ tzuh‸ sheˬ ve yoˬ. Miˬ hiˆ leh, haˉ pui teˇ hpaˍ htawˇ hkoˇ sheˬ ve yoˬ. Tuˍ hpfuh teˇ hpaˍ hpaw sheˬ leh, suh taˍ peuˬ ve Hkri‸ yaˇ laiˉ gʼaˇ awˬ to kʼaw‸ te‸ tu la ve yoˬ.

Yeˍsuˆ awˬ hkawˇ bvuhˬ chaweh teˇ pawˆ kʼaw‸ kuˬ leh shaˉ cheˆ ve yoˬ.

Ma‸ poˍ leh yawˇ geh Yeˍsuˆ hta‸ shaw chehˇ ve ma‸ yaˇ teˇ hpaˍ lehˬ, miˬ hiˆ ve leh hkʼa hpeh‸ la ve awˬ ceuˬ teˇ hpaˍ hta‸ gʼa mawˬ htaˇ, yawˇ hui kawˆ jaˇ leh, Chi hpaˇ lehˬ, awˬ tehˬ awˬ na Gʼuiˬsha ve yaˇ hpu teˇ gʼaˇ hpeh‸ ve yoˬ teh‸ kʼoˆ ve yoˬ.

Mvuhˇ law‸ kʼaw tcuhˆ htaˇ ka‸ tanˬ leh mvuhˇ hpeu‸ hpawˇ shehˆ naˍ riˍ hkʼa gaˬ, miˬguiˬ hkʼa peu-eˬ naˆ ho‸ lehˍ hpeh‸ sheˬ ve yoˬ.

Jawˇmawˇ Piˉla‸ lehˬ, Hkʼe te kʼo, Hkri‸ teh‸ kʼoˆ ve Yeˍsuˆ hta‸ ngaˬ hkʼaˬ hkʼe gʼa te tuˬ le teh‸, yawˇ hui hta‸ na nyi htaˇ, Yawˇ hta‸ la‸ ka hkʼoˆ lo hta‸ pehˍ loˬ teh‸ yawˇ hui hkʼa peu-eˬ kʼoˆ ve yoˬ. Yawˇ kʼaw‸ kʼoˆ ve, Aˬ hto‸ ma pa taw le. Yawˇ haiˬ ve aˬ hto‸ ma teˇ ceuˬ hta‸ te ve le teh‸ na nyi htaˇ, Yawˇ hta‸ la‸ ka hkʼoˆ lo hta‸ pehˍ loˬ teh‸, yawˇ hui leuˉ leh gʼaˇ hte‸ kʼaw‸ kuˬ ve yoˬ.