MATIO 18-ын алдартай Библийн эшлэлүүд

Хуваалцах

Nə pa' tsʉ' yə́ pɔ pʉə kɑ pɔ tá lə cu'tə́ nə́ nə́ tsǒ tsɑ á bɑ́ gɑ bɑ́ cəcɑ́ pú.

Gɑ piŋ siŋ wɔ kwa' nyənyɔ gɑ pɔ pɑpʉə cəcɑ́ po dəm cá' pɑ ŋkwishwə dó pɑ́ kə́lə́, bɑ Tá a yə e kɛbəŋ a gɔ hɑ́ bi pù.

Yeso lə ké muywə mú, jap e cəcɑ́ pú biŋ gɔm gɑ: Gɑ̌ siŋ wɔ kwa' nyənyɔ gɑ́ po pɑ́ tə́ kwyəpnyə biŋ shʉ' pa' pǒmkəcɔk po a, bɑ gɛ̌, po tə́ gɔ sɔ' kó nə́ Nəfo kɛ́bə̀ŋ pɑ.

Mo yə e gɔ sɔ' zhi mo ŋkho' pa' mú yəŋ gɑ a, bɑ̀ mo gwyə nthʉm Nəfo kɛbəŋ.

Mo yə e lɑ muywə mú pa' yəŋ gɑ nə tso tsɑ̌ a, bɑ e dɑ pa' pɑ́ kwa' myə̀.

Nə pa' gɑ siŋ wɔ kwa' nyənyɔ gɑ́: Guŋ ywə awɛ yə pǒ kwɑ dəmcǎ' a pu gɔ sɔ' kwɑ kɛbəŋ, a guŋ ywə awɛ yə po ŋkhyɛ' dəmcǎ' a pu sɔ' kyɛ' kɛbəŋ.

A dəŋdəŋ po' tə́ Tá a kɛbəŋ gɔ sɔ' ghə nə po, bi a pɑ́ gɑ́ bǎ ya mo lə nə po ka lɑ mhɔ fɑ e nə shwyɛ' e tə nthʉ́m tʉ́m e a.

Da' gɑ́ mo yə́ e fa'tə bǎ tá' mo nə pǒmkəcɔk po pɔ gɑ pyə wap biŋ a, bɑ dzə̀ bi mo bɔ gɑ pu cə̀ŋ mɑ gwɔ' nthuŋ e ma' e nthʉ́m tsʉ̀m shyə́ lɑpʉə.

Pǒ jɔ̌ yɔ́ gɑ́ kɑ̀? A po'o bi a pɑ mo ghə jʉ̀jʉ̀ tsyə́ ŋkhə́, mu' ta' piŋ nthəm nə pú bi, bɑ́ e tə́ gɔ tak pyə shwɔpvʉ̌' mgham vʉ̌' dəm kuŋ, ghɔ cəŋ yə é bi a pa a?