Genesisy 37-ын алдартай Библийн эшлэлүүд

Хуваалцах

Ary nanonofy Josefa, ka nambarany tamin’ireo rahalahiny; dia vao mainka nankahalany azy izany.

Ary tian’Isiraely mihoatra noho ny zanany rehetra Josefa, satria zanaky ny fahanterany izy, ka nanaovany akanjo lava.

Ary nony hitan’ny rahalahiny fa Josefa no tian’ny rainy mihoatra noho izy mirahalahy avy, dia nankahala azy izy ka tsy nahazaka hanao teny tsara taminy.

Ary nanonofy indray izy ka nolazainy tamin’ny rahalahiny; dia hoy izy: Indro, nanonofy indray aho; ary, indreo, ny masoandro sy ny volana ary ny kintana iraika ambin’ny folo niankohoka teo anatrehako.

Dia nialona azy ny rahalahiny; fa ny rainy kosa nitadidy izany zavatra izany.

Fa efa nilaza taminy hoe izy: Mba henoy kely ange izao nofy izao: Indro, namehy amboara tany an-tsaha isika, ary, indro, niarina ny amboarako sady nijoro; ary, indreo, nilahatra manodidina kosa ny amboaranareo ka niankohoka teo anatrehan’ny amboarako.

Koa ankehitriny, andeha hovonointsika izy ka hatsipintsika ao anatin’ny anankiray amin’ireto lavaka ireto; ary dia aoka holazaintsika hoe: Efa lànin’ny biby masiaka izy; dia ho hitantsika amin’izany na hanao ahoana ny nofiny.

Ary raha nandalo teo ny Midianita mpandranto, dia nakarin’ny rahalahiny niala tao an-davaka Josefa ka namidiny sekely volafotsy roa-polo tamin’ny Isimaelita; ary dia nitondra an’i Josefa ho any Egypta ireo.

Dia niresaka hoe izy: Indro, tamy ilay mpanonofy.

Ary nahatazana azy eny lavidavitra eny ny rahalahiny; koa raha tsy mbola nanakaiky azy Josefa, dia niray tetika hamono azy izy.

Ary hoy koa Robena taminy: Aoka tsy handatsa-dra hianareo; atsipazo ao anatin’io lavaka etỳ an-efitra io izy, fa aza misy maninji-tànana aminy hianareo,–mba hamonjeny azy amin’ny tànan’ny rahalahiny hitondrany azy any amin’ny rainy indray.