Romanonan 4-ын алдартай Библийн эшлэлүүд

Хуваалцах

E no tabatin duda ni a deskonfiá loke Dios a primintí, al kontrario su fe a bira mas fuerte i el a alabá Dios, kompletamente konvensí ku Esun ku a duna su promesa tin poder tambe pa kumpli kuné.

manera ta skibí den Skritura: ‘Mi a hasi bo tata di hopi nashon.’ E ta tata den bista di e Dios den kende el a pone su fe; e Dios ku ta duna morto bida i ta duna òrdu pa kos ku ainda no ta eksistí keda kreá.

Hesus a keda entregá na morto pa nos pikánan i a lant'É for di morto pa Dios por aseptá nos komo hustu.

Ora ya no tabatin speransa mas pa un yu, tòg el a kere, el a karga speransa i asina a bira tata di hopi nashon, manera Dios a bis'é: ‘Asina tantu desendiente lo bo haña!’

P'esei, pa e promesa hasí na Abraham por a konta sigur pa tur su desendientenan, e mester tabata un regalo di Dios, basá riba fe. E ta konta pa tur desendiente di Abraham, no solamente pa esnan ku ta obedesé Lei di Moises, pero tambe pa esnan ku fe den Dios manera Abraham. I Abraham ta tata di nos tur

Felis t'esnan kende nan erornan ta pordoná, kende nan pikánan ta tapá. Felis ta e hende ku Señor, no ta tuma su piká na kuenta.

Pasobra Skritura ta bisa: ‘Abraham a kere Dios; Dios a tene kuenta ku su fe i konsider'é un hende hustu.’