Echonan 2-ын алдартай Библийн эшлэлүүд

Хуваалцах

Pedro a kontestá: ‘Kombertí i laga batisá boso den nòmber di Hesu-Kristu, pa Dios pordoná boso pikánan. I Dios lo duna boso Spiritu Santu.

Tur e kreyentenan tabata fiel na siñansa di e apòstelnan i na e bida den nan komunidat, i fielmente nan tabata kibra pan i hasi orashon.

Nan tur a keda yená ku Spiritu Santu i a kuminsá papia na otro lenga, segun Spiritu Santu tabata inspirá nan.

Diripiente un zonido manera un bientu fuerte a bini for di shelu i yena henter e kas kaminda nan tabata. Algu manera kandela a aparesé: el a parti su mes na lenga ku a bai para riba kada un. Nan tur a keda yená ku Spiritu Santu i a kuminsá papia na otro lenga, segun Spiritu Santu tabata inspirá nan.

Tur dia nan tabata huntu den tèmpel; nan tabata kibra pan na kas di otro i kome nan kuminda huntu, ku legria i simplesa di kurason. Nan tabata alabá Dios i tabata bon mirá serka henter pueblo. I tur dia Señor tabata trese mas hende ku a keda salbá, aserka.

“Den e último dianan, Dios ta bisa, lo Mi drama mi Spiritu riba tur hende. Boso yunan hòmber i muhé lo profetisá; boso hóbennan lo haña vishon i boso hòmbernan di edat avansá lo risibí soño.

Tur e kreyentenan tabata forma ún komunidat i tabatin tur kos en komun. Nan tabata bende tur nan propiedat i parti e plaka entre nan segun kada un su nesesidat.

I e ora ei tur hende ku invoká nòmber di Señor lo keda salbá!”

Solo lo kambia bira skur i luna lo haña koló di sanger, promé ku dia di Señor yega, e dia grandi i glorioso.