Maku 1-ын алдартай Библийн эшлэлүүд

Хуваалцах

Miꞌi hawyi Iesui ipoĩꞌam hunete iꞌypyryp te turan hawyi toto yahig wato kape hawyi ihay itote toꞌywot wywo.

Miꞌi hawyi toꞌe -Koitywy ti porap putꞌok e raꞌyn Tupana Morekuat nuat ieineꞌen hamuat. Miꞌi tupono eweitoiat ro eiminug yt naku i hap koꞌi hawyi eweimohey ro Tupana ehay wakuat e Iesui tetama piaria pe.

Miꞌi hawyi Iesui tuwẽtem yꞌy pyi hawyi tehaꞌat raꞌyn atipy kape. Miꞌi hawyi taꞌakasa raꞌyn okenꞌypy ewy raꞌyn. Miꞌi tote pyi tuut raꞌyn Tupana Paꞌãu hawyi putꞌok e raꞌyn pykasu ewywuat Iesui ete. Miꞌi hawyi sehay tuut Iesui kape atipy kaipyi -Taꞌi uimikyꞌe kahato En Uhaꞌyru e. Miꞌi tupono arehum kahato ete e.

-Uito ti worohoꞌosetꞌok yꞌy wo maꞌato miꞌi ti aru Tupana Paꞌãu wakuatno raꞌyn ehetꞌok e Iuwãu miitꞌin me.

Miꞌi hawyi Iesui tiꞌatukay kay raꞌyn -Toꞌiro uhupi uhytꞌiꞌin e. Mesup te ti pira pytyk haria wo eipe maꞌato meiũran ti aru ahenoi miitꞌin pytyk Tupana watnuat hap ehepe e Iesui Simau iꞌewyte Ãtere pe. Mio tã e Iesui hawyi meremo taꞌatuꞌatoiat taꞌatuesuki wato hawyi tuwat raꞌyn Iesui upi.

Miꞌi hawyi teꞌeruwewanetup kahato hawyi teꞌeroꞌe toꞌope -Kat poteĩ Iesui aimuꞌe yt miwan enoi haria ewy i raꞌyn iꞌatuꞌe. Miꞌi ti morekuat ewy raꞌyn wen iꞌatuꞌe.