SEFANAIA 3-ын алдартай Библийн эшлэлүүд

Хуваалцах

Ko Jiova na nomu Kalou ka tiko kei iko sa kaukauwa ko koya, ena ia na veivakabulai; ena rekitaki iko ko koya e na marau, ena vakacegu e na nona loloma; ena marautaki iko e na sere.

E na gauna ko ya au na kauti kemudou mai, io, e na gauna ko ya au na vakasoqoni kemudou kina; ni'u na cakava mo dou rogo ka vakacaucautaki vei ira na veimataqali kecega e vuravura, ni'u na vakalesui kemudou mai na nomudou veivakabobulataki, sa kaya ko Jiova.

Sa kauta tani ko Jiova na nomu veicudruvi, sa biuti ira tani na nomu meca: ko koya na tui Isireli, io ko Jiova, sa tiko e na kemudou maliwa: ko na sega tale ni kunea na ka rarawa.

Raica, au na cakacaka vei ira kecega e na gauna ko ya era vakararawataki iko; ia ka'u na vakabulai koya sa lokiloki, o ira talega sa vakasevi ka'u na soqoni ira mai; ia ka'u na cakava me ra vakacaucautaki ka rogo e na veivanua kece era a vakamaduataki kina.