ISIKELI 37-ын алдартай Библийн эшлэлүүд

Хуваалцах

Sa qai kaya tale vei au, Mo ia na parofisai e na vuku ni sui oqo, ka kaya, Oi kemudou na sui mamaca, dou rogoca na vosa i Jiova. Sa kaya vakaoqo na Turaga ko Jiova ki na sui oqo; Raica, au na vakacuruma na cegu vei kemudou, dou na qai bula

ia ka'u na solia vei kemudou na ua, ka vakatubura cake na lewemudou, ka ubi kemudou e na kulimudou, ka vakacuruma vei kemudou na cegu, dou na qai bula; ia dou na kila ni sai au ko Jiova.

Sa qai kaya vei au ko koya, Ko iko na luve ni tamata, sa na bula rawa li na sui oqo? Au a kaya, kemuni na Turaga Jiova, ko ni sa kila ga.

Sa tiko vei au na liga i Jiova, ka sa kauti au yani e na Yalo i Jiova, ka vakatikori au e na loma ni dua na buca sa sinai tu e na sui, ka sa vakalakovi au voli kina me'u vakavolivolita: ka raica, sa ka levu sara na sui e na dela ni buca; ka raica, sa ra mamaca sara.

Au a qai ia na parofisai me vaka sa vakaroti vei au: ia ni'u sa ia tiko na parofisai, sa dua mai na rorogo, ka raica, sa yavavala mai, ka ra sa dui veitorovi na sui ki na kenai sa. Ia ni'u a vakaraica tiko, raica, sa tubu cake mai na kena ua kei na lewena, ka sa vakasulumi taucoko e na kulina: ia sa sega na cegu vei ira.